VIDEO / Aktivi i PD-së në Durrës/ Basha: Më 20 shkurt në protestë. Mirëprisni në strukturat e Partisë edhe të larguarit

Kryetari i Partisë Demokratike, Lulzim Basha, i ka drejtuar një apel të gjithë shqiptarëve, pavarësisht bindjeve të tyre politike, që të marrin pjesë në marshimin protest të Shkurtit që do të organizohet në Sheshin Skëndërbej në Tiranë.

“Do t’a ndërmarrim këtë marshim proteste jo vetëm sepse kjo Qeveri dhe shumica e majtë ka lidhjen e njohur të deshentencës me partinë e Enver Hoxhës, por sepse jemi të shqetësuar, jemi në këmbë e do të jemi në këmbë kundër çdo tundimi të kësaj qeverie dhe mazhorance arbitrare për të rehabilituar në forma të ndryshme dhe me alibi të llojllojshme figurën e diktatorit që simbolizon historinë gjysëmshekullore të shtypjes, mashtrimit dhe mjerimit të shqiptarëve. Do të ndërmarrim këtë marsh proteste  jo se nuk kemi patur durimin e nevojshëm për të pritur këtë qeveri më së koti të fillojë të mbajë ndonjë nga premtimet e saj elektorale, por kjo qeveri ka instaluar dhe ka ngritur në sistem brenda një kohe të shkurtër mashtrimin e publikut dhe paligjshëmrinë që janë dy nga shtyllat e politikës së vjetër antidemokratike”, theksoi Basha.

Sipas tij, kjo qeveri ka përqafuar dhe ka vënë në jetë një politikë ekonomike thellësisht të gabuar që po e rrokullis vendin me shpejtësi drejt përkeqësimit, drejt pikës zero e poshtë zeros në të gjitha drejtimet.

“Çdo ditë po bëhet më keq dhe jo më mirë. Është absurde të vazhdosh t’i japësh kohë së keqes. Është e papërgjegjshme për opozitën të rrijë e të fërkojë duart duke pritur që e keqja të shkojë deri në fund. Ky nuk është misioni ynë, është detyrë e qytetarëve në demokraci të ngrihen të thonë fjalën e tyre, të kërkojnë, të insistojnë në ndalimin e së keqes pa pritur që e keqja t’u marrë frymën, pa pritur që të vijnë zgjedhjet e radhës”, theksoi kreu demokrat.

I pranishëm në aktivin e degës së PD-së në Durrës, kreu demokrat tha se në 20 shkurt 1991 nuk u ngritën vetëm të përndjekurrit, ish të persekutuarit politikë që kishin vuajtuar më rëndë se të tjerët diktaturën, por u ngritën e vërshuan drejt sheshit Skëndërbej dhe shesheve të tjera të Shqipërisë mijëra njerëz të thjeshtë që nuk e kishin njohur burgun, internimin apo privacionet e drejtpërdrejta të luftës së klasave, por kishin kuptuar që dikatori Enver Hoxha dhe regjimi i tij ishte një mashtrim kolosal.

“Shqiptarët u ngritën në 20 shkurt 1991 duke i thënë jo njëherë e përgjithmonë mashtrimit si degradim, si shtyllë e keqe e qeverisjes, si burim i korrupsionit dhe varfërisë. Është koha që në përvjetorin e 23-të të kësaj ngjarje të madhe historike të ngrihemi përsëri të marshojmë përkrah njëri tjetri në marshin e protestës të thirrur nga PD dhe opozita shqiptare. Të gjithë shqiptarët e lirë që duan t’i drejtojnë me fuqinë e bashkimit një paralajmërim kësaj qeverie, hiq dorë nga tundimet për të rehabilituar diktatorin dhe element të modelit të tij të vijnë në marshimin e protestës bashkë me PD-në dhe opozitën”, theksoi Basha.

Sipas tij, të gjithë shqiptarët e lirë që ndajnë bindjen se kjo qeveri e ka mbushur kupën dhe nuk po reflekton në rrugën e vet të paligjshëmrisë që është rruga e shkatërrimit të demokracisë, të vijnë në marshimin e protëstës për t’i thënë ndal. “Ata që kanë pritur një vend pune dhe nuk e shohin as në horizontin më të largët të qeverisjes, por që në fakt shumë prej tyre kanë humbur vendin e punës, janë flakur në rrugë, të gjithë ata që ndihen se një fat i ngjashëm i pret, që ndihen të rrezikuar për shkak të politikave dritëshkurtra e të gabuara të kësaj qeverie në rrafshin ekonomik të vijnë në marshimin e protestës për ti deklaruar kësaj qeverie dhe kryeministrit gjendjen e përkeqësuar ku ndodhen dhe për t’I kërkuar me forcë ndryshimin dhe korrigjimin e kursit”, vijoi Basha. Përsa i takon organizimit të PD-së, kreu demokrat u shpreh se anembanë Shqipërisë puna ka nisur me vrull dhe në tërësi po shkon shumë mirë.

