Arvizu: Shqetësim shtrirja e informalitetit, nuk jemi në kohën e Ali Pashës

Ambasadori i SHBA-së në Tiranë Alexander Arvizu e cilëson si shqetësues shtrirjen e informalitetit në sektorin ekonomik në Shqipëri. Arvizu tregoi se në tre vitet e qëndrimit në Shqipëri i ka tërhequr vëmendjen gjeneroziteti i shqiptarëve por edhe fakti se nuk dinë të dallojnë se “kur resht së qëni zemra bujare dhe të nisë formalja, zhvillimi i biznesit në mënyrë formale”.

 “Kjo është e gabuar nuk jemi në kohën e Ali Pashës kur tregtohej në mënyrë të tillë. Ju dëshironi të futeni në BE. Të gjithë duhet të mendoni sipas mënyrës moderne”, tha Arvizu duke shtuar se konkursi i posterave kishte këtë qëlllim “që njerëzit të ndihen entuziastë të zemëruar ndoshta të pakënaqur.

“Gjërat mund të ndryshojnë kur të gjithë ju mund të ndryshoni”, tha diplomati amerikan, duke folur në ceremoninë e dhënies së çmimeve për gjimnazistët që kanë skicuar posterat anti-korrupsion.

Në fjalën e tij diplomati amerikan ka vënë theksin në uljen e informalitetit. Në këtë kuadër, diplomati amerikan bëri një apel për aplikimin e kuponëve tatimorë, që sipas tij janë një mënyrë për të ulur nivelin e informalitetit në ekonomi. Por jo vetëm kaq, Ambasadori i SHBA gjithashtu u ndal në çështjen e mospagesës së energjisë elektrike, që e konsideroi një fenomen shqetësues.

“Është dicka tjetër të thuash që kafen po e qeras sot, por është diçka tjetër të thuash që po konsumoni shumë energji elektrike dhe nuk do ta paguash nëse voton për partinë që unë drejtoj. Është diçka tjetër kur është dita e pagës dhe t’ju thotë biznesmeni që do ju paguajmë disa ditë më pas. Të gjithë ju keni celularë dhe nëse nuk paguani mbyllet. Kjo është e thjeshtë. Ndërpritet shërbimi i njëjti parim duhet të zbatohet për energjinë elektrike dhe pagesën e ujit pse është kaq e vështirë. Nuk duhet të jetë e tillë nëse ndryshimi i mentalitetit nis nga ju”, theksoi ai.

Në vijim diplomati amerikan shtoi “më vjen keq ta them por pas 3 vjetësh të mia këtu, hallka më e dobët në sistemin gjyqësor janë gjykatësit e koprruptuar”. “Më shqetëson më shumë shtrirja e informalitetit në sektorin ekonomik në Shqipëri. Nuk është thjesht që i paguan një rryshfet një zyrtari, por është mungesa e llogaridhënies. Ka disa shprehje: asete pasuri të ardhura, kupon tatimor. Janë struktura formale që nëse përdoren reduktojnë informalitetin”, theksoi ai.

Perceptimet e të rinjve për korrupsionin përcjellë nëpërmjet pikturave, për Prokurorin e Përgjithshëm Adriatik Llalla janë një shtysë e fortë për ta luftuar këtë plagë të shoqërisë në çdo hallkë të saj. Në këtë kuadër, ai theksoi rëndësinë e bashkëpunimit të qytetarëve në luftën ndaj korrupsionit, duke denoncuar rastet abuzive.

