Java Italiane/ Grasso: Forconi hetimin financiar, luftë korrupsionit. Rama: Amerikën mund ta gjeni në Shqipëri (VIDEO)

“Sipërmarrësit italianë janë të pranishëm në shumë sektorë në Shqipëri, por ka ende vend për investime. Në Shqipëri ka një klimë të favorshme për investime. Por e rëndësishme është që Shqipëria të vijojë më realizmin e reformave dhe me luftën ndaj korrupsion. Korrupsioni është pengesë për zhvillimin e vendit, ndaj duhet të forcohen hapat në këtë drejtim. Gjithashtu duhet të forcohet hetimit financiar, duke rritur kështu edhe interesin e sipërmarrësve të huaj për investime në Shqipëri. Ne mbështesim integrimin e Shqipërisë në Bashkimi Europian, dhe vlerësojmë arritjet e bëra deri më tani”.

Kështu iu drejtua Presidenti i Senatit Italian Pietro Grasso të pranishmëve në çeljen në Tiranë të Javës Italiane. Ndërsa shprehu kënaqësinë që ndodhej në Shqipëri për një vizitë dy ditore, Grasso vuri theksin në rëndësinë e luftës ndaj korrupsionit dhe forcimin e hetimit financiar. Aktiviteti u çel me një fjalim të shkurtër nga Ambasadori italian në  Tiranë Massimo Gaiani, i cili vuri theksin në klimën pozitive që ekziston në Shqipëri përsa i takon invetsimeve të huaja. Në këtë kuadër, diplomati italian theksoi se gjatë kësaj jave në Shqipëri do të vijnë sipërmarrës italiane që shfaqin interes për të investuar në sektorë të ndryshëm.

Rama: Italianët mund të gjejnë Amerikën në Shqipëri

Kryeministri Edi Rama ndërsa vlerësoi Italinë si një partner të rëndësishëm strategjik, vuri theksin në rritjen e bashkëpunimit mes dy vendeve. Kreu i Qeverisë u shpreh se rritja e investimeve italiane në Shqipëri, do të jetë në interes të dy vendeve.

“Jemi të parët për dashurinë për Italinë, por të fundit për shkëmbimet tregtare me këtë vend. Kemi vullnet për të nxitur marrëdhëniet mes dy vendeve, duke krijuar një faqe e re në bashkëpunimin ekonomik mes tyre. Java italiane krijon një rrugë të re bashkëpunimi dhe prania e 170 ndërmarrjeve italiane këtu gjatë kësaj jave, është një gur themeli për të rritur në një rrugë të re këtë bashkëpunim,. Një fluks i ri investimesh italiane do të derdhën në interesin reciprok. Në Shqipëri, mund të fitohet më shumë se në Itali, paguhen më pak taksa, ka më pak burokraci se në Itali, dhe ka më shumë nevojë për punë dhe shumë më pak kosto të punës”, theksoi Rama.

Në këtë kuadër ai ftoi  sipërmarrësit italianë të shikojnë mundësinë të migrojnë në Shqipëri. Në vijim, Kryeministri u shpreh se Qeveria shqiptarë po punon për përmirësimin e mëtejshëm të klimës së biznesit në vend, dhe krijimin e kushteve të favorshme për operimin e sipërmarrësve të huaj në tregun shqiptar.

“Ajo që pengon në investime është taksa e mbartur prej vitesh, e cila rëndon mbi sipërmarrësit. Vetëm ne, Irani dhe Gambia e kemi këtë taksë. Tashmë po diskutojmë çdo ditë për të ndryshuar këtë situatë dhe për të përmirësuar klimën e biznesit në vend. Kështu do të lehtësojmë komunikimin mes çdo investitori dhe administratës, duke ushtruar presion pozitiv mbi Qeverinë dhe Kryeministrin, për gjithë ato raste kur duhen përgjigje që mungojnë. Po reformojmë Agjencinë tonë të investimeve të huaja, e cila do të jetë shumë shpejt dera e hapur  që do presë  dhe shoqërojë me procedura të shpejta dhe të lehtësuara të gjithë investitorët e huaj, në çdo derë të administratës për të bërë të mundur që përgjigjet të vijnë sa më shpejt”, tha Rama.

Kreu i qeverisë tha se pavarësisht problemeve që ka, Shqipëria është një vend tërheqës për të huajt.

“Shqipëria ka probleme dhe të meta por ka një virtyt që edhe Italia e kishte para disa kohësh po e ka humbur, Shqipëria nuk është e mërzitshme. Kush vjen në Shqipëri për herë të parë, gjithmonë do të vijë prapë. Njerëz që janë shumë skeptikë kur i thua hajde në Shqipëri unë njoh shumë, por nuk njoh asnjë që të mos ketë dëshirë të vijë prapë, pasi ka ardhur në herë”, tha Rama.

