Meta: Reforma territoriale mbyllet në korrik/ Rama: Nuk presim pa fund opozitën

Mazhoranca nuk do e presë shumë opozitën për çështjen e reformës territoriale.

Kryetari i Kuvendit, Ilir Meta, tha për Vizion Plus se kjo reformë do të mbyllet brenda korrikut.

“Sa i takon reformës administrative-territoriale ne jemi të detyruar që këtë reformë ta përmbyllim brenda muajit korrik, kur përfundon edhe ky sesion në mënyrë që të kapë afatet kushtetuese lidhur me zgjedhjet e ardhshme vendore. Kjo është shumë e rëndësishme. Sa i takon reformës në drejtësi, ne shumë shpejt do të lançojmë instalizimin e kësaj reforme e cila do të jetë një reformë gjithëpërfshirëse. Nuk mund të them për kohën sesi do të procedohet sepse është një reformë komplekse, por padyshim që është një reformë që do të ecë përpara pa asnjë hezitim. Është koha për të pasur një drejtësi me integritet dhe kjo është kyçe për të ardhmen evropiane të vendit, jo thjesht për statusin. Por, për gjithçka, për situatën ekonomike, për zgjidhjen e problemeve të pronësisë që është një problem i madh për vendin, garanci për investitorët e huaj për të cilët besueshmëria e gjykatave dhe e drejtësisë është vendimtare,” tha Meta.

Ndërkohë, kryeministri Edi Rama ka theksuar thirrjet e mëparshme të mazhorancës se nuk do e presin pa fund opozitën.

“Prandaj bashkohem me atë që tha kryetari ynë i reformës territoriale, Bashkimi, që ne pa as më të voglin dyshim duam që këtë reformë ta bëjmë bashkë me opozitën. Për këtë arsye kemi kaq kohë që e presim opozitën, por nuk po e presim duarkryq. Ndërkohë po punojnë intensivisht, edhe me komunitetet, falë mbështetjes së jashtëzakonshme që kemi marrë nga partnerët dhe nga donatorët. Por ne jemi votuar në 23 qershor që të udhëheqim dhe populli shqiptar na ka hequr çdo alibi të mundshme për 4 vite më pas, sepse na ka dhënë shumicën e cilësuar me të cilën ne mund, duhet e do të bëjmë reformën territoriale. Do të bëjmë edhe reforma të tjera që kërkojnë shumicë të cilësuar, për të cilat vazhdojmë të presim me durim, por nuk do të presim pa fund, siç është reforma në drejtësi,” tha Rama.

Emërimi i Ibros dhe Goreas/ Hoxha: PD nuk mund të ringrihet me të inkriminuar

09:06 Politika

Granatë makinës së gardianit/ Grupi kriminal: Do hakmerremi për Ilia Karelin

08:54 Politika

Alkooli dhe shpejtësia u mori jetën/ Shuhen katër të rinj në aksident

08:39 Politika

Kodheli: Do të hiqet taksimi për pagat e ushtarakëve në misione jashtë vendit (VIDEO)

20:05 Politika

Rama përgënjeshtron edhe në Twitter: Tahiri, ministri i duhur, që meriton respekt për punën e palodhur!

18:51 Politika

Braçe: Duhet hetim i menjëhershëm për publikimin e mesazheve

18:17 Politika

Tiranë/ Pranga efektivit të FNSH, kërcënoi gruan me pistoletë

18:10 Politika

Frika nga thatësira/ Qeveria ndan plot 100 milionë euro për importin e energjisë

17:41 Politika

INTERVISTA/ Fleckenstein: Lufta ndaj korrupsionit duhet të jetë prioritet për qeverinë e Shqipërisë

16:19 Politika

FOTOT/ NATO tregon se si janë stacionuar trupat ruse: Mund ta pushtojnë Ukrainën brenda 12 orëve

16:12 Politika