Stivens: Kaçen e masakruan

Hub Stivens “thumbon” grekët dhe i del në mbrojtje shqiptarit Ergys Kaçe. Trajneri holandez dje është shfryrë në lidhje me çmendurinë e ndodhur rreth një gabimi, nëse mund të quhet kështu ai i veshjes së fanelës së UÇK-së.

Trajneri dje ka folur për gjendjen e lojtarit dhe shpreson që ta fusë titullar që në ndeshjen e radhës. “Të gjithë lojtarët janë të rëndësishëm dhe i tillë është edhe Ergysi. E kam thënë publikisht se ai ka bërë një gabim, por këtu në Greqi nuk e kuptuan në atë moment. Atëherë thashë që presidenca ta ndëshkonte, por jo që historia të shkonte në këto nivele. Edhe vetë Kaçe nuk e di se si e ka përballuar këtë situatë. Është një i ri dhe të gjithë të rinjtë, nëse e themi kështu, gabojnë, por të gjithë kanë nevojë për një shans të dytë”, është shprehur Stivens, që me sa duket e planifikon Kaçen në skuadër që këtë javë. Tashmë Ergys Kaçe është kthyer në ekip para disa ditësh, por sigurisht edhe njëherë tjetër ka falënderuar të gjithë për atë që bënë. Kaçe nga ana e tij ka falënderuar nga “Facebook” të gjithë tifozët, por edhe ata që e kanë mbështetur: “Jam kthyer në stërvitje me skuadrën time PAOK. Tani do të bëj më të mirën për të shkuar sa më larg me rezultate”, është shprehur shqiptari, i cili ka premtuar se do të bëjë më të mirën me këtë ekip. Gjithçka ndodhi thuajse një muaj më parë, kur Ergys Kaçe, përpara se Shqipëria të luante ndeshjet e saj eliminatore të “Botërorit 2014”, ndaj Sllovenisë dhe Islandës, postoi në “Facebook” e tij një foto me një fanelë të UÇKsë. Kjo ngjalli shumë pakënaqësi tek tifozët grekë, por sidomos tek drejtuesit e klubit. Si pasojë e kësaj fotoje, menjëherë, klubi vendosi që të pezullonte futbollistin e Kombëtares kuqezi, i cili u ndje i fyer nga ky gjest dhe nuk e kuptoi se pse kishte ndodhur. Lojtari mori faljen përfundimtare nga presidenti Savides, duke qartësuar kështu situatën e tij, që ka qenë e nderë që ditën e parë të grumbullimit me kombëtaren, për ndeshjet me Slloveninë dhe Islandën.

Ky veprim ndodhi pas deklaratave të vetë presidentit të PAOK-ut dhe trajnerit Hub Stivens. Kujtojmë që klubi doli me një deklaratë zyrtare, ku thoshte se: “PAOK FC, informon se Ergys Kaçe ka dalë sot para bordit drejtues të skuadrës dhe ka kërkuar falje për atë që ka ndodhur dhe fotografinë. Lojtari do të qëndrojë jashtë fushës së lojës, por do të stërvitet me grupin derisa të merret vendimi përfundimtar nga pronari i klubi, Ivan Savides”.

Murinjo: Ata që më shajnë, nuk më njohin

14:56 Sport

Ouen: Arsenali nuk mund të luftojë për titull

14:55 Sport

Vijash Boas: Murinjo nuk më donte pranë vetes

15:26 Sport

Rumenige: Ndalni kritikat për Shvajnin

15:09 Sport

Kristiano Ronaldo, letër policisë amerikane për lirimin e djalit shqiptar

15:01 Sport

Shqipëri – Zvicër drejtohet nga nje arbiter i finaleve

14:47 Sport

Riberi: Tripleta e vjetshme shton më shumë presionin mbi ne

15:16 Sport

Ibra: Në verë doja të largohesha nga PSG

14:54 Sport

Ndizet Barça-Real, akuza dhe kundërakuza

14:53 Sport

Marota: Nuk ekziston asnjë çështje Pirlo, për kontratën do flasim në mars

14:52 Sport