Preferoj armikun tim me urrejtjen e tij të sinqertë… se sa një “mik” me miqësinë e tij të rreme

Nga Magdalena Ramohito

Ka shumë përkufizime mbi jetën: Disa e konsiderojnë atë si një luftë, disa si një dhuratë, por shumica bien dakord se atë e jetojnë të fortët e jo zemërlepujt… Po është gjithashtu e vërtetë se ka përkufizime të ndryshme për ‘të fortët’ dhe ‘zemërlepujt’.

Sot në shoqërinë tonë shqiptare në tranzicion nuk mund të përkufizosh dot, qofsh edhe sociologu më i mirë në botë, terma të tilla, sepse vetë konteksti është në gjendje kaosi, por ama një gjë është e sigurt, se qentë më të dobët ikin me vrap vetëm me një lëvizje dore, sikur do marrësh një gurë…

Unë i kam parë shqiptarët “të deformuar” sipas optikës sime dikur kur frika e shtetit autokratik i kish transformuar burrat në lepuj, por më të deformuar se sot nuk kam parë kurrë, burra me kostume e kollare, e me nga një celular të modës së fundit në dorë, vetëm e vetëm për t’u mbajtur me thonj e kurriz shtrembëruar për të mos rënë nga ‘PIAZA’ ku i ngriti militantizmi.

I përshëndes gratë, sidomos ato NËNA edhe në ndonjë rast NëNa, të cilat i rrisin fëmijët të vetme dukë bërë edhe rolin e babait që mungon, që marrin në sy rrezikun e nuk denjojnë të ‘hanë një lugë çorbë të prishur’, por pranojnë largimin nga puna me dinjitet, por ç’dinjitet???!!!

Gratë janë ato që i thonë mendimet e tyre me zë dhe e tregojnë përkatësinë e tyre politike, por rrallë ka nga ato që riskojnë me kokëfortësi dhe ato janë me plot kuptimin e fjalës NËNA.

Ato nuk bëhen merak për rrogën e munguar, sepse besojnë dhe ofrojnë sakrificën e duke besuar se e ardhmja e fëmijëve të tyre do të jetë më e mirë.

Sot dua të shkruaj për ATO, edhe për ato që fati nuk i ka ndihmuar për të qenë nëna, por luftën e tyre për ta bërë këtë vend më të mirë për gjithë fëmijët e Shqipërisë kanë dhënë tepër shumë nga vetja, duka duruar gjithë fyerjet pa limit të burravecëve kurrizshtrembër, dhe nuk janë ankuar kurrë..

Ata burravecët, që zbatojnë urdhra të verbra, sot janë ambasadorë, drejtorë e çfarëdolloj, ndërrojnë padronë dhe nuk dinë të skuqen e të zverdhen, veç siç vijnë edhe ikin pa zhurmë në majë të gishtave si hajdutë profesionistë, madje guxojnë edhe buzëqeshin… dhe e kërkojnë të njëjtën gjë nga ato gratë që dinë veç të ofrojnë sakrificën e tyre, për hir të fëmijëve, për hir të së ardhmes më të mirë, sikur asgjë nuk ka ndodhur, duan të tregojnë miqësinë sepse kështu janë mësuar me këto dredhi sigurojnë vazhdimësinë…

Kështu rifillojnë të hiqen si dashamirës dhe fajësojnë… nuk dinë se kë… dhe kështu bezdisin NËNA për t’i shërbyer padronit të ri me celular në dorë, me kurrizin të shtrembër bjerrin besimin dhe shuajnë buzëqeshjet e fëmijëve, sepse padronët e rinj janë të gatshëm të bashkëpunojnë…

Ata burravecë në 2005 erdhën gjithë zhurmë dhe tani shtrembërohen dhe sillen si e duan SHEFAT E RINJ, ndërsa ka disa nga ato/ata, që vijnë në majë të gishtave, pa zhurmë,( gjithmonë kështu vijnë) por kur largohen shkaktojnë shumë zhurmë…

Prandaj këta burravecë nuk i durojnë dot njerëzit që vijnë në majë të gishtave dhe me kokën ulur e për këtë e kanë baltën gati ndër duar, prandaj duhet ecur më shpejt në mënyrë që të prekësh në tokë të pastër e duart e baltaxhinjve të mbeten të pista si një dëshmi e pamohueshme dhe e dënueshme për gjithë fatkeqësitë që kanë sjellë me ‘VEPRAT’ e tyre.

Këta burravecë, që janë mësuar të merren me NËNA të mos harrojnë kurrë se ai/ajo që vjen kokulur e në majë të gishtave, nëse largohet prej presionit të tyre, një ditë do të shkaktojnë një tërmet të tillë që këta burravecë të luten me duar lart: “ZOT BËJE ËNDËRR”…

VIDEO/ S’ka forcë që mund ta kthejë mbrapa Shqipërinë në rrugën drejt BE

10:41 Blog

Basha çon Tritanin në Lushnjë në festën e PD, 17 vite më parë atje e “rrahën” me “pras”

19:48 Blog

Universiteti dhe profesorët në mëshirë të klanit Kule

18:50 Blog

Dy Vetëvendosje

20:14 Blog

Të rilindim së bashku

20:10 Blog

UDB-ja, kjo armike e dashur dhe e pandashme e shqiptarëve

19:57 Blog

Gabimet e Gërxhaliut

21:03 Blog

Si po shkatërrohen zgjedhjet brenda PD-së

19:06 Blog

Kush do ta bëjë Shqipërinë??

19:15 Blog

Kush po i bjen “Radikës”?

19:02 Blog