“Të gjithë ne duhet të bashkohemi për të përballuar këtë sfidë të vështirë të shoqërisë shqiptare, luftën ndaj korrupsionit. Falenderoj të gjithë ata që u angazhuan në këtë fushatë sensibiluzese, dhe të rinjtë që morën pjesë duke shprehur talentin e tyre. Ne të gjithë duhet të fokusohemi në luftën ndaj korrupsionit. Falenderoj ambasadën amerikane në Tiranë për mbështetjen e ofruar Shqipërisë në përpjekjet për të luftuar korrupsionin. Ambasadori Arvizu dhe partnerët amerikanë u angazhuan në këtë fushatë. Gjatë kësaj periudhe u përgatitën postera që u shpërndanë në qytetet të ndryshme për t’i drejtuar ata se ku mund të bëjnë denoncimet e ndryshme që kanë të bëjnë me korrupsionin. Qytetarëve iu kërkua të denoncojnë korrupsionin. Përpjekjet tona për ndërtimin e urave të komunikimit me qytetarët do të jenë efektive”, tha Llalla.

Duke pranuar se korrupsioni është i pranishëm në vendin tonë, kryeprokurori Llalla tha se vendi ynë do të ndjekë praktikat më të mira evropiane në luftën ndaj këtij fenomeni.

“Është fakt që korrupsioni është i pranishëm në Shqipëri, dhe dihet se nuk është problem vetëm i shoqërisë shqiptare, por ne duhet të marrin përvojat më të mira nga vendet evropiane, për të luftuar korrupsionin. Përvoja më e mirë është bashkëpunimi me qytetarët, e veçanërisht me ata që pësojnë nga veprimet korruptive të zyrtarëve. Synojmë forcimin e besimit të qytetarëve tek institucionet publike. Të gjithë ne duhet t’i përgjigjemi kërkesës së këtyre të rinjve për forcimin e shtetit ligjor në Shqipëri. Vizioni i tyre për luftën ndaj korrupsionit do të jetë në projektin tonë për të ardhmen”, u shpreh kryeprokurori Llalla.

Ministrja e Arsimit Lindita Nikolla, në përmbyllje të fushatës “Kundërshtoj korrupsionin”, tha se lufta ndaj këtij fenomeni duhet të vijojë në çdo moment. Ndërkaq, Nikolla theksoi rëndësinë e ndërgjegjësimit të qytetarëve për të denoncuar këtë fenomen, ndërsa tha se sensibilizimi duhet të fillojë nga shkollat.

“Për të luftuar korrupsionin duhet të veprojmë tani. Kjo ekspozitë do të jetë e pranishme në të gjitha qytetet e Shqipërisë, në mënyrë që njerëzit të ndërgjegjësohen për të denoncuar korrupsionin, duke filluar nga shkollat për të treguar se nota nuk blihet, diploma nuk shitet, se profesioni i mësuesit, duhet të veprojë përmes kornizës që është etika e profesionit, dhe t’i mësojmë fëmijëve tanë se si duhet të rriten me vlera”, tha Nikolla.

Bashkëpunimi strategjik/Bushati vizitë dyditore në Turqi

13:33 Politika

Vokshi: Beqaj ka ndërhyrë në tenderin e ilaçeve për interesat klienteliste

13:25 Politika

Përleshje mes të dënuarve shqiptarë në Greqi, vritet kushëriri i Alket Rizait

12:36 Politika

Tahiri: Çliruam detin nga robërimi i qeverisë së djeshme

12:10 Politika

Arkiva britanike/ Shtatë VIDEOT e rralla të historisë shqiptare

11:18 Politika

Akuzat ndaj FA për trafikun e drogës/ Kodheli: Nuk ka asnjë fakt. Berisha: E transportoni me avion. Rama: Janë kundër mushkonjave. Batutat e plota (VIDEO)

11:11 Politika

Ruçi: S’kam marrë asnjë peticion nga socialistët e Elbasanit

10:16 Politika

Ironia/ “Gjin Gjoni vetëm makinën nuk e ka Cartier”

09:30 Politika

Plas në PD/ Deputetët e rinj sulmojnë Topallin: Ke humbur ekuilibrin dhe mbështetjen në bazë

09:09 Politika

Ina Rama: Duhet ndërhyrje serioze në sistemin e drejtësisë

09:06 Politika