Te fundit
VIDEO / Pittella-Meta: PE mbështet integrimin e Shqipërisë në BE
11 Shkurt 2014, 13:52Politika
TEMA
Zv. Presidenti i Parlamentit Evropian Gianni Pittella thekson mbështetjen e plotë të tij dhe të Parlamentit Evropian ndaj procesit të integrimit të Shqipërisë. Në këtë kuadër ai theksoi rëndësinë e bashkërendimit të forcave pozitive në Bashkimin Evropian në funksion të avancimit të reformave në të gjithë rajonin e Ballkanit. Këto vlerësime Pittella i bëri gjatë takimit me Kryetarin e Kuvendit Ilir Meta.
Kryeparlamentari u shpreh se pavarësisht vendimit të Këshillit në dhjetor, ritmi i reformave të nisura do të intensifikohet, ndërkohë që puna për përmbushjen e mëtejshme të rekomandimeve të Komisionit Evropian do të vazhdojë.
Në këtë kuadër, Meta vuri në dukje se Kuvendi i Shqipërisë i kushton vëmendje të veçantë dialogut konstruktiv politik dhe krijimit të hapësirave maksimale në funksion të kontributit të Opozitës.
Meta shprehu mirënjohjen për mbështetjen e vazhdueshme dhe të pakursyer të Parlamentit Evropian ndaj aspiratave evropiane të Shqipërisë duke bërë një vlerësim të veçantë për rolin personal të Pittellas në këtë drejtim. Bashkëbiseduesit ndanë bindjen e përbashkët se avancimi i Dialogut të Nivelit të Lartë mes Komisionit Evropian dhe Qeverisë Shqiptare, është i rëndësishëm dhe se vullneti i të gjitha forcave politike për bashkëpunim është kyç për mbarëvajtjen e një klime konstruktive në vend.
2 komente në “VIDEO / Pittella-Meta: PE mbështet integrimin e Shqipërisë në BE”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ore zoterinj euro deputet mos tallni veten duke na folur per mbeshtetjen qe I jepni Shqiperise se nuk i hame me keto gjera ne si keto:
Keni bere perparime, keni plotsuar kushtet, u mbeshtesim per integrimin por na falni nuk ju japim ftesen e vendit kandidat
Prandaj beni ato (pazaret) marreveshjet e na lini ne punen tone e mos na ngopni me lugen posh sic keni bere vite me radhe me 3miljon evropiane te ballkanit perendimor
sa poshte jemi katandisur.krenohemi me fotografite e pitelles,ne itali nuk e pjerdh njeri.meqe ra fjala ne cfare gjuhe kane folur sepse nje video ne youtube e pitelles qe flet anglisht ka bere per te qeshur miliona evropian.sa kenaqemi ne duke tallur veten,mendo c’mund te bejne te tjeret?!