Te fundit
Heqja e sekretit bankar zviceran
9 Maj 2014, 21:22Blog
TEMA
Nga Naser Sertolli
Një lajm i mirë vjen nga Perëndimi. Mund t’u hyjë në punë shumë qytetarëve. Sidomos atyre që duan ta shuajnë kërshërinë rreth pasurisë së këtyre “të fortëve” tanë. Por, edhe politikanëve, atyre që s’ua duan të mirën rivalëve të tyre.
Të martën, Zvicra ka nënshkruar një deklaratë zyrtare (bashkë me Singaporin), përmes të cilës angazhohet të praktikojë shkëmbimin automatik të informacioneve bankare për qëllime fiskale. Pra, shteti helvetik de facto i jep fund sekretit në këtë fushë.
Tash e tutje, pra, Zvicra, si një prej qendrave më të rëndësishme financiare në botë, pa hezitim do t’i ofrojë të dhënat bankare për secilin person që mund të ketë deponuar para në ndonjërën prej mbi 300 bankave atje. Mjafton që të bëhet një kërkesë në këtë drejtim dhe informacionet bankare do të kthehen në mënyrë automatike. Megjithatë, një kërkesë ose një shkëmbim të tillë mund ta bëjnë vetëm 34 vendet e Organizatës për Bashkëpunim dhe Zhvillim Ekonomik (OBZHE), si dhe 13 vende të tjera, të cilat janë nënshkruese të deklaratës.
Natyrisht, vendimi i shtetit helvetik është marrë në kontekstin e luftës kundër evazionit dhe keqpërdorimeve fiskale, të cilën qeveri të shumë vendeve të botës e kanë intensifikuar që kur ka nisur kriza financiare. Po ashtu, duhet përmendur se deri më tani bankat zvicerane kanë ofruar informacione për klientët e tyre vetëm në rast të hetimeve nga autoritetet tatimore ose gjykatat.
Sigurisht që qytetarët tanë nuk do të mund të realizojnë ose përfitojnë pothuaj kurrgjë nga ky zhvillim, tani për tani, duke ditur se vendi ynë nuk është as anëtar i OBZHE-së, e as në mesin e atyre vendeve të tjera që e kanë nënshkruar marrëveshjen e shkëmbimit të të dhënave bankare edhe me Zvicrën. Mirëpo, në një të ardhme jo të largët, përmes mekanizmave adekuatë, secili qytetar, por edhe vet shteti, mund të interesohen dhe të kërkojnë të kuptojnë pasurinë e fshehur në parajsën e deridjeshme të secilit prej këtyre që sot “vrajnë e kthjellin” këndejpari.
Dhe, arsye e fakte ka me bollëk. Askush nuk mund të ketë harruar akuzat e kundërakuzat për shumat marramendëse të “avulluara” ndonëse ishin mbledhur për ta financuar luftën për çlirim apo edhe për të financuar sistemin paralel në kohën sa ishim të pushtuar. Ndonjë milion nga ato shumë milionat që janë mbledhur nga bashkatdhetarët tanë gjithandej në Evropë, Amerikë e kontinente të tjera, nuk ka se si të mos ketë përfunduar në ndonjë bankë zvicerane si depozitim me emrin e ndonjërit prej këtyre që sot e bëjnë ligjin e Maliqin, ose të ndonjë të afërmi të tyre.
Po ashtu, me çanta të mbushura dëng me euro në bankat helvetike viteve të fundit mund të jetë paraqitur edhe ndonjë zyrtar i ndonjë institucioni qendror apo edhe lokal, i cili për hisen nga ndonjë tender siguri ka gjetur veç në vendin alpin.
Heqja e sekretit bankar zviceran mund të shpërfaq edhe hipokrizinë e ndonjë politikani, i cili ndonëse gojën mund ta ketë plot dogma për zhvillim ekonomik të këtij vendi, se lobon për investime të huaja, duke premtuar ambient të sigurt, nuk i sjell kurrë milionat e tij, nga interesi i të cilave do të mbushej buxheti.
Vendimi i Zvicrës, pra, mund të na mundësojë të kuptojmë se prapa petkut elegant të pushtetarëve e nën epoletat e “komandantëve” gjenden maskarenj, të cilët kanë plaçkitur djersën e kontributin e qytetarëve të Kosovës dhe të dhjetëra mijërave bashkëkombësve tanë në diasporë. Se kur do të nisë demaskimi nuk mund të parashikohet, por ai do të ndodhë një ditë!
6 komente në “Heqja e sekretit bankar zviceran”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mos! Na dolen milionat e dollarve qi familja Hoxha ka mshefe nèper bankat e Zvicres! PO tesh ku kane me i mshefe 40 vjedhje, plaçkitje e zhvatje e pasunise se popullit?
40 Vjet vjedhje e arit te minierave te bakrit, e pasunise se pronarve te ligjshem, dollare te pasunise shtetnore………Po thesari i vjedhun prej Metes ne ’99, kur ka me dale ne drite?
kur surrati yt te mesoje shqipen atehere do dale ne drite,ore koke palare
Hahahahaha,Teta mesuese e gjuhes toske te standartizuar. Me fal qe gabova e nuk fola si flet udheheqesi yne i dashur edhe partija jone kreshnike.
Merre gomarin e nisu per Ankara, nastradin haxhija!
Tani do kete gallate. Te tere politikanet do e bejne “nga nje rruge Zvicre”, por ndryshe kete here. Do kete rradhe neper banka kush e kush ti terheqi me shpejt . Po ku mund ti cojne valle ?? A thua ne Qatar ??
Sa here eshte thene se Shqiperia mund te behet Zvicra e dyte. Tani u krijua mundesia me teper se kurre. Te transferohen bankat ketu, edhe politikanet tane nuk do “lodhen” me vra mendjen ku ti cojne pasurite.
Mos se u bo deti kos, lugen imethi!!!
Paska ngordh naj derr
delet po mesim pa mend
Myll ne Ferme te Kafsheve
Bebebe be bojne,
u falet Kasapeve!
Lirine nuk ta dhurojne, fitohet ori deele, fitohet,
Me qytetari e sakrifica, te perditeshme, jo me blegerima: o po na bjen Rilindje prej Qilli!
Keshtu dele, edhe deti kos te bahet, per Shqipnine s’ka luge!!
Ka vec dru me gjema!
Simas kokes Padrinot te vejne festen: nji ksule do qo e shkreta, pshesh me kos, lene se i kan zon morrat zgjebe ne kerkojne arin qe mori gomori Krrabes, kur babaLiken e gomorit e kane ne maje Parlametit,
Po presin Rilindje ta boje PiktoreskuMavijos qe i ka thaset me pare jo vetem ne Zvicer, bashke me te e baba enverit E me gjithe kopete blu, roze e mavi!
Do mbije baar per ju deledazher, po vjen Behari!
Kaq i bie Behari Xhahilizmes, vec baar e Daulle (me u marr ment vec t’ kercejne simas Daulles dhe gjuuuume, shkurt: baar- bebebe+ cring cring zilet (ne valle simas Daulles)– gjuuuuuume Rilindaqar!! Vetem partine te kemi, amani, ne bar te thate kerkojme, po pat naj dor t’njome, te rroje partia Rilinadqorre!
E gezofshim, miq, e hidhur e verteta po i vetmi derman!
Te na rruajne atllaret e Demonkracise sone se kontot bankare do ua shihni, ja ene pak!
Nderkohe bebebe e creng- creng , zoti paste meshire per zgjeben e truve e vente dore!, Tirona