Disa prova që vertetojnë paligjshmërinë e vendimit të Senatit dhe mashtrimin e Kules

Shkresa e Dekanatit FSHN drejtuar Rektoratit

Ne date 22.01.2014 Senati i Universitetit te Tiranes vendosi per ndarjen e Departamentit te Matematikes prane Fakultetit te Shkencave te Natyres ne dy departamente dhe perfshirjen e grupit mesimor te matematikes nga Fakulteti i Ekonomise ne ate te Shkencave te Natyres.

Ne lidhje me vendimin e fundit te Senatit te UT-se, ligji Nr.9741, datë 21.5.2007 “PËR ARSIMIN E LARTË NË REPUBLIKËN E SHQIPËRISË”, i ndryshuar, shprehet si me poshte:

“Departamenti është njësi bazë mësimore-kërkimore, që përfshin fusha kërkimi homogjene” (Neni 12 “Departamentet”, pika 1). “Departamenti duhet të ketë në përbërje të tij të paktën 7 anëtarë efektivë si personel akademik, ndër të cilët të paktën 3 duhet të jenë me grada dhe tituj” (Neni 12 “Departamenti” pika 3, paragrafi dyte).

Bazuar ne Nenin 18 “Keshilli i fakultetit dhe njesive te tjera kryesore”, pika 1, te drejten per ti propozuar Senantit per “hapje, ndryshim ose mbyllje departamentesh a njësish të tjera” e ka vetem Keshilli i Fakultetit”.

Sipas Nenit 14 “Senati Akademik”, pika 2, shkronja e, Senati i UT “vlerëson dhe miraton hapjen, ndryshimin ose mbylljen e njësive mësimore ose kërkimore” bazuar ne propozimin e keshillit te fakultetit.

Per te marre forme perfundimtare vendimi duhet te kaloje ne Keshillin e Administrimit te UT. Kjo bazuar ne Nenin 16 “Keshilli i Administrimit”, pika 2, shkronja ç, ku thuhet qe Keshilli i Administrimit “miraton strukturën dhe numrin e personelit të institucionit për të gjitha nivelet”.

Pra bazuar ne ligjin e mesiperm, hyrja ne fuqi e ketij vendimi qe prek dy departamente te fakulteteve te ndryshme duhe te kalonte ne keto faza:

Protesta jone e diteve te fundit ka bere te mundur qe shume dashamires ne te gjitha strukturat e Universitetit te Tiranes te na vene ne dispozicion ne dokumenta te cilat zbardhin pa rregullsine e vendimit dhe tentativat e Rektorit Kule per ti mbuluar ato ne bashkepunim me Dekanit e Fakultetit te Shkencave te Natyres Mynyr Koni. Nga dokumentacionet qe kemi ne dispozicion dhe te bashkengjitura rezulton se:

Keshilli i Fakultetit prane Fakultetit te Shkencave te Natyres me vendim nr. 17, date 20.12.2013, vendosi per ndarjen e Departamentit te Matematikes ne dy departamente te reja bazuar ne relacionin shpjegues qe i eshte bashkengjitur. Vendimi, i firmosur nga Dekani Mynyr Koni, I u propozua Senatit te UT per miratim. Departamenti i Matematikes do te ndahej ne Departamentin e Matematikes, qe do te perbehej nga 18 pedagoge, dhe Departamentin e Inxhinierise Matematike dhe Informatike, i perbere nga 10 pedagoge. Bazuar po ne relacionin shpjegues rezulton se Departamenti i Inxhinierise Matematike dhe Informatike ka ne perberje te tije 2 Profesore dhe 1 Doktore Shkencash. Pra ky department eshte ne perputhje me Neni 12 “Departamenti” pika 3, paragrafi dyte te ligjit qe thote “Departamenti duhet të ketë në përbërje të tij të paktën 7 anëtarë efektivë si personel akademik, ndër të cilët të paktën 3 duhet të jenë me grada dhe tituj” dhe nuk ka nevoje per personel shtese. Gjitashtu po te shqyrtojme me vemendje vendimin, relacionin shpjegues, dhe kerkesen e Departamentit nuk ka asnje kerkese te lindur nga perfshirjen e grupit mesimor te matematikes te Fakultetit te Ekonomise. I pyetur per kete gje edhe Prof. Xhezair Teliti pranoj qe nje kerkese e tille nuk ka lindur nga Departamenti i tij. Pra Departamenti i ri ka mjaftueshem personel dhe asnje kerkese nuk kishte lindur per perfshirjen e grupit mesimor te Matematikes te Fakultetit te Ekonomise. Si rrjedhoje edhe ne vendimin e Keshillit te Fakultetit nuk rezulton nje kerkese e tille.

