VIDEO/ Basha takon ambasadorin suedez: Reforma Territoriale, kushti ynë i vetëm konsensusi i gjerë

Opozita ka vullnetin e plotë për të ndërmarrë të gjitha hapat e nevojshëm dhe për të plotësuar të gjitha detyrimet e saj në raport me reformat madhore të vendit, përfshirë reformën administrativo-territoriale.

Kjo reformë nuk është thjesht dhe vetëm vizatim kufijsh në hartën e Shqipërisë, por ka impakt të drejtpërdrejtë në procesin zgjedhor dhe në atë të decentralizimit.

Kështu u shpreh Kryetari i PD-së, njëkohësisht edhe Kryetar i Bashkisë së Tiranës Lulzim Basha, gjatë takimit me Ambasadorin e Suedisë (Rezident në Shkup) Mats Staffansson.

Basha u shpreh se e vetmja kërkesë e opozitës  për realizimin e Reformës Territoriale është një konsensus i gjerë politik midis maxhorancës dhe opozitës dhe një konsultim i gjerë publik nga akti i parë e deri tek akti i fundit, që është miratimi me votë në Kuvendin e Shqipërisë.

“Konsensusi është një domosdoshmëri ndaj së cilës nuk mund të iket, është një kusht i panegociueshëm i opozitës në mënyrë që produkti final t’u shërbejë interesave të qytetarëve dhe jo llogarive elektorale të mazhorancës”, theksoi Basha.

Ndërsa shprehu mirënjohjen e tij për ndihmën dhe kontributin që Suedia i ka dhënë Shqipërisë në zhvillimin ekonomik por edhe në procese të rëndësishme, si anëtarësimi në NATO dhe liberalizimi i vizave, Basha ka shprehur shqetësimin e PD dhe opozitës në tërësi për goditjen e rëndë që mazhoranca e re u ka bërë themeleve të demokracisë, votës së lirë, institucioneve të pavarura dhe konsensusit.

Në këtë kuadër kreu i PD-së ka theksuar se pas skandalit të blerjes së votave, një tjetër skandal i tipit mafioz është bërë publik kohët e fundit me ndërhyrjen e paligjshme në serverin e zyrës së Tatimeve. Sipas Bashës, persona të veshur me pushtet kanë vjedhur të dhëna fiskale të miliona qytetarëve shqiptarë dhe bizneseve të tyre.

“Në shkelje të Kushtetutës, mazhoranca Rama-Meta refuzoi kërkesën e opozitës për transparencë përmes ngritjes së komisionit të hetimit parlamentar. Pavarësisht vendimit të Gjykatës Kushtetuese që e ka shpallur antikushtetues e për rrjedhojë pa asnjë fuqi juridike, aktin normativ të qeverisë që ndryshoi në mënyrë të njëanshme ligjin për nëpunësin civil dhe shkatërroi në mënyrë të paprecedent konsensusin, mazhoranca PS-LSI, ka intensifikuar sulmi ndaj administratës publike. Çdo ditë profesionistë largohen masivisht nga puna dhe në vend të tyre emërohen militantë politikë. Policia dhe organet e rendit po përjetojnë një degradim të paprecedentë gjatë këtyre 20 viteve, si pasojë emërimeve politike dhe në kundërshtim flagrant me ligjin. Sot, Policia e Shtetit po përdoret për qëllime politike e antiligjore çka ka sjellë rritjen e kriminalitetit që po kërcënon përditë jetën dhe pronën e qytetarëve shqiptarë”, theksoi kreu demokrat.

Sipas tij, Qeveria Rama-Meta ka lançuar një sulm të papranueshëm ndaj institucioneve të pavarura si ILDKP, AMA, Presidentin e Republikës etj,në shkelje të hapur të Kushtetutës, si dhe po ushtrohet presion politik mbytës mbi institucionet e drejtësisë.

Basha theksoi se pavarësisht sjelljes antidemokratike të mazhorancës ndaj Kushtetutës, shtetit ligjor dhe parimeve të konsensusit demokratik, Partia Demokratike dhe opozita shqiptare vijon të mbetet e palëkundur në qëndrimin e saj për mbështetje pa kushte të të gjitha hapave dhe reformave madhore të procesit të integrimit.

Suedia një prej miqve më të afërt të Shqipërisë në BE

16:10 Politika

Berisha: Rama-Meta po injorojnë Kushtetuesen, akt i pashembullt anti-shtet

15:39 Politika

Arben Ndoka dhe Merita Kuçi marrin mandatet e deputetit nga KQZ

15:29 Politika

Gjosha: Integrimi i rinisë, prioritet për Qeverinë

12:19 Politika

Prokuroria nuk do të nisë hetimet ndaj Zana Xhukës

15:13 Politika

VIDEO/ Ligjet rrëzojnë kandidaturat e Nishanit për Gjykatën e Lartë. Reagon PD

14:43 Politika

Nuk paraqiten përfaqësuesit e Qeverisë, Kushtetuesja shtyn ankimimin e PD për aktin normativ

14:13 Politika

KLSH: Dëmi ekonomik gjatë 2013-ës, 15.1 miliardë lekë. Pjesa më e madhe e dëmit nga shitja e pasurive ose koncensionet

12:00 Politika

Lufta në Siri, vritet një 40-vjeçar nga Pogradeci

13:36 Politika

Ja zyrtarët që kanë përfituar kredi të buta për shtëpitë

12:14 Politika