Gjatë fjalës së tij, Kryeministri nuk ka lënë mënjanë batutat, teksa duke iu drejtuar sipërmarrësve italianë u shpreh “nuk mund të them se italianët do të vijnë si emigrantë në Shqipëri, sa të zgjidhim këtë punën e 80 eurove. Tani italianët mund të gjejnë Amerikën në Shqipëri”.

Fullani: Investimet italiane jetike në disa sektorë

Guvernatori i Bankës së Shqipërisë Ardian Fullani e cilësoi prezencën e investitorëve italianë në Shqipëri si jetike në disa sektorë.

 “Interesat tregtare në sektorët jetikë të ekonomisë kanë nevojë për një prezencë më ë madhe të investitorëve italianë”, u shpreh Fullani.

Sipas tij, „ investimet italiane hapin rrugë për zhvillimin e mëtejshëm të tregtisë, zhvillimi i bujqësisë, turizmit dhe kombinimi me agro-turizmin e bën Italinë lider global në këtë sektorë”.

Në këtë kuadër, Guvernatori Fullani theksoi se “Shqipëria i afron akses jo vetë brenda territorit, por në të gjithë rajonin”.

“Shfrytëzimi i potencialeve që ofron bashkëpunimi rajonal do të sjellë zhvillim për të dy vendet. Një koordinim mirë i politikave ekonomike do ishte me një interes reciprok”, tha Fullani ndërsa shtoi se “sistemi bankar i Shqipërisë mbështet iniciativat për investime’.

Ahmetaj: Ekonomia ka shënuar rritje

Ministri i Zhvillimit të Ekonomisë dhe Sipërmarrjes Arben Ahmetaj e cilësoi Javën italiane në Shqipëri shumë të rëndësishëm për ekonominë e cila muajt e fundit ka shënuar rritje.

 “Java italiane e biznesit vjen në një moment të rëndësishëm për ekonominë shqiptare, e cila pas një rënie ka shënuar shifra rritjeje, ndërsa sfida e ardhshme është stabilizimi i ekonomisë. Vitet e fundit marrëveshjet tona me gjithë krizën ekonomike nuk janë ngadalësuar, por janë rritur investimet italiane dhe importet gjithashtu”, bëri të ditur Ahmetaj.

Sipas tij, kjo marrëdhënie e ngushtë të biznesit, është shoqëruar edhe me bashkëpunim politik, ku Ahmetaj iu referua vizitave të Kryeministrit Edi Rama në Itali.

“Për pasojë investitorët italianë luajnë një rol të rëndësishëm në vendin tonë sa i përket punësimit dhe për pasojë edhe të prodhimit .Nisma e kryeministri Rama në Itali ka pasur jehonë të madhe edhe në mediat kryesore.  Ndodhemi në një moment  thelbësor për të prezantuar mbylljen e periudhës 22-vjeçare të tranzicionit dhe kriza ekonomike na ka vënë përpara një sfide të re. Prania e ndërmarrjeve italiane është mjaftë heterogjene në sektore; në energji, bujqësi, turizëm, manifaktura, etij. Internacionalizimi i ndërmarrjeve italiane ka ardhur gjithnjë në rritje. Interesi i kompanive italiane në 4-5 muajt e fundit ka sjellë edhe frytet e para. Klima e biznesi çdo ditë ka përmirësime të veta”, tha Ahmetaj.

Gjirokastra destinacion turistik/Ahmetaj prezanton 4 projekte madhore

17:30 Ekonomia

Mbyllet Panairi i Punës, 13 500 aplikime

15:18 Ekonomia

Ahmetaj : Kemi trefishuar fondin e punesimit

17:55 Ekonomia

Ahmetaj: Synojmë të përmirësojmë klimën ndaj biznesit, punësimi prioritet kryesor

11:34 Ekonomia

Java italiane/ 170 kompani italiane vijnë në Shqipëri për të investuar. Gaiani: Ka kushte të mira

13:52 Ekonomia

Të ardhurat nga TVSH, 12.5 % më shumë se planifikimi

13:28 Ekonomia

Zonat me përparësi turizmin/ Qeveria përcakton rregullat mbi pronësinë e truallit shtetëror

09:41 Ekonomia

P/ligji i ri për TVSH/ Shërbimet që do të përjashtohen nga tatimi mbi vlerën e shtuar

10:45 Ekonomia

Tre mujori/ Të ardhurat 82.107 milionë lekë

15:33 Ekonomia

FMN: Rritja ekonomike do të jetë 2.1%

15:01 Ekonomia