Deri ketu cdo gje ne rregull por tani fillon historia e paligjshmerise. Ne letren e dates 6 Janar 2013 qe i dergron Rektoratit, Dekani Koni, ne ushtrimin pamirebesim te detyres per zbardhjen e vendimit te Keshillit te Fakultetit dhe ne kundershtim me vendimin e ketij Keshilli te firmosur po nga vet ai, shton nga hici kerkesen per transferimin e grupit mesimor te Matematikes nga Fakulteti i Ekonomise tek Departamenti i ri i Inxhinierise Matematike dhe Informatike. Ai shprehet se “per te mireadministruar me mire veprimtarine kerkimore-shkencore dhe procesin mesimor kerkojme qe grupi i matematikes prane Fakultetit Ekonomik te kaloje prane Departamentit te ri te Inxhinierise Matematike dhe Informatike”. Kjo kerkese e nje prejardhje te erret eshte e pabazuar ne ligj, jashte kopetencave qe i jep ligji Dekanit, dhe ne kundershtim me vendimin e Keshillit te Fakultetit. Ne vendimin e tije Keshilli i Fakultetit, i vetmi qe ka kete te drejte me ligj, kishte vendosur krijimin e Departamentit te ri me 10 anetare. Marrja e pegagogeve nga Fakulteti i Ekonomise jo vetem qe nuk eshte vendosur nga Keshilli por edhe e ndryshon strukturen e vendosur per Departamentin e ri nga ky Keshill. Kete gje Dekani Koni e dinte sepse te dy shkresat i ka firmosur vete. Kjo na ben te besojme qe me qellim dhe paramendim dhe ne kundershtim me ligjin Dekani Koni ka abuzuar me detyren per ti dhene nje hapesire Rektorit per te cuar perpara planin e tij.

Por historia nuk mbaron ketu. Ne date 22 Janar u mblodh Senati i Universitetit te Tiranes per te shqyrtuar nder te tjera edhe propozimin e Fakultetit te Shkencave per krijimin e Departamentit te Inxhinierise Matematike dhe Informatike. Pas protestes sone te kesaj jave, Senatore te nderuar te Senatit, per te mire te Universitetit, na derguan nje kopje te emailit qe kishin marre ne date 23 Janar 2014 ku perfshihet edhe Projekt Vendimi qe ishte miratuar ne mbledhje (shih dokumentin e dyte bashkengjitur ku perfshihet edhe emaili me listen e Senatoreve marres se tij). Ne kete vendim pervec krijimit te Departamentit te Inxhinierise Matematike dhe Informatike, me propozim te Keshillit te Fakultetit te Shkencave te Natyres, shfaqet edhe propozimi i Dekanit Koni per kalimin e grupit mesimor te matematikes ne Fakultetin e Ekonomise tek Fakulteti i Shkencave te Natyres. Sipas projekt vendimit te miratuar ai bazohet ne ligjin per arsimin e larte neni 2, shkronja e (Senati i UT “vlerëson dhe miraton hapjen, ndryshimin ose mbylljen e njësive mësimore ose kërkimore”) dhe nenin 18, pika 1 (Keshilli i fakultetit i propozon Senantit per “hapje, ndryshim ose mbyllje departamentesh a njësish të tjera”). Duke qene se Keshilli i Fakultetit te Shkencave te Natyres nuk ka propozuar perfshirjen e grupit mesimor te Matematikes nga Fakulteti i Ekonomise tek Fakulteti i Shkencave te Natyres, atehere projekt vendimi i miratuar nga Senati eshte i pabazuar dhe i paligjshem.

Ndersa Dekani Koni e justifikonte kerkesen e tije te paligjshme ne permiresimin e funksionimit te departamentit te ri, Fakulteti i Ekonomise duhej domosdoshmerisht te vleresonte ndikimin qe ka nje ndryshim i tille ne Departamentin e Matematikes, Statistikes, dhe Informatikes se Zbatuar prane ketij fakulteti. Transferimi i grupit mesimor te matematikes te Fakultetit te Ekonomise ndryshon perberjen e Departamentit te Matematikes, Statistikes, dhe Informatikes se Zbatuar prane ketij fakulteti. Si rrjedhoje cdo propozim per ndryshimin e ketij departamenti duhet te kalonte edhe ne Keshillin e Fakultetit te Fakultetit te Ekonomise. Keshilli i Fakultetit te Fakultetit te Ekonomise nuk eshte mbledhur, nuk eshte njohur, dhe as nuk ka vendosur per transferimin e grupit mesimor te matematikes te Fakulteti i Shkencave te Natyres. Pra rezulton se nuk ka asnje propozim ligjor (as nga Keshilli i Fakulteti i Ekonomise dhe as nga Keshilli i Fakulteti i Shkencave te Natyres) drejtuar Senatit te UT-se per transferimin e grupit mesimor te matematikes nga Fakulteti i Ekonomise tek Fakulteti i Shkencave te Natyres. Pra Senati ka marre nje vendim te jashteligjshem duke qene se ai nuk eshte propozuar nga organet te cilave ligji ja jep kete te drejte. Senatoreve i eshte lene te besohet se ky propozim ka ardhur nga Keshilli i Fakulteti i Shkencave te Natyres sic e tregon edhe baza ligjore e projekt vendimit te miratuar. Pra ne mirebesimin e tyre sipas ligjeve ata mund te jene mashtruar nga Rektori duke i lene te besojne se ka nje propozim ligjor per kete gje. Pastaj clidhje akademike ka matematika ekonomike me Departamentin e Inxhinierise Matematike dhe Informatike? Asnje.

