“Babagjyshët” që grabitën TEG në kërkim, “gjyshi” që plaçkiti Shqipërinë në parlament

Nga Përparim Halili

Nisur prej suksesit të ditëve të fundit të policisë shqiptare në zbulimin dhe arrestimet e individëve të rrezikshëm të botës së krimit të “modës” së fundit të atentateve me tritol, u interesova në lidhje me nivelin e zbulimit të krimeve që ndodhin. Një nga drejtuesit e policisë në Tiranë më tha: “Problemi në disa kategori krimesh qëndron tek vështirësia për t’i zbuluar autorët e krimit, jo tek arrestimi i tyre, mbasi ata në momentin që evidentohen e zbulohen ku gjenden, arrestohen, siç ndodhi së fundi me bandën e tritolit. Epoka e tolerancës, symbylljes, selektivitetit dhe marrjes në mbrojtje politike, fisnore e klanore të personave e grupeve kontingjent krimi, ka marrë fund tashmë”.

Po përmend 2 fakte, në funksion të deklarimit që më bëri drejtuesi i policisë, lidhur me krimet, zbulimin e autorëve të krimeve dhe arrestimin e tyre në zbatim të ligjit, të drejtësisë së barabartë përpara ligjit për këdo, çfarëdo qoftë, me dhe pa grada politike, shkencore, zyrtare shoqërore e historike.

1. Ndër krimet “kryesore” të bujshme që ende nuk ka shkuar përpara drejtësisë është dosja e skeduar si “grabitja e babagjyshërve” në qendrën tregtare “TEG” në Tiranë, mbasi nuk janë zbuluar ende autorët.

2. Çdo ditë, institucionet qeveritare dhe mediat shqiptare po publikojnë fakte për krime të shumta ekonomike, financiare, trafiqe e krime njerëzore me emra konkretë politikanësh, ish-ministrash, madje dhe të ish-kryeministrit Sali Berisha e familjarëve të tij. Pra, janë krime me autorë konkretë, me emra, vula e firmosje konkrete mbi shkresa zyrtare. Disa ish-“jeniçerë” të ish-ministrave, deputetëve dhe të ish-kryeministrit Sali Berisha janë arrestuar e po “flenë me miun” nëpër qelitë. Ndërsa disa, të njoftuar më parë nga “miqtë” brenda policisë e prokurorisë, ia kanë mbathur përpara prangosjes dhe tashmë janë shpallur në kërkim, mbasi nuk gjenden e nuk dihet ku ndodhen të fshehur. Për disa prej krimeve, autorët nuk dihen se cilët janë. Për disa nga krimet autorët njihen si emra, mbiemra, adresa ku jetojnë, ku punojnë, ku zhvillojnë aktivitet politik, biznese, propagandë e uikende “sheikësh”.

Por çuditërisht, disa nga këta autorë krimesh “VIP” janë të lirë, nuk prangosen! P.sh., “babagjyshët” që grabitën TEG ende nuk janë arrestuar, mbasi nuk janë zbuluar. Ata janë të lirë, madje mund të shëtisin e relaksohen edhe brenda lokaleve pranë SHISH, prokurorisë, Ministrisë së Brendshme e asaj të Drejtësisë. Natyrisht që nuk është e kollajtë të zbulohen. Mirëpo janë disa krime të zbuluara tashmë, me emra individësh të identifikuar, të provuar plotësisht, si autorë krimesh të cilët nuk po prangosen nga policia, nga drejtësia. Madje, as po shoqërohen për t’u pyetur si urdhërues e firmosës shkresash me përmbajtje krimi. P.sh, policia është vënë në hetim për zbulim e kërkim të “babagjyshërve” që grabitën TEG. Ka vendosur dhe 10 mijë euro shpërblim, për ata që informojnë. Po bëjmë një ballafaqim faktesh e qëndrimesh. Ndërsa “babagjyshët” që grabitën një qese me bizhuteri në “TEG”, janë në hetim e kërkim mbasi nuk dihet cilët janë e ku janë.

