Grabiten dhe dëmtohen muret pranë kalasë së Gjirokastrës

Prej ditësh, bordurat rrethuese në rrugën drejt kalasë shekullore janë dëmtuar, pllakatet janë thyer dhe pjesa dërrmuese e tyre është grabitur.

Fenomeni, i evidentuar nga specialistët e shërbimeve pranë bashkisë, është mjaft shqetësues për zonën muzeale, pasi është përsëritur disa herë.

Njëherazi, në kalldrëmin drejt kalasë është shkatërruar edhe rrjeti ndriçues dekorativ, duke lënë këtë zonë pa energji.

Sipas Dasho Sejdos, përgjegjës pranë zyrës së Shërbimeve në bashkinë e qytetit, ky fenomen ndodh në pikun e sezonit, kur turistët vërshojnë në këtë pjesë të qytetit dhe ajo çka gjejnë është një imazh i shëmtuar e madje shpeshherë edhe pa energji, duke i kufizuar lëvizjet në këtë zonë.

“Ne kemi marrë masa duke zëvendësuar ndriçimin, por kjo gjë është e përsëritur dhe po krijon një imazh negativ për qytetarët gjirokastritë. Së fundmi kemi bërë edhe denoncime në polici, pasi mendojmë se më së shumti këto janë akte rrugaçërie”, – thotë  Sejdo për “GSH”.

Lidhur me shqetësimin e mësipërm, policia e Gjirokastrës ka nisur aktivizimin e patrullimeve 24-orëshe në zonën muzeale. Burime policore bëjnë të ditur se deri tani janë shoqëruar në komisariat pesë persona, kryesisht të rinj./A.XH

Fotot e rralla të fshatrave çamë më 1913

11:34 Kulturë

Balerini shqiptar Kledi Kadiu: Kultura do jetë shpëtimi i vendit

10:14 Kulturë

UNESCO denoncon vendimin e qeverisë Berisha, për të ndërtuar rrugë të re brenda zonës së Shpallur Pasuri Botërore

10:21 Kulturë

Sarandë/ Kisha e Shën Premtes drejt rrënimit. Asnjë tabelë orientuese për vendodhjen e saj

10:18 Kulturë

Artisti Amando Lulaj, art me kabllogramet e "Wikileaks" në Teatrin Kombëtar

10:49 Kulturë

SHENIM/ Rrethimi i Shtëpisë së Pavarësisë

10:48 Kulturë

Muçaj: Organizatorët e festivaleve, shkatërrojnë Butrintin dhe Apoloninë

10:38 Kulturë

FOTO REPORTAZH/ Ja si po shkatërrohet një tjetër trashëgimi antike

21:47 Kulturë

Vasfi Baruti: Nexhmije dhe Enver Hoxha vranë Qemal Stafën

12:31 Kulturë

Aktorja Luli Bitri, në skenën e teatrit në krah të Michele Placidos

10:42 Kulturë