“Ndihet kudo një dëshirë e madhe e demokratëve për t’u mbledhur për të rinovuar, ripërtëritur dokumentacionin e anëtarësisë në partinë e tyre. Ndihet një dëshirë po kaq e madhe dhe një vetëdije e re për bashkimin e ribashkimin e të gjithë kontributeve, që nga themeluesit e parë tek anëtarët më të rinj. Ndihet kudo dëshira e rikthimit të atyre që për një arsye a një tjetër mund të jenë larguar a ftohur gjatë viteve, por që e ndiejnë se shtëpia e tyre e vetme dhe e vërtetë i thërret, ndihet kudo era e një afrimi të ri e veçanërisht të brezit të ri me PD, ndihet kudo era e hapjes”, vijoi Basha.

Në këtë kuadër ai shtoi se detyra jonë është t’u japim jetë këtyre dëshirave, me qëllim që në fund të këtij procesi, rinovimi, bashkimi dhe ribashkimi përtëritje dhe ripërtëritja, hapja të jenë pasqyruar me një regjistër të plotë të PD-së dhe të na kenë dhënë partinë e organizuar e modern që do të startojë kuvendimin e madh në analizën dhe zgjedhjet e lira brenda saj, si një detyrë jetike për të sotmen dhe betejat dhe fitoret e PD-së në të ardhmen.

“E gjithë anëtarësia e PD-së në vite, anëtarët aktivë dhe ata që për një arsye tjetër kanë qenë pasivë, të tërhequr janë mënjanuar, janë larguar jashtë vendit e kthyer, duke humbur ndërkohë anëtarësinë formale në PD duhet të kontaktohen, të ftohen, të sqarohen për udhëzimin e ri, të nxiten e të ndihmohen për të rinovuar dokumentacionin e anëtarësinë në PD. Nuk duhet të ndodhë dhe nuk dua të dëgjoj që në mbledhjet e njohjes me udhëzimin dikush të mungopjë sepse nuk është lajmëruar nga neglizhenca apo akoma më keq me qëllim. Atij apo asaj që nuk i ka shkuar njoftimi i parë për neglizhencë i duhet kërkuar falje menjëherë dhe duhet përfshirë menjëherë në aksionin politik që kemi nisur. Kur verifikohet që mosnjoftimi është bërë me qëllim të mbahet qëndrim deri në zëvendësimin e menjëhershëm të koordinatorëve në grup-seksione apo të personit përgjegjës që ka marrë përsipër të bëjë njoftimet. Direktiva ime është e qartë dhe paekuivoke; bashkim dhe ribashkim pa asnjë paragjykim të gjithë kontributeve ndër vite: hapja e partisë për pranime të reja nga brezi i ri por pa i mbyllur derën askujt që dëshiron të anëtarësohet në PD”, theksoi Basha.

Shkarkohet drejtori i INSIG: Rriti tarifat e sigurimit të detyrueshëm të makinave

19:40 Politika

Martin Schulz dhe gjuha gjermane tërbojnë izraelitët brenda në parlamentin e tyre

19:36 Politika

Reforma territoriale/ Vasili 'shfryn' Idrizin: PD do reflektojë, s’kemi nevojë për plane B apo C

19:28 Politika

VIDEO / Kodheli: Mbledhje të përbashkëta mes Qeverisë shqiptare dhe asaj turke

18:59 Politika

Ministria e Jashtme përgënjeshtron lajmin mbi letrën e KiE drejtuar Genc Pollos

18:38 Politika

VIDEO/ Bylykbashi: Amendimi i rregullores së Kuvendit, kërkojmë të barazojmë “armët” me Ramën

18:33 Politika

Ministria sqaron: Po zbatojmë rigorozisht ligjin për furgonat

17:55 Politika

Reforma territoriale, Idrizi takohet me Ramën dhe Metën

15:58 Politika

Rritje rekord e çmimit të siguracionit të makinës/ Braçe: Të hetohen kompanitë

14:38 Politika

Ndalimi i furgonëve/ Berisha: Qëndrim i papërgjeshëm dhe korruptiv. Bashkohuni me ne në protestë

14:03 Politika