Te fundit
Meta përuron dy biznese të reja: Agroturizmi, potencial të jashtëzakonshëm për zhvillimin e vendit
17 Qershor 2014, 14:14Ekonomia
TEMA
Kryetari i Kuvendit Ilir Meta mori pjesë në përurimin e dy bizneseve të reja që hapen në qytetin e Durrësit. Të pranishëm në këto aktivitete ishin Ambasadori izraelit në Tiranë, David Cohen dhe ministri i Mjedisit, Lefter Koka.
Fillimisht, Meta inauguroi repartin e përpunimit të çantave të kartonit në kompaninë “Buna”, investim i biznesmenit Artur Bujari. Vlera e investimit në këtë repart arrin në gati gjysmë milionë euro, duke bërë të mundur hapjen e 60 vendeve të reja pune. Sipas planit të biznesit pritet të hapen në total 350 vende të reja pune. Kjo iniciativë ndihmon edhe në mbrojtjen e mjedisit, duke përdorur materiale të riciklueshme.
Më tej, Kryetari i Kuvendit ishte i pranishëm edhe në përurimin e fermës së agroturizmit në Rrashbull, që do të realizohet nga i njëjti investitor. Bëhet fjalë për një investim prej 4.5 milionë eurosh që do të hapë fillimisht rreth 40 vende të reja pune. Ferma është ndërtuar sipas modeleve izraelite, që janë të famshëm në botë për agroturizmin. Në shenjë simbolike, Meta vuri tullën e parë të kompleksit multifunksional që pritet të jetë gati brenda tre viteve si edhe mbolli një fidan ulliri.
Kryetari i Kuvendit deklaroi se agroturizmi ka një potencial të jashtëzakonshëm për zhvillim në vendin tonë dhe se është një mundësi e mirë për punësimin dhe për zhvillimin e produkteve bio.
“Unë dua të uroj z. Bujari për këtë investim dhe të falënderoj ambasadorit izraelit për idenë që ju ka dhënë dhe për eksperiencën në këtë fushë. Agroturizmi ka një potencial të jashtëzakonshëm për zhvillim në vendin tonë”, tha Meta
Ai theksoi se “është një mundësi shumë e mirë për punësim, për zhvillimin e produkteve 100 për qind bio, ku ne mund të jemi tepër konkurrues si edhe është tërheqës për turistët vendas dhe të huaj, por edhe për punësimin. Mezi presim që të kalojnë tre vite, jo thjesht për ta inauguruar këtë kompleks, por për të pushuar për një fundjavë”.
Ndërsa, Ambasadori i Izraelit në Tiranë, David Cohen ka përgëzuar investitorin vendas për idenë si edhe ka premtuar mbështetje në zhvillimin e agroturizmit.
9 komente në “Meta përuron dy biznese të reja: Agroturizmi, potencial të jashtëzakonshëm për zhvillimin e vendit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
E ku je shoku Ilir ku je
Te lumte b….
“Te pa breke ju gjeti dreka
milioner ju zuri darka”
Po me behet qejfi shume edhe per David Cohen qe duhet ta dije ku shkon
me shume vende pune per njerezit hallall
rrofte partia dhe pastaj thoni qe spo happen vene pune
Ky po mundohet me rregullu biografine.
Me siguri ky Meta Ilir do te jete pjestar ne keto 2 biznese(si ne shume te tjera te ketij lloji)…….
Likja e ka ne terezi,do rrije te merret me Lazaratin ai!
Like krylopa kerkon me ngulm rehabilitimin.
Po nuk e kupton qe gelltit nje luge corbe te prishur, e vjell tere jeten…
Sa bukur i kombinon ngjyrat !
Duket qe ka shije te holle.
deri tani Likja ka hap me shume vende pune se Rama, kush eshte kryeminister shtrohet pyetja ….