Shqipëria solidare/ Veliaj: Me kushtet që ka Shqipëria, s’mund të rriten taksat

“Me kushtet që ka Shqipëria sot, nuk duhet të rriten taksat dhe e vetmja zgjidhje është të mirë administrojmë taksat që mbledhim nga subjektet e ndryshme”.

Kështu deklaroi nga qyteti i Elbasanit ministri i Mirëqenies Sociale dhe Rinisë, Erion Veliaj, ku zhvilloi një bashkëbisedim me banorët në kuadër të skemës së re të ndihmës ekonomike dhe sistemit të dixhitalizimit të saj.

Nën sloganin “Shqipëria Solidare”, ministri Veliaj deklaroi se “nuk do ta quajmë më ndihma ekonomike, por Shqipëria solidare”.

Sipas tij, “Shqipëria harxhon 200 milion dollarë vetëm për ndihmën ekonomike dhe Shqipëria solidare reflekton atë që është realisht: shqiptarë që ndihmojnë disa shqiptarë të tjerë”.

“Këto para kanë një fund, ato nuk janë pa fund. Me kushtet që është ekonomia sot, ne nuk mundet dhe nuk duhet t’i rrisim taksat. Kemi ulur në 20 për qind numrin e personave që merrnin pa të drejtë ndihmë ekonomike duke pastruar skemën nga abuzuesit dhe duke dixhitalizuar këtë skemë”, tha Veliaj.

Gjatë bashkëbisedimit ai shtoi se “kemi nxjerrë nga lista ata persona, të cilët merrnin ndihmë ekonomike në mënyrë të padrejtë dhe kemi vendosur që ndihmën ekonomike ta marrin vetëm gratë dhe jo burrat, sepse aty ku ndihmën ekonomike e kanë marrë gratë, ajo është përkthyer në ushqime dhe veshmbathje”.

Sipas tij, “një mënyrë për të ulur varfërinë e familjeve në ndihmë ekonomike është shkollimi i tyre. Do të japim edhe një bonus edhe për familjet që vaksinojnë fëmijët e tyre”.

Nga ana e saj, Drejtoresha e Zyrës së Punës, Etleva Bisha, tha se “roli i administratorit social është i pazëvëndësueshëm. Vlerësimi nuk është thjesht njerëzor, por nëpërmjet sistemit elektronik, me qëllim që ndihma ekonomike të shkojë tek familjet që kanë nevojë, nderkohë që elementi kryesor i sistemit është transparenca”.

Kryetari i Bashkisë, Qazim Sejdini, e vlerësoi këtë bashkëbisedim duke deklaruar se “projekti i dixhitalizimit është mjaft i rëndësishëm dhe administratorët duhet ta përvetësojnë mirë këtë program. Ne duhet të jemi këmbëngulës për realizimin sa më mirë të këtij projekti”.

Ballkani bëhet “shesh beteje” i një tjetër përplasje mes Rusisë dhe BE

19:34 Ekonomia

Ekspertët: Borxhet e kthyera firmave nuk po riinvestohen, nuk po duken investime të huaja

19:14 Ekonomia

Mallrat e akcizës/ Smith: Të ardhurat nga akciza, zëri kryesor i buxhetit. Spiropali: Jo më subjekte që shkelin ligjin

11:23 Ekonomia

Berat e Lushnje, nënshkruhen marrëveshjet për strehimin e 125 familjeve

14:25 Ekonomia

Ahmetaj vizitë zyrtare në Kinë, fton investitorët kinezë në Shqipëri

13:40 Ekonomia

Meta dhe Arvizu vizitojnë një biznes fason në Çorovodë

13:26 Ekonomia

Doganat, super fushatë për kontrollin e produkteve të akcizës

15:16 Ekonomia

Veliaj në Gjenevë/ Shqipëria për herë të parë anëtare e bordit të ILO-s

11:37 Ekonomia

Të gjithë sytë tek BQE/ Vendosen norma negative interesi për të nxitur kreditimin

19:37 Ekonomia

Panariti: Nafta pa akcizë për serat me ngrohje

18:44 Ekonomia