Nën drejtimin e ministrit të Energjisë dhe Industrisë, Damian Gjiknuri, në ambientet e ministrisë u zhvillua takimi i radhës i Komisionit Ndërinstitucional për bashkërendimin e punës në zbatimin e projektit të gazsjellësit TransAdriatik Pipeline (TAP).

Axhenda e takimit kishte të bënte me diskutimin mbi progresin e arritur dhe hapat që duhen ndërmarrë në drejtim të çështjeve të tilla si prenotimi i kapaciteteve të gazit natyror nga projekti TAP (booking capacities); krahasimi i HGA Greke me atë shqiptare; autorizimi i ndihmës shtetërore; krijimi i një komisioni për menaxhimin e çështjes së blerjes/marrjes me qira të tokës ku do të kalojë projekti TAP dhe hartimi i dy marrëveshjeve në zbatim të Benchmark Agreement.

Konkretisht Albpetrol ka aplikuar për të rezervuar një sasi prej 1.2 bcm/vit (miliard metër kub) gaz natyror, duke pasur parasysh se kërkesa e Shqipërisë për furnizim me gaz natyror nga viti 2020 (lidhja me rrjetin rajonal të gazit), do të jetë rreth 1.2 bcm në vit.

Aplikimi i Albpetrol Sh.a për rezervimin e kapaciteteve në gazsjellësin TAP, do të shqyrtohet nga kompania TAP AG në përputhje me metodologjinë dhe procedurat që përcaktohen në procesin e vlerësimit të aplikimeve.

Komisioni diskutoi edhe për punën e bërë në drejtim të hartimit të dy marrëveshjeve në zbatim të marrëveshjes mbështetëse mes Këshillit të Ministrave dhe kompanisë TAP AG. Marrëveshjet kanë të bëjnë me angazhimin për zhvillimin e tregjeve të gazit dhe marrëveshja për përfitimet vendase. Nga ana e MEI është kërkuar dhe po punohet me shumë impenjim lidhur me përgatitjen, negocimin dhe nënshkrimin e këtyre dy marrëveshjeve.

Një tjetër pikë e diskutuar kishte të bënte me krijimin e një komisioni për menaxhimin e çështjes se blerjes/marrjes me qera të tokës ku do te kalojnë rrugët hyrëse të projektit TAP.

5 komente në “Gazsjellësi TAP/ Albpetrol prenoton sasinë e gazit natyror që i duhet Shqipërisë”

kuq e zi says:

29 Maj, 2014 13:22 te 1:22 pm

jemi te sigurte qe jane 1.2 miliarde meter kub ne vit ????
kur dime qe maksimumi i prurjes eshte 20 miliard ne mos gaboj dhe ket gaz e pret e gjithe europa jugore

Përgjigjjuni
1. kola says:
  
  29 Maj, 2014 14:06 te 2:06 pm
  
  Kjo duhet te menaxhohet me kujdes e jo te behet si ne kohen e sales qe su merrte vesh i pari me te fundit, duhet trajtuar ndryshe kjo teme.
  
  Përgjigjjuni
  1. Mira says:
    
    30 Maj, 2014 17:54 te 5:54 pm
    
    E prenotuat si Taçi dhe ju të Albpetrolit, pika që nuk ju bie o katundarë injorantë, po kush gënjehet nga këto broçkulla….!?
    
    Përgjigjjuni
debili i Temës says:

29 Maj, 2014 13:46 te 1:46 pm

Akoma gazsjellësi TAP, nuk është bërë as “në letra”, ne “e morëm” gazin tonë dhe filluam “të gatuajmë” me të…(???!!!)

Përgjigjjuni
1. spetsnaz says:
  
  29 Maj, 2014 15:18 te 3:18 pm
  
  1.2 bcm ne vit…?
  
  Përgjigjjuni