Te fundit
Sekui: E patolerueshme që personat me aftësi të kufizuar nuk kanë mundësi punësimi e arsimimi
11 Prill 2013, 10:09Ekonomia
TEMA
Ambasadori i BE-së në Tiranë, Etore Sekui, e ka cilësuar si të papranueshëm faktin që në Shqipëri personat me aftësi të kufizuara nuk kanë mundësi punësimi dhe arsimimi.
“Shqipëria duhet të miratojë ligje dhe akte nënligjore për të drejtat e personave me aftësi të kufizuar. Në Shqipëri vazhdon të jetë një problem arsimimi dhe respektimi i kuotave të punësimit, gjithashtu ligji për antidiskriminimin duhet të jetë më i fortë.Ne besojmë se e drejta nuk është ajo që jepet, por atë askush nuk duhet të ta marrë. Të gjitha vendet që aspirojnë në BE duhet të respektojnë këto të drejta, përfshi këtu dhe Shqipërinë që duhet t’i respektojë këto standarde”, tha Sekui.
Avokati i Popullit, Igli Totozani, tha se do përgatisë një raport mbi faktin nëse institucionet shtetërore respektojnë të drejtat e personave me aftësi të kufizuara.
“Dëshiroj t’ju përmend iniciativën tonë më të fundit, për të kërkuar informacion nga institucionet publike, në lidhje me zbatimin e kërkesave të ligjit numër 7995, për nxitjen e punësimit, për punësimin e personave me aftësi të kufizuar. Ky informacion do të jetë pjesë e një raporti të veçantë, që institucioni i Avokatit të Popullit do ta hartojë për personat me aftësi të kufizuar”, tha Totozani./b.l
3 komente në “Sekui: E patolerueshme që personat me aftësi të kufizuar nuk kanë mundësi punësimi e arsimimi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
e kush tha qe nuk jane te punesuar njerezit me aftesi te kufizuar?
ne jemi shteti qe i respektojme me shume nga cdo vend tjeter ne bote.
ne arijme ti veme deri ne krye te parlamentit,e ne krye te qeverise,.
Z. Sekui ketu ka Doktora te Shkencave e Profesore qe rine rrugeve pa pune apo nuk e dini? Nuk i keni pare Mendimtare, Arkitekte, etj se si prozvalen ne kete vend deri sa hidhen nga katet e pallateve ose vetvaren? Sot eshte dita e Maskarenjve zoti Sekui, por edhe ju shkoni ne çdo “event” te maskarenjve, pse te mos shkoni?
Po pra po , por me emergjente eshte tu jepen pensionet e invaliditetit , qe te mund te blejne medikamentet , se per ti punesuar …….. ka kohe .