Ndërsa psh., ish-kryeministri shqiptar, “gjyshi” Sali Berisha që 8 vite në pushtet grabiti gjithë Shqipërinë, që ktheu financat e shtetit në bizhuteri e pasuri përrallore familjare, klanore, fisnore e të grupeve të mafies shqiptare dhe rajonale të lidhur me të, nuk po arrestohet. Ai po lihet i lirë. Madje po lihet i lirë dhe… për të bërë shantazh ndaj policisë, ligjit, drejtësisë, institucioneve qeveritare me presion, kërcënime e skenarë për nxitje dhe krijim kaosi e terrori, madje edhe thirrje publike në parlament, për trazira.

Nuk di, që ndonjë tjetër kriminel i njohur në Shqipëri, të ketë “CV” më të ngarkuar se “gjyshi” Sali Berisha, me dosje të mbushura me akuza krimesh ekonomike, financiare shtetërore e deri njerëzore dhe për prova si nxitës, urdhërues, mbështetës dhe mbrojtës i autorëve të krimeve e abuzimeve. P.sh, “babagjyshët” vodhën një qese me unaza, vathë e varëse floriri në një qendër tregtare me maska e armë dhe janë fshehur në arrati e po kërkohen nga policia. Ndërsa “gjysh” Saliu pa maska, vodhi lekët e shqiptarëve me piramidat. Grabiti pa maskë, por me polici e banda të armatosura 60% të pronave të shqiptarëve në bregdet e në krejt vendin. Pa maskë e pa armë, por me stilograf e me vulë shtetërore abuzoi me financat shqiptare duke shpërblyer klanet, lobet dhe familjen. Me maskat e SHIK, rrëmbeu dhe zhduki një biznesmen shqiptar. Hapur, në sy të gjithë botës, ngriti firmën mafioze “Shqiponja” të PD, nën etiketën e tregtive ushqimore e lëndëve ndërtuese, por nëpërmjet saj bëri kontrabandën e naftës dhe trafikun e armëve me Milosheviçin, në vitet kur ai derdhte gjak shqiptarësh, duke shkelur embargo ndërkombëtare. Firmosi ngritjen e një fabrike municionesh në Gërdec dhe ushtroi veprimtari familjare trafiku kriminal me municionet, duke vrarë 26 njerëz e duke hedhur në erë 3000 shtëpi e biznese. Urdhëroi Gardën e Republikës për vrasjen e 4 protestuesve në 21 janar 2011. Skandalet e shumta ekonomike-financiare që po publikohen, “zografisur” me vulën, firmën dhe urdhrat e “gjysh” Saliut, provojnë se janë vjedhur në mënyrë banditeske miliona euro fonde publike, janë përdorur miliona dollarë për shërbime mafioze në interes të familjes, klanit, pushtetit dhe sundimit të tij. Ndërsa dosja “Babagjyshët” ka si krim vetëm grabitjen e TEG, dosja “Gjysh Saliu” ka shumë “lëndë të parë krimesh” ekonomike, financiare, anti- kombëtare në shërbim të të huajve (anti-kushtetuese) e krime njerëzore. E ndërsa “babagjyshët” që grabitën vetëm një dyqan të TEG janë në kërkim, “gjyshi” që grabiti dhe shiti gjithë Shqipërinë është në mes të Tiranës, brenda në parlament. Çdo ditë, ai del si “gjel” në ekrane e “FB” dhe bën thirrje për luftën kundër krimit, korrupsionit zyrtar, dështimit të qeverisë në luftën kundër krimit, për mos arrestimin e kriminelëve, për hajdutët e fondeve publike, për të drejtën e pronës, të sigurisë për jetën, për papunësinë, varfërinë, për pavarësinë e institucioneve, për vjedhjen, për trafiqet etj. Dhe… o njerëz, për këto “bilbilos” Saliu, banditi që në këto 23 vjet nuk i përfilli, madje i përdhosi e i dhunoi këto barbarisht e kriminalisht këto të drejta e detyrime, madje deri dhe me dajak policor!!!

