Bushati paraqet prioritetet e politikës së Jashtme: Aleanca me SHBA e BE, e pakthyeshme

Ministri i Jashtëm Ditmir Bushati deklaroi se në themelin e politikës sonë të jashtme qëndron aleanca e pakthyeshme me Shtetet e Bashkuara të Amerikës dhe Bashkimin Europian. Në fjalën e tij, në çelje të punimeve 3 ditore të konferencës “Demokracia në veprim” që nisi në Tiranë, Bushati vuri theksin në bashkëpunimin rajonal, duke u shprehur se diplomacia shqiptare duhet të jetë më aktive në pellgun e Adriatikut dhe Jonit.

 “Shqipëria është e Mesdheut po aq sa është e Ballkanit. Dua të theskoj faktin se të jetosh në një botë ku gjeografia respektohet e nuk injorohet, do të thotë të kuptosh kufinjtë dhe horizontet që përcaktojnë vendimmarrjet politike”, u shpreh Bushati.

Në vijim ai shtoi se “procesi i integrimit europian të Ballkanit Perëndimor i ka dhënë rajonit tonë gjithmonë e më tepër sensin e një të ardhme të përbashkët, ç’ka ka nxitur për rrjedhojë frymën e bashkëpunimit dhe fqinjësisë së mirë”.

Në këtë kuadër ai përmendi formën e marrëveshjes mes Kosovës e Serbisë që synon normalizimin e marrëdhënieve në rrugën e vështirë e të gjatë drejt pajtimit. Por, theksoi ai, nuk duhet harruar se sfidat me të cilat është përballur e përballet Ballkani Perëndimor, janë edhe më të vështira.

Duke iu drejtuar të pranishmëve, Bushati tha se “të jesh diplomat nuk është zanat, por është një mënyrë jetese në kushtet e një shërbimi diplomatik kur diplomati shqiptar duhet të përballet me sfisda pa pasur mbështetje. Sherbimi i jashtëm bazohet te meritokracia duke shmangur praktikat klientelsite të sa kaluarës, është e vetmja rrugë për tu ndarë nga praktikat e vjetra.”

Bushati theksoi se jemi larg ribashkimit të Kontinentit. Bushati deklaroi se sfidat e Ballkanit Perëndimor janë më të vështira se ato të zgjerimit të Bashkimit Europian.

“Sfidat që përballet Ballkani Perëndimor janë edhe më të vështira se ato të valëve të zgjerimit të BE. Duhet ta pranojmë që rrtimet e anëtarësimit janë ngadalësuar, nga samiti i Selanikut, vetëm Kroacia është sot anëtare e BE. Rajoni jonë pavarësisht se na pëlqen ta quajmë rajon ende nuk është i tillë. Akset që na lidhin me BE mungojnë. Mungojnë shkëmbimet tregtare, kulturore, njerëzore. Me pak fjalë jemi ende larg ribashkimit te kontinentit, dhe pikërisht lipset që ai vision strategjik i rikthuimit në Europë të vazhdojë të na udhëheqë edhe ne si vend aspirant por edhe BE. Ndryshimet kanë qenë të jashtëzakonshme sidomos në rajonin tonë ku projekti i zgjerimit që është në ADN e BE po vazhdon. Procesi i Integrimit Europian për Ballkanin Perëndimor që mori hov në samitin e Selanikut në 2003 i ka dhënë rajonit tonë sensit e një të ardhme të përbashkët çka ka nxitur frymën e fqinjësisë së mirë. Historia e zgjerimit është një histori suksesi e cila dëshmon angazhimin e vendeve aspirante për një transformim europianizues që mundëson të ashtuquajturën rikthimin në Europë. E tillë është edhe marrëveshja Kosovë –Serbi që synon normalizimin e marrëdhënieve.”, theksoi kreu i diplomacisë shqiptare.

Referuar roli të shërbimit të jashtëm, Bushati tha se ai është më dinamik se më parë.

“Në këtë botë globale më forma të reja komunikimi ngushtojnë distancat në proceset e vendimmarrjes, kjo krijon nevojën e ridimensionimit të punës së jashtme. Diplomacia energjitike, publike, kulturore, ekonomike, parlamentare janë shëmbull që tregojnë jo vetëm zgjerimin e fushës së diplomacisë, por edhe numrin e madh të aktorëve që janë përfshirë. Më shumë se kurrë kemi nevojë për diplomat dhe të hartojnë analiza që mundësojnë një vendimmarrje mbi premise të shëndosha”, u shpreh ai.

Në vijim, Bushati u ndal në krizën e Ukrainës, duke u shprehur se kjo krizë jo vetëm vuri në pikëpyetje efikasitetin e arkitekturës së sigurisë europiane, por nxori në pah nevojën që NATO të ritheksojë angazhimin e saj strategjik për mbrojtjen kolektive të territoreve aleate .

“Në këtë kontekst, Shqirëia mbështet pa hezitim politikën e dyerve të hapura dhe rëndësinë e procesit të bashkëpunimit të ristrukturuar të NATO-s me të gjtha vendet e rajonit, në mënyrë që të eleminohen boshllëqet e sigurisë”, deklaroi ai.

Përsa i takon Kosovës, ministri i Jashtëm theksoi se Shqipëria do të vazhdojë përpjekjet dhe aksionin e saj rajonal e ndërkombëtar për të arritur kushtet e konsensusin e anëtarësimit të Kosovës në nismat rajonale.

 “Marrëdhënet e Shqipërisë me Kosovën kanë karakter specifik dhe bashkëpunimi me Kosovën është strategjik për ne, stabilizues për rajonin dhe orientues për të ardhmen tonë të përbashkët euroatlantike”, deklaroi Bushati.

Duke u ndalur në reformën e ndërmarrë në shërbimin e jashtëm, Bushati tha se ajo synon profesionalizmin e shërbimit të jashtëm si dhe racionalizimin e përfaqësimit në përshtatje me prioritet e politikës sonë të jashtme. Shërbimi diplomatik i jashtëm, vijoi ai, duhet të bazohet tek meritokracie dhe jo tek klientelizmi. Duhet, theksoi ai, të shkëputemi njëherë e mirë nga praktikat e së kaluarës.

 “Diplomacia merr kuptim vetëm nëse shërbimi i jashtëm bazohet tek meritokracie, duke shmangur praktikat klienteliste të së kaluarë”, tha Bushati.

FOTO LAJM/ Një festë ditëlindje me një tortë me flamurin shqiptar dhe amerikan

18:25 Politika

Ashtu siç pritej, Nishani kthen prapa ligjin për FA: Cenohen kompetencat e presidentit

16:42 Politika

Basha: Rama-Meta kanë blerë pushtetin

16:04 Politika

Mesazhi/ Barroso-Nishanit: Punoni për arritjen e konsensusit sa më të gjerë

14:44 Politika

Lëvizjet në administratë/PD: BE të dërgojë një ekip monitorues në Shqipëri

13:27 Politika

Reforma Territoriale/Rauning: E nevojshme, politika të bashkohet

13:24 Politika

Legalizimet/ Lame: 45 mijë dosje nga Qeveria Berisha me probleme, do të ribëhen. Jo pagesa shtesë nga qytetarët

13:10 Politika

Vjedhin regjistrat/ Parulla në murin e shkollës: Na kaloni, t'ua kthejmë

12:23 Politika

“Që kur Marku u arrestua, gjithçka është si në një film me mafiozë”

10:53 Politika

238- vjetori i Pavarësisë së SHBA/ Nishani i shkruan Obamës: Përkrah jush në përballimin e sfidave

10:42 Politika