VIDEO/ Basha- Thaçi: Respektimi i të drejtave të shqiptarëve në Maqedoni, rruga e vetme drejt BE

“Respektimi i të drejtave të shqiptarëve në Maqedoni është rruga e sigurt e përparimit europian dhe euro-atlantik të Maqedonisë”, u shpreh kryetari i Partisë Demokratike Lulzim Basha pas takimit te zhvilluar në selinë e kësaj partie me kryetarin e PDSH-së së Maqedonisë Menduh Thaçi.

Basha e ka cilësuar si shumë të rëndësishëm faktin që të gjitha partitë shqiptare në Maqedoni të kenë një objektiv të njëjtë, garantimin e të drejtave të shqiptarëve.

“Pavarësisht nga rrugët e ndryshme, nga pozita të ndryshme të faktorit politik shqiptar në Maqedoni, e rëndësishme është që objektivi të jetë dhe të mbetet i njëjtë: plotësimi dhe garantimi i të gjitha të drejtave humane, kushtetuese, ligjore, europiane të komunitetit shtet-formues të shqiptarëve të Maqedonisë, si një parakusht i rëndësishëm i udhëtimit europian të shtetit fqinj lindor, si një parakusht i integrimit europian të të gjithë rajonit të Europës Juglindore”, tha Basha.

Në vijim ai theksoi se Partia Demokratike ka qenë dhe mbetet një përkrahëse e vendosur dhe e fuqishme e avancimit të të drejtave të komunitetit shtet-formues të shqiptarëve të Maqedonisë, duke kërkuar me vendosmëri zbatimin pa vonesë dhe në mënyrë të plotë të të gjitha parashikimeve të marrëveshjes së Ohrit.

Ndërsa kryetari i PDSH-së Menduh Thaçi u shpreh se për popujt e civilizuar dhe shtetet e zhvilluara, opozita është më e rëndësishme se pushteti, për shkak se opozita mban edhe pushtetin moral, është kontrollues i madh i qeverisjes për të mos ndodhur abuzime.

“Biseduam mbi çështje që kanë të bëjnë me shqiptarët në Maqedoni, por realisht në të njëjtën kohë ne biseduam edhe për aspektet politike të Shqipërisë. Për shqiptarët e Maqedonisë është jashtëzakonisht e rëndësishme situata politike në Shqipëri, për shkak se sa më tepër që zhvillohet një kohezion i fuqishëm dhe funksionalizim i institucioneve të shtetit, ne ndihemi më mirë dhe më të fuqishëm ndaj kombit”, u shpreh ai.

Në lidhje me situatën në Maqedoni, kreu i PDSH tha se “ballafaqohemi me një situatë të rëndë të bllokimit të procesit integrues që paraqet një pengesë serioze të integrimit të shqiptarëve në sistemin e vlerave perëndimore dhe në të njëjtën kohë një gatishmëri e pashpjeguar e qeverisë, për të shkelur të gjitha marrëveshjet, qofshin të brendshme apo ndërkombëtare që kanë të bëjnë me avancimin e të drejtave të shqiptarëve”.

Analistët: Takimi mes dy qeverive, thjesht shfaqje mediatike

18:10 Rajoni

Mbledhja e dy qeverive, më 11 janar/ Do jepen fonde për Luginën e Preshevës

11:41 Rajoni

Një negociator në Bruksel, 65 mijë euro shpenzime

10:32 Rajoni

Shifrat shokuese/ 45 ish-ushtarë të UÇK-së kanë kryer vetëvrasje

10:29 Rajoni

Tirana e shqetësuar: Politikanët shqiptarë në Maqedoni, shumë agresivë mes tyre

08:49 Rajoni

Bullgaria do të vendos përmendoren e Mbretit Samoil në Sofje

20:01 Rajoni

Mund të ketë mbledhje të tre qeverive në Shkup

20:00 Rajoni

Shkupi, i gatshëm për mbledhje të përbashkëta të qeverive me Kosovën dhe Shqipërinë

16:15 Rajoni

Lubonja i përgjigjet Qosjes: Nuk mbështetem tek miqtë e Serbisë për tezat e mia

11:29 Rajoni

Befasia e fundvitit ka qenë pika kufitare e Morinës

17:44 Rajoni