Dhe… ka të drejtë “gjysh” Saliu, të flas e të krekoset si “gjel” në mes të parlamentit, të bëjë moral për drejtësi e luftë kundër krimit, të kërcënojë shtetin, qeverinë, institucionet, kur nuk “preket” për krimet që ka kryer. Nëse policia dhe drejtësia e kanë p.sh., të vështirë për të zbuluar “babagjyshët” që vodhën TEG, nuk e ka aspak të vështirë për të zbuluar “gjyshin” që plaçkiti gjithë Shqipërinë. Drejtësia e ku gjendet, ku banon, ku punon, ku bën politikë e biznese “gjyshi” që ka plaçkitur e shkatërruar Shqipërinë, duke u paguar nga taksat e shqiptarëve me pagë, dieta, roje e privilegje të shumta. Por çuditërisht, nuk po e kapin “për veshi” e ta çojnë atje ku çohen të gjithë ata që vjedhin, plaçkisin, grabisin, firmosin krime abuzime e zyrtare, që urdhërojnë e porositin të vrasin njerëz në protesta (si porositësi i tritolit ndaj prefektit të Vlorës).

“Gjysh” Saliun nuk po e çojnë atje ku çohen të gjithë ata që shkelin ligjet e Kushtetutën, paçka se prej 4 muajsh qysh pas rënies nga pushteti, po bënë çdo ditë thirrje histerike për terror, kaos e trazira. Po e lënë të lire këtë “plak trazovaç” e të inkriminuar. Për të gjetur “gjyshin” që ka plaçkitur të Shqipërinë, nuk është nevoja të bësh kërkime nëpër “vrimat” ku fshihen kriminelët. Nuk është as nevoja të vendosësh shpërblim për informacione, për vendndodhjen e tij, siç u veprua për “babagjyshët” grabitës të TEG. “Gjysh” Saliu dihet ku jeton, ku e ka zyrën private luksoze, ku e ka vendin e punës (në parlament), dihen të vetmet 100 metra ku lëviz me makinë të blinduar e roje pas 23 qershorit 2013. Mjafton t’i dërgosh një “pusullë” zyrtar, për t’u paraqitur në vendin ku paraqiten të gjithë ata që kanë llogari me drejtësinë. Nëse “gjysh” Saliu, si për çdo “dosje” krimi që akuzohet, nuk pranon të shkojë atje ku kërkohet të rrëfesh nën komandën “GATI-TU” edhe “vjeçët, emrin e nënës e të babait”, ligji parashikon që e çojnë ata që e kanë për detyrë. Siç e çoi në mesnatën e 28 nëntorit 2000, ai që pas 23 qershorit, i ka dhënë leje për të “lehur” pa kufizim në parlament.

Ja pse Dhori Kule ka shkelur gjithë ligjet për Universitetin

18:00 Blog

Masakrat në shkolla

20:51 Blog

Pro “Legalize It Albania”

20:18 Blog

Poste, ofiqe dhe çifliqe për trafiqe...

20:08 Blog

Për grevat e shërbimit urban

19:55 Blog

Preferoj armikun tim me urrejtjen e tij të sinqertë… se sa një “mik” me miqësinë e tij të rreme

19:40 Blog

VIDEO/ S’ka forcë që mund ta kthejë mbrapa Shqipërinë në rrugën drejt BE

10:41 Blog

Basha çon Tritanin në Lushnjë në festën e PD, 17 vite më parë atje e “rrahën” me “pras”

19:48 Blog

Universiteti dhe profesorët në mëshirë të klanit Kule

18:50 Blog

Dy Vetëvendosje

20:14 Blog