Komisioni i Ekonomisë shqyrton ligjin për ndihmën dhe shërbimet shoqërore/Sula: Përmirësojmë kriteret dhe procedurat

Komisioni parlamentar i Ekonomisë nis shqyrtimin e p/ligjit “Për disa shtesa dhe ndryshime në ligjin nr. 9355, datë 10.03.2005 “Për ndihmën dhe shërbimet shoqërore”, të ndryshuar.

E pranishme në Komision, zv.ministrja e Mirëqënies Sociale dhe Rinisë Genta Sula theksoi se drafti i propoziuar synon të përcaktojë qartësisht elementët ku duhet të konsistojë ndihma dhe shërbimet shoqërore për grupet në nevojë. Sula vuri në dukje se projektligji i propozuar është hartuar në zbatim të programit të qeverisë për përmirësimin e sistemit të mbrojtjes sociale, duke përmirësuar kriteret dhe procedurat e përfitimit.

Ajo sqaroi se është riformuluar mënyra e përfitimit të ndihmës ekonomike për individët, viktima të dhunës në marrëdhëniet familjare sipas vlefshmërisë së urdhrit të mbrojtjes ose të urdhrit të menjëhershëm të mbrojtjes, dhe në vazhdim përcaktohet se përfitojnë ndihmën ekonomike pas daljes nga institucionet e përkujdesjes shoqërore; parashikohet që ata individë, të cilët vuajnë dënimin me heqje lirie apo trajtohen në institucionet e përkujdesjes rezidenciale publike, të financuara nga buxheti i shtetit, të mos vazhdojnë të përfitojnë pagesat nga sistemi i mbrojtjes sociale, si ndihma ekonomike apo pagesa për aftësinë e kufizuar, gjatë kohës së qëndrimit në institucionet respective, etj.

Për nxitjen e punësimit të personave me aftësi të kufizuara, ky projektligj në nenin 5 u jep të drejtën e përfitimit të pagesës së aftësisë së kufizuar përgjatë 24 muajve, kur personi është i punësuar dhe sigurisht përfiton pagën për punën e kryer. Po ashtu, pas miratimit të këtij projektligji do të dalin aktet nënligjore ku do të parashikohen procedura lehtësuese për rastin e rikthimit në programin e aftësisë së kufizuar të kësaj kategorie, kur nuk janë më në marëdhënie punësimi.

Në mbledhjen e Komisionit, u miratua në tërësi edhe projektligjit “Për faljen e dënimeve administrative në formën e gjobave, të vëna në bazë të kontrolleve dhe verifikimeve tatimore të kryera për periudhën 1 mars deri më 31 gusht 2013”.

SONDAZHI: Biznesi shqiptar nuk e raporton ryshfetin, e quan praktikë normale

09:38 Ekonomia

Gjobat ndaj bizneseve, Qeveria fal 500 milionë lekë. Bode e konsideron demagogji. Braçe kërkon transparencë

15:34 Ekonomia

Prezantohen projektet e kooperacionit italian në Shqipëri

08:06 Ekonomia

“Më e keqja për ekonominë ka mbaruar”

14:53 Ekonomia

Blue Panorama në gjykatë për procedurë falimentimi, për paaftësi paguese

19:25 Ekonomia

Raporti/ Investimet e huaja në 2013, më të lartat e 10 viteve të fundit

12:42 Ekonomia

Rama, bashkëbisedim me sipërmarrësit grekë: Të ardhurat nuk vijnë nga gjobat ndaj biznesit

14:09 Ekonomia

INSTAT: Në 3 mujorin e 4-të të 2013, u dhanë 79 leje ndërtimi në Tiranë

10:15 Ekonomia

Nënshkruhet marrëveshja për rehabilitimin e Portit të Vlorës

13:22 Ekonomia

S’ka rritje të çmimit të energjisë/ Qeveria: Zgjidhja e krizës, mbledhja e parave dhe ndalimi i vjedhjes

15:29 Ekonomia