Te fundit
Ambasada amerikane nuk mbështet asnjë individ apo parti politike
15 Maj 2014, 21:05Rajoni
TEMA
Ambasadorja e SHBA-së në Kosovë, Tracey Ann Jacobson, thotë se zgjedhjet e ardhshme parlamentare në Kosovë janë të rëndësishme, pasi ato organizohen në tërë territorin e vendit.
Ajo tha se SHBA-ja nuk e mbështet asnjë kandidat ose subjekt në veçanti.
“Nëse dikush bën thirrje të votohet për të, sepse ai ka mbështetjen e SHBA-së, ky është një trillim”, ka thënë Jacobson në një intervistë për RTK.
Ambasadorja Jacobson, paraprakisht ka dënuar çdo tentativë për vjedhje ose mashtrim gjatë procesit të votimit, duke thënë se do të jenë të papranueshme për SHBA-në.
Ajo theksoi se gjatë zgjedhjeve të kaluara nacionale vjedhjet nuk kanë ndodhur mes subjekteve politike, por mes kandidatëve të së njëjtës parti.
Duke folur për pjesëmarrjen e serbëve në këto zgjedhje dhe qëndrimin politik të tyre në raport me pavarësinë e Kosovës, si në rastin e Listës Serbe, ambasadorja e SHBA-së tha se çdo kandidat që do të fitojë do të ulet në Kuvendin e Republikës së Kosovës dhe të japë betimin që do t’i referohet Kushtetutës së Kosovës.
Prandaj, sipas Jacobson, është e qartë se këto zgjedhje kanë të bëjnë me një vend të pavarur./rtk/
1 komente në “Ambasada amerikane nuk mbështet asnjë individ apo parti politike”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mire do ishte qe ambasada e SHBA te mos mbeshteste asnje individ apo parti por ç’fare ti besh “burrit te shtetit” qe ju zgjat jeta edhe 2 vjet, per fatin e keq te shqiperise. Nuk besoj se ishte mbeshtetje personale e ambasadorit por e DASH.