Kërkohet urgjent formimi i qeverisë, xhandarmëria serbe po vret kosovarët

Familjarët e dy banorëve të komunës së Podujevës, që janë kapur nga forcat serbe në vendin e quajtur Matrovë në kufirin me Serbinë, ende nuk kanë marrë asnjë përgjigje se ku ndodhen të afërmit e tyre, nëse ata janë gjallë, po trajtohen me mjekim apo janë të vdekur.

Safet Zeqiri, vëllai i Naim Zeqirit nga Llausha e Podujevës, i cili është në duar të shtetit serb, i plagosur, ka thënë për “Zërin” se nuk kanë asnjë informacion për fatin e familjarit të tyre.

Ai tha se askush nga qeveria e Kosovës nuk është interesuar t’i dalë zot shtetasit të vet.

Madje, ai tha se institucionet e Kosovës kanë fyer këtë familje, pasi sipas tij policia ka bastisur këtë familje duke kërkuar armë.

Zeqiri tha se si familje me zor arrijnë të sigurojnë bukën e gojës e më të posedojnë armë.

“Nuk gjetën armë, se nuk kemi”, thotë ai i revoltuar.

Ndërkaq, Behxhet Shala nga KMDLNJ ka thënë se në mungesë të qeverisë funksionale, Policia e Kosovës, Ministria e Punëve të Brendshme si dhe Ministria e Punëve të Jashtme duhet të kontaktojnë me palën serbe dhe me Kryqin e Kuq Ndërkombëtar që të interesohen për fatin e shtetasve të Kosovës.

Ndërkaq, Naim Rashiti analist i Grupit të Ballkanit për Politika ka thënë se vendi është pa udhëheqje.

“Kryeministri jashtë vendit, presidentja në rrugë, dhe Parlamenti jo funksional. Është urgjente të formohet një qeveri”, thotë Rashiti, në mënyrë që qeveria t’iu dalë në krah shtetasve të vet.

Ai thotë se fakti që nuk pati asnjë reagim institucional pas arrestimit të dy banorëve të Podujevës në kufi më Serbinë, tregon se vendi është pa udhëheqje./ZERI

Kroacia refuzon të lobojë për Serbinë në BE, ndihmon Kosovën

10:52 Rajoni

Ky është serbi i vrarë në kufirin Serbi-Kosovë. Vritet edhe një shqiptar

17:10 Rajoni

Serbia alarmohet nga “Brigada Ballkanike” e xhihadistëve

14:45 Rajoni

Konferenca për Ballkanin/ Steinmeier: Do të vlerësohet progresi i deritanishëm në rajon

12:05 Rajoni

Shqiptarët bllokojnë rrugët, nuk duan kthimin e serbëve në Mushtisht

12:04 Rajoni

Konferenca e Ballkanit/ Rama: Vlerësim nga çdo palë për dokumentin e paraqitur nga Shqipëria

11:17 Rajoni

Vuçiç, kryeministri më i varfër në Ballkan/ Gjukanoviç, më i pasuri

10:31 Rajoni

VIDEO/ Sherri me grushta mes deputetëve shqiptarë nisi për furnizimin me ujë

19:27 Rajoni

Pasanikë që drejtojnë ndërmarrjet publike/ A funksionon diçka e tillë?

19:11 Rajoni

“Ngrohen” raportet Shqipëri-Serbi

15:15 Rajoni