Qeveria shqiptare arrin marrëveshjen me CEZ. Marrëveshja parashikon 95 milionë euro për cekët (VIDEO)

Qeveria shqiptare zgjidh përmes negociatave konfliktin e krijuar me kompaninë çeke të energjisë CEZ, pas vendimit të marrë nga Qeveria Berisha për heqjen e liçencës së kësaj kompanie nën pretendimin se nuk ka respektuar detyrimet.

Marrëveshja mes Qeverisë Rama dhe kompnisë CEZ u arrit falë negociatave me ndërmjetësimin e zv.Drejtorit të Sekretarit të Komunitetit të Energjisë në Vjenë Dirk Buschle. Në këtë mënyrë palët kanë arritur një kompromis për zgjidhjen e çështjes pa qenë e nevojshme për të shkuar në Gjykatën e Arbitrazhit, që mund të çonte në një penalizim të rëndë të palës shqiptare.

Tre ministra, ai i Energjetikës Damian Gjiknuri, i Financave Shkëlqim Cani dhe i Ekonomisë Arben Ahmetaj në një deklaratë për mediat bënë publike 3 pikat e marrëveshjes së arritur mbrëmë që zgjidh me kompromis konfliktin me kompaninë CEZ.

Tre pikat e marrëveshjes janë:
1.Transferimin e menjëhershëm të aksioneve në favor të shtetit shqiptar 76 % që zotëroheshin nga CEZ duke i dhënë shtetit shqiptar pronësi të plotë të shoqërisë.

2. Pala ceke heq dorë nga kërkimi i vlerës prej 103 milionë euro të paguar për blerjen e aksioneve në vitin 2009 si dhe nga çdo pretendim tjetër financiar që lidhet me vlerën e blerjes dhe investimeve fillestare.

3. Shoqëria e re e shpërndarjes e energjisë, pra shoqëria e re që merr aksionet nga pala çeke e kontrolluar tashmë nga shteti merr përsipër t’i paguajë palës çeke një vlerë prej 87.1 milionë euro. Kjo vlerë u dakortësua të paguhet me këste deri në vitin 2018 me një vlerë të përgjithshme interesi 7.9 milionë euro mbi principalin e dakortësuar. Ky principal përfaqëson kreditë e mara dhe shumat e faturuara dhe të kërkueshme në çdo kohë nga CEZ s.a.

Marrëveshja parashikon se palët heqin dorë nga çdo pretendim i mëtejshëm financiar. Pala çeke tërhiqet nga procesi  arbitrazhit të hapur në maj të vitit 2013 sipas rregullave te Uncitral mbështetur në traktatin e kartës të energjisë. Kjo marrëveshje e dakordësuar duhet të miratohet nga  Këshilli i Ministrave më pas edhe nga Parlamenti. Marrëveshja e dakortësuar do të aprovohet nga Këshilli i Ministrave të Republikës së Shqipërisë dhe më pas do të miratohet nga Kuvendi i Shqipërisë.

Ministri Gjiknuri tha se kjo zgjidhje përfundimtare i hap rrugën investimeve prej 200 milionë dollarë
“Duhet të nënvizoj faktin se zgjidhja përfundimtare e konfliktit me CEZ jo vetëm që qartëson statusin juridkik të shoqërisë, por përfundimisht hap rrugë për investime në sektorin e shpërndarjes, i lënë në kolaps për shkak të keqmenaxhimit dhe mungesës së investimeve. Janë të paktën 200 milionë dollarë që pritet të investohen menjëherë nga të cilat 150 milion i takon Bankës Botërore, të cilat do të aktivizohen menjëherë këtë vit. Tejzgjatja e konfliktit ligjor dhe pasiguria juridike e sektorit të shpërndarjes e bënte të pamundur investimin e këtyre parave”.

Për Gjiknurin kjo zgjidhje ishte më e mira si sa i takon kostos financiare nëse çështja do të shkonte në procesin gjyqësor të arbitrazhit por edhe do të përmirësojë imazhin e Shqipërisë

“Depozitimi nga pala shqiptare i padisë së saj dhe vazhdimi i procesit gjyqësor të arbitrazhit do të kërkonte të paktën 4-6 vjet kohë, kostoja mbrojtjes ligjore do të shkonte në miliona euro”, shtoi ai.

Sipas tij, fakti se pala shqiptare që në fillimin e konfklikteve u soll si pronare madje duke futur dhe trupën policore në ambientet e kompanisë, heqja e liçences dhe imponimi i detyruar i administrimit përkeqësoi dukshëm pozitën e vendit tonë në këtë cështje dhe kjo i krijoi avantazh cekëve të ngrinin padi të parët dhe të bënin arbitrazh.

“Pikërisht duke vlerësuar rreziqet mbi të cilat përballeshin financat publike, organizmat ndërkombëtare duke përfshire BB inkurajuan zgjidhjen sa më të shpejtë të konfliktit me CEZ a.s përmes bisedimeve dhe marrëveshjes me mirëkuptim. Shprehim bindjen se kjo zgjidhje përmirëson dukshëm edhe imazhin e Shqipërisë dhe sigurinë juridike të investimeve të huaja në Shqipëri”, tha Gjiknuri.

Ndërsa, ministri i Financave Shkëlqim Cani bëri të ditur se së bashku me interesin e shlyerjes së detyrimit brenda 4 vitesh shuma që do i paguhet është 95 milionë euro.

“87.1 milionë dollarë do të shlyhen gjatë periudhës 2014-2018 dhe interesi i mbartur për këtë shlyerje me këste në 4 vite është 7.9 mln euro, të gjitha këto së bashku bëjnë 95 milionë euro që do të shlyhen vit pas viti nga kompania CEZ dhe jo nga buxheti i shtetit”, tha ai.

25% e maturantëve ngelin në matematikë/ Shamku: Ky është niveli real, i mbuluar për vite të tëra

20:47 Sociale

Janullatos akuzon Fevziun për shpifje dhe fyerje: Je shtrembërues i së vërtetës

14:59 Sociale

FOTO LAJM/ Më në fund roje bregdetare për pushuesit

20:07 Sociale

Janullatos: Kisha vazhdon të persekutohet, por në mënyrë të moderuar

17:49 Sociale

Studimi/ Dallimet mes pagave të grave dhe burrave në Shqipëri janë shumë të larta

14:48 Sociale

Panairi i Kulinarisë dhe Artizanatit në Pogradec/ Veliaj: Nga shoqëri e lëmoshës, jemi kthyer në shoqëri të punës

20:12 Sociale

Zgjedhjet në PD/ Basha: T'i vëmë fre depresionit të Ramës, vota për më të mirët (VIDEO)

14:06 Sociale

Gjykata/ Arrest shtëpie për Florenc Hoxha, liron Zyhdi Dajtin (VIDEO)

12:47 Sociale

Beqaj: Prioritet zgjerimi i shërbimeve në spitalet publike

12:37 Sociale

Lazarat/Të shtënat me armë, aborton gruaja në muajin e tetë

10:36 Sociale