Bushati: Më 11 janar Rama dhe Thaçi nënshkruajnë deklaratën e partneritetit strategjik

Në mbledhjen e përbashkët të 11 janarit, që do të zhvillohet mes qeverisë shqiptare dhe asaj të Kosovës, do të nënshkruhet deklarata e partneritetit strategjik mes dy kryeministrave, sikundër do të diskutohet për çështjet e integrimit ekonomik dhe për një qasje sa më të rakorduar për sa i përket situatës në Preshevë.

Kjo u bë e ditur nga ministri i Jashtëm, Ditmir Bushati, sipas të cilit “me Kosovën do të ulemi për të jetësuar partneritetin strategjik, përmes një bashkëqeverisje strategjike”.

I ftuar në emisionin ‘Tonight Ilva Tare’, Bushati theksoi se në 100 ditët e para të qeverisë Rama prioritet i diplomacisë shqiptare ka qenë ripozicionimi i Shqipërisë në rajon, në Europë dhe në botë.

Po sipas tij, dy prioritete të tjera të rëndësishme janë hapja e shërbimit të jashtëm dhe diplomacia ekonomike.

I pyetur në lidhje me shkrirjen apo bashkimin e disa selive diplomatike, Bushati tha se do të ketë ambasada që do të mbyllen por kjo nuk do të vijë në mënyrë të shpejtë dhe arbitrare dhe pa u shoqëruar me një studim.

“Në rast se do t’u referohemi letrave kemi vendime të Këshillit të Ministrave të qeverisë Berisha, ku supozohet të kemi ambasada në Norvegji, Estoni, Pakistan, Afrikën e Jugut, etj. Këto ambasada nuk ekzistojnë. Kanë dalë vendimet e Këshillit të Ministrave, janë njoftuar këto shtete për hapjen e ambasadave nga ana e Shqipërisë, por ato nuk janë hapur kurrë”, tha ai.

VIDEO/ Basha- Thaçi: Respektimi i të drejtave të shqiptarëve në Maqedoni, rruga e vetme drejt BE

18:56 Rajoni

Analistët: Takimi mes dy qeverive, thjesht shfaqje mediatike

18:10 Rajoni

Mbledhja e dy qeverive, më 11 janar/ Do jepen fonde për Luginën e Preshevës

11:41 Rajoni

Një negociator në Bruksel, 65 mijë euro shpenzime

10:32 Rajoni

Shifrat shokuese/ 45 ish-ushtarë të UÇK-së kanë kryer vetëvrasje

10:29 Rajoni

Tirana e shqetësuar: Politikanët shqiptarë në Maqedoni, shumë agresivë mes tyre

08:49 Rajoni

Bullgaria do të vendos përmendoren e Mbretit Samoil në Sofje

20:01 Rajoni

Mund të ketë mbledhje të tre qeverive në Shkup

20:00 Rajoni

Shkupi, i gatshëm për mbledhje të përbashkëta të qeverive me Kosovën dhe Shqipërinë

16:15 Rajoni

Lubonja i përgjigjet Qosjes: Nuk mbështetem tek miqtë e Serbisë për tezat e mia

11:29 Rajoni