Në Shqipëri ndodhin mbi 80 vepra penale në ditë. Ja ç’ndodh në një muaj!

Për të qenë transparentë me publikun, Ministria e Brendshme ka vendosur që të publikojë buletinin mujor të Policisë së Shtetit.

Buletini i parë mbulon periudhën prej 17 shtatorit deri më 17 tetor.

“Të dhënat e pasqyruara në këtë buletin do të publikohen çdo muaj. Ky është publikimi i parë, që sigurisht do të pasurohet me përmirësime të vazhdueshme.

Policia e Shtetit synon nxitjen e analizave brenda dhe jashtë saj bazuar mbi statistika mujore që synojnë nga njëra anë rritjen e besimit të publikut dhe kontrollin e qytetarëve mbi punën tonë, por njëkohësisht dhe përmirësimin e treguesve të punës për garantimin e jetës dhe pronës së qytetarëve.

Buletini Mujor do të shoqërohet edhe me vlerësimet e Drejtorit të Përgjithshëm të Policisë së Shtetit drejtuar vetë Policisë së Shtetit por edhe qytetarëve,” thuhet në njoftimin zyrtar.

Po çfarë ndodh brenda një muaji në Shqipëri sa i përket rendit dhe sigurisë?

Në këtë periudhë kanë ndodhur 2560 vepra penale, ose mbi 82 vepra penale në ditë.

Zbulueshmëria është në nivelin 87 përqind.

Në total janë proceduar 2455 persona të dyshuar, ndërsa janë arrestuar 441, kurse 1836 persona ndiqen në gjendje të lirë.

Gjatë këtij muaji janë kapur 187 persona, prej tyre 15 kanë qenë në kërkim ndërkombëtar. 9 nga të kapur kërkoheshin për vrasje, 5 kërkoheshin për vjedhje me armë dhe dhunë, kurse 55 kërkoheshin për vjedhje të hapura.

Në buletinin mujor thuhet se janë sekuestruar e bllokuar 3.6 kilogram heroinë dhe 528 kilogram marijuanë.

Po ashtu janë kapur 490 vepra arti dhe në këtë kuadër vlerësohet operacioni “Ikona” si një operacion i rëndësishëm kundër trafikimit dhe vjedhjes së veprave të artit.

Po ashtu janë kapur 24 makina të trafikuara në kuadër të operacionit “Euro Car Albania”.

Sa i përket krimit ekonomik dhe korrupsionit, thuhet se janë referuar në prokurori 7 raste në lidhje me asetet kriminale dhe po verifikohen 122 raste të tjera.

“Strukturat kundër krimit ekonomik e financiar gjatë kësaj periudhe kanë ndërmarrë një sërë operacionesh të suksesshme. Më i rëndësishmi ishte operacioni i koduar “Fund Marrëzisë”, me objektiv goditjen e aktivitetit të paligjshëm të lojërave të fatit. Në këtë operacion, i cili është në vazhdim, u angazhuan rreth 6000 forca policore. Rezultatet e tij do të publikohen në vijim,” thuhet në buletin.

“Në luftën kundër korrupsionit veçojmë 4 goditje të rëndësishme, gjatë të cilave u arrestuan 13 persona. 5 persona u arrestuan, pasi kishin ngritur një skemë mashtrimi pensionesh, një pedagog dhe 2 “sekserë” u arrestuan në Tiranë, 2 mjekë u arrestuan në Korçë, 3 zyrtarë të lartë u ndaluan në bashkëpunim me prokurorinë”.

Në një muaj ka pasur 262 krime kundër personit, ndërkohë që zbulueshmëria është në nivelin 93 përqind. Janë proceduar 210 autorë.

Në këtë muaj ka pasur katër vrasje.

“Në sajë të punës hetimore të kryer është bërë e mundur zbardhja e 3 prej tyre, ndërkohë vijojnë hetimet intensive për zbardhjen e vrasjes së ndodhur në Shkodër. Autorë të këtyre vrasje janë evidentuar 7 persona, 3 prej të cilëve janë arrestuar nga strukturat e policisë, ndërkohë 4 prej tyre janë shpallur në kërkim,” thuhet në buletin.

Situata më e vështirë duket sa u përket krimeve kundër pronës.

Në total janë 513 vepra penale, kurse zbulueshmëria është vetëm 52 përqind. Në total janë 204 autorë të proceduar.

“Një riorganizim më i mirë, në sajë të procesit reformues të filluar tashmë, do të mundësojë një kontroll më të mirë të territorit dhe parandalimin e kriminalitetit,” thekson buletini.

NDERTIMET PA LEJE

•332 vepra penale

•100 % zbulueshmëria

•341 autorë proceduar

•Në 47 raste janë referuar materialet në prokurori për shpërdorim detyre ndaj Inspektorëve të Inspektoratit Ndërtimor Urbanistik Vendor.

PRERJA E PYJEVE

•51 vepra penale

•100% zbulueshmëria

•57 autorë të proceduar

•5 punonjës të Policisë Pyjore janë proceduar për shpërdorim detyre

DHUNA NE FAMILJE

•250 raste ndërhyrë

•169 raste trajtuar sipas Ligjit për dhunën në familje

•81 raste sipas Kodit Penal

•49 autorë janë arrestuar e ndaluar

•5 janë shpallur në kërkim

•167 raste urdhra mbrojtje apo procedime në gjendje të lirë

FLUKSI NE PIKAT KUFITARE

Shtetas shqiptarë

• 279.482 hyrje

• 303.001 dalje

Shtetas të huaj

• 236.274 hyrje

• 233.793 dalje

Deportuar nga vendet e BE-së

• 1.769 shtetas shqiptarë

Ristani: Lazarati ishte një dështim i qeverisjes së PD-së

10:55 Kronika

Ngjarje e rëndë në Sarandë/ Masakrohet në shtëpi pronarja e dy lokaleve

10:31 Kronika

Investigimi i “The Sun”: Ja si mund të blesh armatim në Shqipëri

12:08 Kronika

Vdekja e maturantëve/ Kamioni me dru kontrabandë kishte fikur dritat. Gjykata e lë shoferin në burg

10:24 Kronika

“Nënë, po vijmë! Për 1 orë jemi në Shkodër”

10:40 Kronika

SHKB prangos policin, ngacmoi seksualisht fqinjen

12:39 Kronika

Aksident i rëndë në aksin Korçë- Pogradec, furgoni përplas për vdekje një çift

19:24 Kronika

Vrasja e dyfishtë në Dibër/ Gruaja lajmëroi burrin: Vëllai yt do të më hyjë në dhomë

10:37 Kronika

Shkarkohen të gjithë zv/drejtorët e krimeve të rënda

16:57 Kronika

Studentët lënë mësimin për ... të korrur drogën e Lazaratit

10:43 Kronika