Thaçi: Nuk lëvizim nga propozimi ynë

Kryeministri kosovar, Hashim Thaçi, deklaroi në një intervistë për radion “Evropa e Lirë” se Kosova nuk tërhiqet nga qëndrimi i saj sa i përket dialogut me Serbinë.

“Serbia ka kërkuar që të bëjë dramë me këtë proces në Beograd, dhe këtë e ka thënë hapur në Bruksel, në takimet që i kemi zhvilluar bashkërisht me baroneshën Ashton. Atë dramë e ka krijuar vetë te opinioni publik. Mendoj se tani është momenti që të lëvizet përpara.

Pozicioni i delegacionit të Kosovës është plotësisht i përputhshëm me idetë e baroneshës Ashton, për një marrëveshje gjithëpërfshirëse, që normalizon përfundimisht marrëdhëniet në mes të Kosovës dhe Serbisë; që hap perspektivë të sigurt euro-atlantike edhe për shtetin e Kosovës edhe për Serbinë, për paqen, stabilitetin dhe bashkëpunimin rajonal.

Prandaj, dua të shpresoj se në orët dhe ditët e ardhshme gjërat do të lëvizin drejt një vullneti për të arritur marrëveshjen e diskutuar në këta gjashtë muajt e fundit, në nivele të larta politike në mes të Kosovës dhe Serbisë me ndërmjetësimin dhe udhëheqjen e Bashkimit Evropian, konkretisht baroneshës Ashton dhe me mbështetjen e fuqishme të Shteteve të Bashkuara të Amerikës,” tha Thaçi.

“Është në duart e lidershipit të Serbisë të pranojë ose jo marrëveshjen. Ne i kemi dhënë propozimet tona, të cilat janë kushtetuese dhe ligjore, dhe nuk do të lëvizim nga ky pozicion.

Është çështje e Serbisë se a do apo nuk do. Refuzimi nga ana e Serbisë do të ketë kosto për Serbinë, por ne duhet të vazhdojmë të punojmë.

Nëse nuk arrihet marrëveshja në mes të Prishtinës dhe Serbisë, me ndërmjetësimin e BE-së, duhet si Kosovë të vazhdojmë të punojmë drejtpërdrejtë në perspektivën tonë evropiane, me relacionet Kosovë – Bashkim Evropian dhe natyrisht përgjegjësia për stagnimin e paqes, stabilitetit dhe bashkëpunimit rajonal do ta ketë një adresë, dhe kjo adresë do të jetë Serbia”./ep

Shitet ishulli i Onasis në Greqi, e blen një rus për 153 milion dollarë (FOTO)

20:12 Rajoni

Presioni i Gjermanisë mund të rikthejë vizat për Maqedoninë dhe Serbinë

18:33 Rajoni

Aktori Enver Petrovci i bashkohet partisë së Haradinajt

18:30 Rajoni

Deputetët marrin 250 euro për seancë, edhe kur mungojnë

18:21 Rajoni

Krasniqi: Bizneset e mëdha, të lidhura me liderët politikë

19:06 Rajoni

Rusia- Serbisë: Me Kosovën zgjidhini gjërat vetë

19:00 Rajoni

SHBA vendos të bojkotojë debatin e Jeremiç në OKB

10:00 Rajoni

Lugina e Preshevës i bën thirrje Thaçit: Mendo edhe për ne

20:07 Rajoni

Daçiç bën thirrje për shkëmbim territoresh: Më mirë merremi vesh për këtë

20:03 Rajoni

Horror në Serbi, vret djalin dhe 12 persona të tjerë

10:15 Rajoni