Te fundit
Mos u kthe kurrë prapa!!!
2 Shkurt 2014, 20:24Blog
TEMA
Magdalena Ramohito
Kur njerëzit nuk e dinë se ç’ndodh në jetën tënde ata spekulojnë;
kur mendojnë se e dinë ata shpifin;
dhe kur e dinë se ç’ndodh ata kanë inat.
Cinik është ai që njeh çmimin e gjithshkaje vlerën e hiçit. Asgjë s’ka të ngjarë të ketë vlerë, përveç asaj që nxirret nga thellësia e vetes. Zëri që vjen nga brenda nesh, është ndërgjegjja jonë. Ai zë na udhëheq në të gjitha veprimet e mosveprimet tona, ai na thotë: vazhdo, ec përpara e mos e kthe kurrë kokën mbrapa. Na thotë: mos, mos e bëj këtë gjë sepse nuk ja vlen…mos e mendo hakmarrjen sepse ajo nuk është fare zgjidhje…provo të ngrihesh!-kur na ndodh të rrëzohemi…
Ka raste kur dorëzohemi e themi tek dikush gjithshka kemi dhe ndiejmë brenda vetes dhe zëri i brendshëm na inkurajon: Mos u bëj kurrë pishman, pse ke thënë të vërtetën…edhe nëse dëgjuesi yt është një manipulator a provokator, sido që të shtrembërohet ajo që ti ke thënë ty nuk të dëmton, sepse ti je ai, që ke në brendësinë tënde dhe atë nuk ta shtrembërojnë dot kurrë.
Pak rëndësi ka, ose asfare si përthyesh ti në kokën e tjetrit, sepse ti nuk mund të jesh tjetri ti je vetvetja.
Po sikur ti të bëheshe dikush tjetër, kush do të ishte TI?
Prandaj kurrë mos u trishto nga “kritikat” ato nuk janë dashamirëse dhe synojnë të të ndryshojnë ty.
Po ti e di se bota ndryshon ngadalë dhe ti je ai që duhet te ndryshosh, natyrisht jo për së brendshmi, por sjelljen tënde në raport me të tjerët, me ata që nuk dinë të ndryshojnë…
Rruga që ke përshkuar deri tani është e shkurtër, prandaj të duhet të ecësh përpara, dhe mos e mat arritjen tënde me gjatësinë e rrugës, as me dështimet e atyre që venë shkopinj nëpër rrota, aq më pak me vdekjen e armiqve të tu, sepse edhe ti një ditë do të vdesësh…
Rrugëtimi yt nuk ka asnjë lidhje me të tjerët, me ata që të pengojnë, apo të urojnë gjithë të këqijat ti kesh, kjo është logjika. Rruga jote është mes teje dhe Zotit, prandaj për disa ajo është e padukshme….
–
9 komente në “Mos u kthe kurrë prapa!!!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me drejtperdrejt
“Prapa Diellit” ?
http://goo.gl/ZAXHV3
Pak rendesi ka , ose asfare si perthyesh ti ne koken e tjetrit,
sepse TI nuk mund te jesh tjetri TI je vetvetja
Brilante Bravo
E lexova dhe mu duke sikur ishin keshilla per
momentin e veshtire qe po kaloj une.
Njerzit jo kane ndryshuar por jane transformuar.
Me deshperonte shprehja
Sa me shume i njoh njerzit aq me shume i dua kafshet.
Gabimi yne i perhershem. Me dhjetra shprehje letrare, filozofike per te kuptuar titullin e artikullit dhe jo e kunderta, me dhjetra fjale per te kuptuar nje shprehje filozofike.
E pranoj verejtjen, faleminderit
Per njerzit qe spekullojne ,shpifin apo kane inat;do thoja;
Fali o ZOT se nuk dine cfar bejne.
Dhe njerezve pozitive te zote dhe te mire do tu uroja te mos;
Terhiqen nga parimet dhe vlerat e fuqishme pozitive.
MOS u kthe kurre prapa
MOS u terhiq nga veshtiresite
MOS u dorezo para intrigave
MOS u ndiko nga inati
MOS u tremb nga shpifjet
Uroj dhe Lutem
Paqe Harmoni Progres Mireqenie
Parime Inisiative Fuqi
Per te permiresuar marrdheniet Njerezore
Me keto shkrimet e fundit,po me befasoni Doktoreshe,sinqerisht!
Sikur te mos ishit nje militante…
Sidoqofte,uroj qe ky shkrim te jete me shume se kurre,produkt i shpirtit tuaj!
Z Magdalena respekte si perhere realiste dhe mbreselenese.