Partizani përforcohet me sulmuesin e kombëtares kosovare, Mentor Zhdrella

E ka ndarë më në fund mendjen lojtari më i spikatur në kampionatin kosovar, kryegolashënues disa herë në shtetin më të ri të Europës. E priste Skënderbeu për të firmosur, kishte oferta edhe nga klube të tjera shqiptare, por Mentor Zhdrella ka vendosur të vishet i kuq. Duke ndjekur rrugën e shumë lojtarëve të tjerë kosovarë, që erdhën “me shumicë’ sezonin e shkuar në radhët e “demave”, Zhdrella do të jetë një përforcim cilësor për 15 herë kampionët e Shqipërisë, duke pasur objektiv të njëjtë me trajnerin Shpëtim Duro dhe të tijtë: fitimin e trofeve kombëtarë.

Ndoshta këto ambicie maksimaliste, që përkojnë me qasjen profesionale të vetë lojtarit, por edhe joshja e duhur financiare, kanë dërguar në këtë “martesë”, raporton Panorama Sport. Gjithçka ka ndodhur “flakë për flakë” si njëfarë kundërpeshe ndaj largimit të katër titullarëve të sezonit të shkuar nga Partizani; të Ertan Demirit, Gëzim Krasniqit, Behar Maliqit dhe Elvis Prençit, sepse zyrtarizimi i akordit me Zhdrellën është i një rëndësie të veçantë. Sidomos duke pasur parasysh problemet në repartin ofensiv të të kuqve, i hetuar si pika më e dobët në kampionatin që sapo u mbyll dhe që kërkon ndërhyrje të studiuar mirë. Aftësitë konkluduese të 4 herë lojtarit më të mirë të kampionatit kosovar japin shpresa të mëdha për fuqizimin e sulmit të “demave” në sezonin 2014-2015.

Zyra për shtyp e Partizanit ka njoftuar se marrëveshja me Zhdrellën është arritur pas takimit që sulmuesi 25-vjeçar ka zhvilluar me presidentin Gazment Demi, me të cilin ka rënë dakort për të gjitha kushtet e bashkëpunimit. Sezonin që sapo u mbyll, Mentor Zhdrella është aktivizuar me KF Dritën, ndërkohë që ishte pjesë e kombëtares së Kosovës për dy ndeshjet e fundit, ndaj Turqisë dhe Senegalit, në të cilat u aktivizua si zëvendësues. Klubi i kuq konfirmon se prezantimi i Zhdrellës do të bëhet gjatë kësaj jave.

"Kupa e Botës në Katër u ble!"/ Botërori mund të anulohet

18:32 Sport

Kosova, miqësore me Argjentinën?

15:39 Sport

Lorik Cana “djeg” shaminë e beqarit

15:37 Sport

Luis Suarez i hap rrugë transferimit në Madrid: Nuk i thuhet jo Realit

17:42 Sport

Erion Bogdani: Në Kombëtare ka pasur klane

15:23 Sport

Marseja mendon rikthimin e Lorik Canës, që ka kërkesa edhe nga Gjermania

15:09 Sport

Edgar Çani, heroi i Barit (VIDEO)

14:50 Sport

Baloteli: Anglia nuk është një kundërshtar i denjë për Italinë

17:33 Sport

Kristiano Ronaldo: Nuk e di sa para kam

15:10 Sport

Interi këmbëngul për shqiptarët Behrami-Xhaka

15:06 Sport