Sulmohet grupi i gazetarëve në Lazarat/ PS: Liria e medias është cenuar seriozisht

Partia Socialiste reagoi pas lajmit se një grup xhirimi i televizionit A1 Report është sulmuar në Lazarat.

Deputeti Alfred Peza, nënkryetar i Komisionit të Medias, tha se liria e medias është cenuar seriozisht.

“Lazarati është bërë sot jo vetëm një çështje e shoqërisë shqiptare, Policisë së Shtetit dhe drejtësisë, por edhe kufiri ndarës i së drejtës universale për lirinë e informimit.

Liria e medias, ruajtja e jetës dhe integriteti profesional i gazetarëve, është një nga fitoret më të mëdha të pluralizmit të vështirë post komunist në Shqipëri.

Media dhe gazetarët po fitojnë dhe po zgjerojnë çdo ditë e më shumë, gradët e tyre të lirisë në raport me qeverinë, shtetin dhe të gjitha pushtetet.

Por, kjo liri sot është cenuar seriozisht, si kurrë më parë në këto vite lirie, në Lazarat.

Partia Socialiste, dënon ashpër aktin e rëndë kriminal të një grupi banorësh të këtij fshati të cilët kanë ndaluar, kanë marrë peng dhe kanë goditur nëpërmjet dhunës verbale dhe grykës së armëve, një grup gazetarësh të televizionit A1 Report, që ndodheshin në Lazarat për të kryer misionin e tyre. Më pas, këta persona, kanë shkatërruar dhe i kanë vënë flakën mjetit me të cilin udhëtonin punonjësit e medias.

Grupi i punonjësve të televizionit, ishte atje, në mes të ditës, në mes të fshatit dhe me një makinë me logo të dukshme të televizionit, për të ndjekur dhe pasqyruar operacionin e Policisë së Shtetit kundër mbjelljes, trafikut të drogës dhe personave me precedentë penalë në këtë zonë.

Partia Socialiste, përshëndet dhe falënderon të gjithë ata banorë të fshatit Lazarat që u distancuan nga kjo ngjarje e rëndë, duke shkëputur nga thonjtë e kriminelëve punonjësit e televizionit A1 Report duke garantuar paprekshmërinë e jetës së tyre dhe shenjtërinë e profesionit të gazetarit,” tha Peza.

Situata e tensioniuar në Lazarat ka prekur edhe grupin e xhirimit të A1 Report, të cilët janë qëlluar me breshëri automatiku nga trafikantë të maskuar dhe të armatosur rëndë.  Mësohet se grupi i xhirimit dhe gazetarët e A1 Report kanë braktisur menjëherë makinën dhe janë të gjithe mirë. Por makina dhe pajisjet teknike janë shkatërruar.

Grupi i televizionit të A1 Report është nxjerrë nga makina dhe janë mbajtur peng për rreth 15 minuta nga trafikantët të cilët kanë qenë të maskuar.

Sipas gazetarit të A1 Report Gerti Xhaja, i cili raportoi pas sulmit, siguroi se të gjithë janë mirë ndërsa shtoi se persona të maskuar kanë qëlluar me breshëri automatiku në drejtim të tyre edhe pse makina ishte me logon e medias së A1 Report.

Rama: Pse nuk flet PD për aksionin në Lazarat dhe me kë është ajo?

14:45 Kronika

Trafiku i drogës nga Shqipëria/ Policia greke patrullon kufirin me mjete nga ajri

10:07 Kronika

Vrasja e Tixhes/ Policia heton për masakrën e vitit 1997, ku u vranë 6 të rinj

09:57 Kronika

Ministria e Financave çon në Prokurori dosjen për abuzimet me projektet e BE-së

19:23 Kronika

Arrestohet grupi i trafikimit të veprave të artit

11:33 Kronika

Kapen 500 kg lëndë narkotike, arratiset drejtuesi i mjetit

11:39 Kronika

Urdhri: Avionët e vegjël do fluturojnë 5 km larg aerodromeve ushtarake

10:05 Kronika

Vrasja e komisar Skurës, burg përjetë për Fitim Allën

16:24 Kronika

Memorandum bashkëpunimi mes hipotekës dhe noterisë/ Naço: Më shumë shërbime për qytetarët

14:07 Kronika

Trafiku i drogës/ Felaj paraqet në Kuvend raportin: Provat të administrohen nga Prokuroria

20:01 Kronika