Haxhinasto prezanton planin për reformimin e transportit ndërqytetas: Stop evazionit dhe konkurencës së pandershme

Ministri i Transportit dhe Infrastrukturës Edmond Haxhinasto prezanton planin e ri për reformimin e transportit ndërqytetas,  ndërsa vuri theksin në mbivendosjen e linjave, çka krijon konkurrencë të pandershme dhe evazion të lartë.

“Shërbimi që ofrohet sot është shumë larg nga ajo cilësi që duhet të ofrohet. Janë mbi 467 linja që operojnë sot në Shqipëri. Ka një mbivendosje të jashtëzakonshme të tyre. Kjo sjell shpenzime të mëdha të panevojshme. Synimi i kësaj reforme është t’u ofrojmë qytetarëve një cilësi më të madhe të transportit ndërqytetas”, tha ministri Haxhinasto.

Sipas tij, kjo mbivendosje sjell shpenzime të mëdha të panevojshme, përpjekje për të mbijetuar në treg, mosfunksionim normal në aspektin e biznesit, konkurencë të pandershme,  që reflektohet me evazion e paaftësi të operatorëve për të rinovuar flotat e tyre. Kjo nënvizoi ministri, refletohet tek cilësia e dobët e shërbimit që ofrohet për qytetarin

Edhe në aspektin e sigurisë rrugore, tha Haxhinasto, ekzistenca e kaq shumë linjave, e këtij kaosi ka impaktin e vet.

“Ne e dimë që numri i aksidenteve rrugore në Shqipri ka qënë në nivele shumë të larta dhe fatmirësisht nga masat e marra duke u trajtuar si prioritet tendenca e këtyre aksidenteve është në ulje”, deklaroi Haxhinasto.

Duke iu referuar një vlerësimi të bërë, Haxhinasto u shpreh se “mosha” e automjeteve në qarkullim është rreth 20 vjet, çka do të thotë se nuk përmbushin as nivelet e cilësisë së komfortit dhe as të mjedisit.

“Edhe në detyrimet ndaj shtetit kjo situatë ka bërë që të ketë një evazion shumë të madh. Shifrat e biletave të deklaruara nga operatorët në krahasim me të dhënat e gjetura nga studimi i ministrisë së Transporteve janë te pa përputhura që do të thotë që janë të pa sakta dhe se kemi një aktivitet që nuk zhvillohet në përputhje me transparencën ekonomike,” theksoi Haxhinasto.

 “Gjithë kjo parregullsi është reflektuar edhe në dëmin që u ndodh ju si operator. Ju mb konsumoni në mënyrë të pa nevojshme 40% më shumë karburant”, tha ai.

Ministri u ndal edhe në një pikë tjetër të rëndësishme që është kontrolli dhe menaxhimi i tregut. Sipas tij, kontrolli dhe menaxhimi i këtij sistemi është i paqartë dhe konfuz, pasi ka përgjegjësi të ndara mes pushtetit vendor dhe qendror.

“Vendimmarrjet lokale bëhen në bazë të kërkesave lokale por nuk bëhet në bazë të kërkesave kombëtare. Sistemi duhet të ketë harmoni. Një nga arsyet pse duhet të ecim para me reformën territoriale është edhe kjo”, sqaroi ai.

Plani për transportin parashikon, sipas Haxhinastos, rregullimin e tregut ne disa faza. Në fazën e parë është pikërisht koncepti i ri që ne kemi përgatitur, i cili synon që tërësinë e linjave pa kriter që ka Shqipëria ta stabilizojmë. Të kemi linjat kryesore, linjat ushqyese dhe linjat ekspres”, theksoi ministri.

Element i rëndësishëm, vijoi ai, është rikonceptimi mbi bazën e teknologjisë së informacionit të gjithë sistemit të biletimit.

“Aktualisht sot kemi një vakum të madh në sistemin e biletimit. Kemi evazion të jashtëzakonshëm kemi subjektivizëm, cka ka sjellë rentabilitet të ulët. Do rikonceptojmë krejtësisht mënyrën e biletimit. Biletimi do jetë për kilometrat e kryera për kilometrat që ka realizuar një qytetar dhe do krijojë lehtësi të mëdha nëse qytetari nuk ka vetëm një intenerar. Do bëhet e mundur që me një biletë që mund të pritet në Sarandë të udhëtohet edhe në autobus edhe në tren te të gjitha llojet e transportit. Platforma do bëjë shpërndarjen e pagesës te operatorët që kanë ofruar shërbimin”, informoi Haxhinasto.

Në fazën e tretë, sipas ministrit Haxhinasto, do të riorganizohen operatorët që operojnë tashmë në treg. Sipas Haxhinastos operatorët aktualë nuk do të hiqen nga reforma e re.

“Në fazën e tretë kemi hedhur idenë që të gjithë operatorët që janë sot në treg të riorganizohen dhe të ofrojnë këtë shërbim. E përsëris këtë fakt se kam dëgjuar se gjoja kjo reformë synon të vendosë  monopol në këtë shërbim. Të gjithë operatorët që janë sot në tregun e transportit ndërqytetas do jenë pjesë. Zhvillim i rëndësishëm i fazës së tretë është rinovimi i flotës së autobusëve. Faza e fundit do realizojë një sistem të integruar shërbimi, shërbimin kombëtar të transportit të qytetarëve,” u shpreh ministri Haxhinasto.

Debati për CEZ/ Berisha: Rama, negociata të fshehta. Gjiknuri: Mbylle gojën, shkaktove 1 miliard USD dëm

19:49 Ekonomia

Pagat e AMF, opozita kundër/ Shehu: Rama po pushton institucionet. Angjeli: Kundërshtitë e PD, populiste

11:39 Ekonomia

Raporti i perspektivës/ BB: Shqipëria rritje 2.1% në 2014

17:43 Ekonomia

Projekti TAP/ Çregjistrohen rreth 52 ha pyje dhe kullota për ndërtimin e rrjetit rrugor të gazjellësit

19:38 Ekonomia

Fondi Shqiptar i Konkurrueshmërisë, 1.4 milionë lekë në mbështetje të ndërmarrjeve mikro

19:33 Ekonomia

Miratohet krijimi i SHKR/ Mbështetje dhe përfshirje për rininë në të gjitha fushat sociale e publike

18:07 Ekonomia

Shlyerja e detyrimeve për energjinë/ Kompanitë që s’paguajnë, përjashtohen nga tenderat

17:18 Ekonomia

Ndihma ekonomike do t'iu shpërndahet grave: Shtesë për familjet që vaksionojnë dhe shkollojnë fëmijët

13:28 Ekonomia

P/ligji për pagat dhe shpërblimet miratohet vetëm me votat e mazhorancës

15:59 Ekonomia

Shqipëria solidare/ Veliaj: Me kushtet që ka Shqipëria, s’mund të rriten taksat

20:09 Ekonomia