Nënshkruhet kontrata me BEI për financimin e Bypass-it të Vlorës

Qeveria shqiptare nënshkroi kontratën me Bankën Europiane të Investimeve, që siguron financimin për Bypass-in e Vlorës, një nyje lidhëse në korridorin Veri-Jug dhe ndër segment rrugore më të rëndësishëm për Vlorën, që përmes një rruge panoramike bën devijimin e lëvizjes nga qyteti përgjatë vijës bregdetare. Kontrata financiare me vlerë 18 milionë Euro u nënshkrua në Sallën e hartave në kryeministri, nga ministri i Financave Shkëlqim Cani dhe zv.Presidenti i BEI, Dario Scannapieco. Në një ceremoni ku ishte i pranishëm Kryeministri Edi Rama dhe Ministrat e Transportit Edmond Haxhinasto,  Ekonomisë Arben Ahmetaj dhe i Energjetikës Damian Gjiknuri. Kontrata me BEI-n është pjesë e bashkëfinancimit të projektit, sëbashku me  BERZH-in dhe BE-në përmes fondeve IPA, me vlerë totale financimi prej 53 milionë Euro. Projekti i Bypass-it synon të rrisë sigurinë e lëvizjes dhe të lehtësojë qarkullimin drejt bregut, veçanërisht në muajt e verës, kur numri i automjeteve shumëfishohet, duke e orientuar trafikun jashtë qytetit të Vlorës.   Ministri i Financave Shkëlqim Cani dhe zv.Presidenti i BEI Scannapieco dhanë detaje të projektit dhe të kontratës.

 “Nënshkrimi i Marrëveshjes së financimit të Bypass-it të Vlorës është një besueshmëri tjetër në seriozitetin e projekteve publike të qeverisë shqiptare dhe në përpjekjet e saj për modernizimin e infrastrukturës kombëtare dhe integrimin rajonal. Bashkëpunimi me Bankën Europiane për Investime është një partneritet tashmë i konsoliduar dhe i padiskutueshëm në rrugën tonë drejt integrimit europian. Projekti i ndërtimit të Bypass-it të Vlorës është një ndër projektet prioritare të qeverisë, në përputhje me Strategjinë Kombëtare për Zhvillim dhe Integrim. Objektivi i tij është rritja e shpejtësisë në lëvizje, çlirimi i trafikut, është rritja e komoditeti dhe e sigurisë në rrugë dhe në lëvizje, si dhe përmirësim i situatës ambientale në qytetin e Vlorës. Realizimi i këtij projekti si nyje lidhëse në korridorin veri-jug është tepër i rëndësishëm për zhvillimin e Shqipërisë jugore, zhvillimin industrial, për turizmin dhe me impakt në bujqësi, për transportin e prodhimeve bujqësore. Fizibiliteti ekonomik i këtij projekti është i lartë në të gjithë skenarët e ekzaminuar. Kosto totale e parashikuar e projektit është afërsisht 53 milionë euro, pa përfshirë TVSH-në, studimin e fizibilitetit apo studimin e detajuar, si dhe supervizionin. Përveç Bankës Europiane për Investime bashkëfinancues janë edhe BERZH-i, gjithashtu është edhe BE me fonde falas nga IPA 2011, si edhe qeveria shqiptare. Termat e financimit të kredisë së ofruar nga Banka Europiane për Investim janë; Shuma është 18 milionë euro; koha e maturimit është 25 vjet, duke përfshirë edhe 6 vite pa pagesë principali; norma e interesit është e tregut, në momentin e disbursimit.  Projekti parashikohet të përfundojë në mars të vitit 2017″.

Zëvendëspresidenti i BEI:

“Një kontratë që do të kontribuojë më tej, për zhvillimin e infrastrukturës rrugore dhe një kontratë që do ta çlirojë qytetin e Vlorës nga trafiku i rëndë, në veçanti në muajt e verës. Zoti ministër, ju na keni shpjeguar se çfarë është projekti, pra, që kemi të bëjmë me 29 kilometra rrugë të reja, të cilat në fakt do të japin një akses më të lehtë dhe më të sigurt në rrugën bregdetare të Jugut të Shqipërisë. Po ashtu, këto rrugë do ta kalojnë trafikun larg qytetit apo qendrës së Vlorës.

Por, përveç këtij projekti, më lejoni t’ju them se ndjehemi shumë të kënaqur, pas takimit që patëm përpara pak minutash, në të cilin ne vendosëm që të gjitha këto projekte, të cilat ne financojmë dhe kemi biseduar, t’i vëmë në një kuadër të qëndrueshëm. Dhe, po ashtu, në mënyrë që të fuqizojmë më tej bashkëpunimin mes Bankës Europiane të Investimeve dhe Qeverisë shqiptare. Ne besojmë se është thelbësore që ne të vazhdojmë të mbështesim rritjen ekonomike të Shqipërisë, në mënyrë që të njihet akoma më tej roli i saj jo vetëm në pjesën detare të Adriatikut dhe Jonit, por në të gjithë rajonin në përgjithësi dhe që vendi juaj të jetë epiqendra e këtyre projekteve që do të ndodhin në të gjithë rajonin.

Ky është një moment i rëndësishëm për të luftuar papunësisë, por edhe për të restauruar rritjen ekonomike. Në këtë moment, ne besojmë që duhet vazhduar që të punohet përsa i përket konkurrueshmërisë, por edhe investimeve jo vetëm në rajon, por natyrisht edhe në Shqipëri.

BEI natyrisht që është një bankë, por përveç kësaj është edhe një institucion i Bashkimit Europian,  i cili është themeluar me Traktatin e Romës. Dhe kur na pyesin se çfarë është tamam BEI, është një bankë zhvillimore, unë them nuk është vetëm aq, është më shumë sesa aq, është një bankë që promovon integrimin. Unë mendoj se pikërisht kjo fjalë, fjala integrim është fjala duhur për Shqipërinë, në mënyrë që Shqipëria të përfshihet e të ketë rolin e saj shumë të rëndësishëm në këtë rajon makroekonomik”.

Anulohet luksi i Berishës/ Qeveria: Nuk e duam helikoperin VIP, duam dy helikopterë për emergjenca

11:44 Ekonomia

Qeveria miraton dietat ditore për ushtarakët në misionet në Afganistan, Bosnje e Kosovë

19:39 Ekonomia

Posta Shqiptare do legalizojë dokumentet e studentëve shqiptarë në Ambasadën Italiane

18:12 Ekonomia

Çmimi i trojeve për legalizim/ALUIZNI dërgon vendimin për miratim në Qeveri

17:22 Ekonomia

P/ligji për karburantet/Gjiknuri: Synohet përmbushja e standardeve

16:58 Ekonomia

Kuvendi 15 rekomandime për AMF/ Kujdes me tregun e sigurimeve

16:23 Ekonomia

Skanimi i kontenierëve/ Autoriteti i Konkurencës i rekomandon Qeverisë të rishohë kontratën konçensionare

13:08 Ekonomia

Cani prezanton Kodin e ri Doganor në Kuvend/Procedura më të thjeshta për bizneset

12:17 Ekonomia

Meta përuron dy biznese të reja: Agroturizmi, potencial të jashtëzakonshëm për zhvillimin e vendit

14:14 Ekonomia

Veliaj: Nga korriku pensionet rriten me 2 %

18:00 Ekonomia