Te fundit
Urdhëri i Veliajt: Institucionet e kujdesit të mos largojnë fëmijët 16 vjec
21 Maj 2014, 14:11Sociale
TEMA
Ministria e Mirëqënies Sociale dhe Rinisë ka filluar zbatimin e Reformës së Shërbimeve të Kujdesit Social, ku njëra nga shtyllat është de-institucionalizimi i sistemit të kujdesit rezidencial, me synim krijimin e formave të reja të kujdesit ndaj fëmijëve me bazë familjen dhe komunitetin.
Për të siguruar parandalimin e nxjerrjes së fëmijëve që janë në përkujdes institucional, ministri i Mirëqenies Sociale dhe Rinisë Erion Veliaj ka nxjerrë një urdhër që detyron dhe udhëzon çdo institucion rezidencial publik, të mos nxjerrin fëmijët në moshën 16 vjeç nga shtëpia e fëmijës, nëse nuk ka një alternativë më të mirë për ta (siç është ribashkimi me familjen).
Sipas udhëzimit, një fëmijë që shkon në shkollë të mesme mund ta vazhdojë dhe për dy vite këtë shkollë duke jetuar në shtëpinë e fëmijës. Madje, në çdo rast të lëvizjes nga institucioni të fëmijës që mbush 16 vjeç, ky vendim duhet të shoqërohet me një vlerësim shumë të detajuar dhe të mirë për situatën e fëmijës, duke ndjekur interesin më të lartë të fëmijës.
Udhëzimi synon të nxisë shtëpitë e fëmijës të bëjnë një punë më të mirë në lidhje me fuqizimin e fëmijës, por dhe ribashkimit me familjen ose të afërmit në ato raste kur është e mundur. Ky urdhër gjithashtu, siguron që fëmijët që jetojnë në konvikte, gjatë periudhës së verës, mund të kthehen të jetojnë pranë shtëpisë së fëmijës ku kanë jetuar.
Nga ana tjetër, synon që të parandalohen rastet e nxjerrjes nga institucioni së fëmijës pa kujdes prindëror, pa mbushur moshën 16 vjeç dhe pa patur një plan të mirë përkujdesi që synon të forcojë fëmijën për një jetë të pavarur.
Ministria parashikon që në reformën e ndërmarrë të shërbimeve të kujdesit social të zhvillohen forma të tjera të përkujdesit për fëmijët pranë familjeve dhe me bazë komunitare. Reforma e Shërbimit të Kujdesit Social synon orientimin e shërbimeve ndaj fuqizimit të familjes, kujdestarisë së përkohshme dhe modeleve të reja të përkujdesit
11 komente në “Urdhëri i Veliajt: Institucionet e kujdesit të mos largojnë fëmijët 16 vjec”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ti je tamem super ministri plako! bravo se vetem njerezit pa zemer do linin rrugeve ata vogelushe qe jane aq te vuajtur!
Ministri Veliaj si gjithmone realizon reforma shume pozitive dhe te nevojshme per shtresat ne nevoje.
ca cuni eshte ky erioni m pz! e kam taku ne vlore dje, kishe qejf te beje mhb, jo si ca mendjemdhenj qe te shofin gjithe tangerllik
Bravo Veliaj urdhri shume i drejte per femijet e shtepise se femijes
Shume e dreje ky vendim i ministrit Veliaj duke patur parasysh kushte dhe te ardhuart per femijet e shtepise se femijeve.
Bravo ministrit per vemendjen e treguar dhe vendimin shume te drejte per kete kategori femijesh.
Reforma me e nevojshme dhe shume vlersime per mnistrin per punenn shume fantastke qe po ben duke treguar intres dhe vemendje per keta femije.
si gjthmone ne mbeshtetje te shtresave te ulta erioni
mbeshtesim eronin ne nismat e tij ?
njerezor, teper njerezor Erion Veliaj ? Bravo!
Nisme shume e mire! Lavdi Zotit qe u ndricuat per te gjetur nje zgjidhje per femijet jetime qe i zinte tmerri kur arrinin moshen 16 vjec dhe dilnin ne rruge pa perkrahje!