I kapur nga paniku i berjes publike nga ana jone e vendimit te jashteligjshem, Rektori e zbardhi vendimin e Senatit te dates 22 Janar 2014 nje jave me vonese ne daten 28 Janar 2014. Per te mbuluar paligjshmerine e vendimit te marre, ai beri dhe gabim diletant te zbardhjes se nje vendimi te ndryshem nga ai qe ishte paraqitur Senatit per miratim. Nje kopje e vendimit te zbardhur gjendet bashkangjitut. Per te analizuar kete le te shqyrtojme pikat e meposhteme:

Te gjitha keto argumenta dhe prova te paraqitura, provojne per paligjshmerine e propozimit te Dekanit Kune, paligjshmerine e vendimit te Senatit dhe tentativat e Kules per t’i mbuluar ate. Ne perfundim po listojme edhe nje here argumentat kryesore te paraqitur me siper:

Nga sa me siper verejme qe procesi nga ku kaluar vendimi i paligjshem ka karakterisikat e nje plani te vene ne zbatim nga nje grup i organizuar dhe te strukturuar ne menyre te tille per ta lene fajin jetim. Dekani Kuni ne kundershtim me ligjin i hap rrugen Rektorit Kule per ti paraqitur nje vendim te paligjshem Senatit. Per te perfunduar me sukses i tere plani kerkon edhe zbatimin e vendimit te paligjshem nga Fakulteti i Ekonomise. Nga dokumentacioni qe kemi Dekani Haderi ka heshtur deri tani, nuk do te marre pergjegjesi dhe ja ka deleguar zbatimin e vendimit te paligjshem strukturave te fakultetit. Disa nga keto struktura kane refuzuar zbatimin e tij. Disa te tjera i bejne presion pedagogeve te Departamentit te Matematikes, Statistikes, dhe Informatikes se Zbatuar te largohen pa asnje shkrese apo vendim qe ata individualisht preken nga vendimi i paligjshem i Senatit. Pra sic shihet jemi akoma ne kohe per te parandaluar kete zbatimin e ketij vendimi te jashteligjshem.

Ne perfundim ftojme te gjithe pedagoget dhe studentet e Universitetit te Tiranes t’i bashkohen kerkeses sone per shpalljen e vendimit te pavlefshem. Gjithashtu i kerkojme strukturave te Fakultetit te Ekonomise te distancohen dhe te mos zbatojne nje vendim te paligjshem deri ne sqarimin e ngjarjes.  Kjo leter, ne vazhdim te letres se pare, se bashku edhe me dokumentationin mbeshtetes do t’i dergohet Ministres se Arsimit, Kryeministrit, dhe per djeni te Prokurorise se Tiranes, te cileve i kerkojme marrjen ne konsiderate te provave te paraqitura per te parandaluar nje vendim te paligjshem dhe qe lejon arsye te besojme qe ka karakteristika te nje vepre te kryer me qellim dhe paramendim. Eshte koha te bejme jo vetem Universitet por edhe Shtet.

 Prof. Dr. Omer Stringa

U fshinë, s’u fshinë

21:34 Blog

Ulqini nuk ra, kanë rënë nuset

20:14 Blog

Komisioni "Penelopa"

20:11 Blog

Sali, pse ankohesh për shkarkimin e spiunëve, kur për vete je ende në “shërbim”?!

20:09 Blog

Ta mundësh të keqen

19:41 Blog

Ndotja akustike - një shembull i mirë që vjen nga Kosova

19:08 Blog

“Babagjyshët” që grabitën TEG në kërkim, “gjyshi” që plaçkiti Shqipërinë në parlament

18:11 Blog

Ja pse Dhori Kule ka shkelur gjithë ligjet për Universitetin

18:00 Blog

Masakrat në shkolla

20:51 Blog

Pro “Legalize It Albania”

20:18 Blog