Te fundit
Panairi i Kulinarisë dhe Artizanatit në Pogradec/ Veliaj: Nga shoqëri e lëmoshës, jemi kthyer në shoqëri të punës
21 Qershor 2014, 20:12Sociale
TEMA
“Nuk mund të jemi një shoqëri që nxit lëmoshën, por një shoqëri që nxit punën”, deklaroi të shtunën ministri i Mirëqenies Sociale dhe Rinisë, Erion Veliaj, në Panairin e Kulinarisë dhe Artizanatit, i mbajtur në qytetin e Pogradecit.
Duke vënë në dukje se në 6 muajt e fundit numri i familjeve që trajtohen me ndihmë ekonomike ka rënë nga 106 në 86, edhe për faktin se shumë prej tyre janë punësuar nga zyrat e reja të punës.
“Teksa përgatisim reformën e pensioneve, kemi 32 mijë njerëz më shumë të siguruar nga ç’kishim 6 muaj më parë. Prandaj, më vjen mirë që jemi një shoqëri që i kemi kthyer sytë nga puna dhe më pak nga lëmosha”, tha Veliaj.
Sipas tij, Pogradeci është kthyer në një destinacion turistik si për të huajt, ashtu edhe për vendasit, por megjithatë shqiptarët duhet t’i kthejnë më shumë sytë nga vendet e bukura të Shqipërisë sepse kështu ndihmojmë edhe ekonominë tonë.
“Nëse ka diçka që mund të bëjmë për ekonominë tonë është të nxisim sa më shumë njerëz që t’i kalojnë pushimet e tyre në Shqipëri sepse nuk ka ndihmë më të madhe për ekonominë e vendit se sa kjo. Vetëm duke konsumuar dhe shpenzuar sa më shumë para për ekonominë tonë, ne mund të krijojmë një të mirë të madhe ekonomike. Kjo do ta ndihmonte shumë biznesin vendas, restorantet, hotelet, sipërmarrjet familjare apo kompanitë që prodhojnë ushqime e mallra të ndryshme”, tha ai.
Ministri Veliaj vlerësoi fqinjësinë e mirë mes bashkive të Pogradecit dhe Ohrit, e cila kulmoi edhe me inaugurimin e linjës së tragetit mes dy qyteteve.
“Koha kur Shqipëria mendonte se ishte një ishull pa lidhje me të tjerët ka kaluar. Teksa javës tjetër presim vendimin për statusin e vendit kandidat, është shumë e rëndësishme të integrohemi si fillim brenda rajonit”, tha ai.
Veliaj shtoi se Shqipëria e ka ruajtur reputacionin e saj si një pikë stabiliteti në rajon, por edhe si bashkëpunëtore ideale e vendeve fqinje, duke u shndërruar në një fqinj të mirë që përveçse kujdeset për shtëpinë e vet, është shumë e hapur të bashkëpunojë edhe me shtëpinë e tjetrit.
7 komente në “Panairi i Kulinarisë dhe Artizanatit në Pogradec/ Veliaj: Nga shoqëri e lëmoshës, jemi kthyer në shoqëri të punës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Lej Feni i qeverise po na mbush mendjen se ndrroi me shkopin magjik situaten e punesimit ne shqiperi.
Sa mirre! Sa mirre! Sa mirre! Rrrrrofte Kina!
lej feni i plakes tate
Numeri i te punesuarve duhet te jete shume me i madhe,32 mije jane pak,ka dhe shume te tjere qe punojne,por qe nuk paguajne detyrimet ne shtet,duke mos deklaruar te punesuar.
Keta te punesuar kane ekzistuar dhe ne qeverine Berisha,por tatimoret i “vilnin” per llogarit e tyre personale.
Erjon Veliaj apo Viladin Qyrku nuk eshte gje tjeter pervecse nje person grotesk, qe cuditem sesi kryeministri Rama e mban kaq afer kur ka dhjetera socialiste te tjere te shquar qe jane lene ne hije.
Ti Nuri po pike nuri ben mire te shohesh goten gjysem plot,do te te beje me me shume nur.
Hiqni dore nga keto fjalet e medha te huaja. A nuk do te ishte me mire te shkruanit “I miregatimit” ne vend te kesaj kulinarise. Na mbytet me italianizma te panevojshme. Pedonale per shetitore ose kembesore, Lungomare etj etj. Nuk tregon kulture, por injorance. Dhe nuk behesh me europian duke mohuar veten.