Alban Bushi: Portugalia ka shumë cilësi, por ne luajmë me zemër

Fillimi i mbarë është gjysma e punës.

Me këtë ide në kokë përfaqësuesja shqiptare e futbollit udhëton për transfertën luzitane ndaj Portugalisë.

Djemtë kuqezi, së bashku me trajnerin Xhani De Biazi po përgatisin sfidën e parë të eleminatoreve të Europianit France 2016 larg Shqipërisë, në La Korunja të Spanjës.

Në kushte optimale për të përgatitur një sfidë kaq të rëndësishme, ekipi i përgjigjet në mënyrë perfekte trajnerit italian, gjë që konfirmohet në një intervistë telefonike për Sport News nga menaxheri i ekipit kombëtar, Alban Bushi:

“Gjendja e ekipit është e mirë. Në seancat e zhvilluara deri tani ekipi ka treguar formë të mirë fizike, me futbollsitët që kërkojnë të japin maksimumin”.

Pikërisht konkurrenca e madhe ka karakterizuar ekipin në seancat e fundit stërvitore, një element që sipas Bushit pritet të ndihmojë shumë trajnerin, për të përzgjedhur 11 më të mirët për sfidën ndaj Portugalisë:

“Në ekip ka shumë konkurrencë dhe kjo është diçka e mirë që i shërben shumë trajnerit për të përzgjedhur formacionin ideal.

Gjithashtu, lojtarët janë ndjekur në ekipet e tyre ku luajnë, teksa këto ditë janë angazhuar së tepërmi”.

Tek Portugalia do të mungojë Kristiano Ronaldo, “Topi i Artë” dhe njëkohësisht futbollisti më i mirë europian.

Kjo mungesë, por edhe ajo e shumë futbollistëve të tjerë të Portugalisë që ishin pjesë e ekipit në Botërorin e Brazilit, mund të jetë një avantazh për kuqezinjtë, edhe pse menaxheri i përfaqësueses sonë, Alban Bushi, nuk e mendon kështu:

“Portugalia nuk varet nga Ronaldo, pasi ka ekzistuar edhe pa të.

Nëse Portugalia do të luante me Danimarkën, atëherë do të ishte një disavantazh për ta, por jo në këtë sfidë ndaj nesh.

Ata kanë shumë futbollistë me cilësi, teksa ne kemi zemrën, por edhe futbollistë që luajnë në kampionate të forta. Shanset janë njësoj për ne si me Ronaldon, ashtu dhe pa Ronaldon”.

Objektivi i Shqipërisë për këtë 90 minutësh, por edhe për sfidat e tjera është i qartë, evitimi i humbjes.

Kjo është ajo që bën të ditur Alban Bushi, që shpreson se me impenjim maksimal mund të arrihet tek rezutlatet pozitive:

“Objektivi për këtë sezon është që nuk duhet të humbasim asnjë ndeshje dhe pastaj të shohim ku do arrijmë.

Kemi bërë shumë përpara, kemi qenë pranë kualifikimit por ndërkohë edhe ekipet e tjera që janë më lart se ne kanë bërë përpara me hapa gjigant.

Duhet të japim 200%, pasi vetëm kështu mund ti bëjmë ballë kundërshtarëve tanë”.

Evolucioni “De Biazi”, ja projekti i kombëtares kuqezi…

15:00 Sport

Trajneri i Serbisë: Shqipërinë nuk e llogarisim, del e fundit në grup

15:36 Sport

Shvajni, zyrtarisht kapiteni i ri i Gjermanisë

15:13 Sport

Myler: Futbolli? Thikë me dy presa

15:05 Sport

Portugalia nis aventurën anti- Shqipëri

15:02 Sport

Merkato milionash në Kategorinë Superiore

14:58 Sport

Godet Junaited, ble Falkaon për 65 milion euro

14:57 Sport

Partizani nuk ndalet në merkato, merr edhe Endri Vrapin

14:51 Sport

Erjon Braçe, kundër tifozëve bardheblu: Rrugaçë në fushë! Rrugaçë nëpër tribuna!

14:48 Sport

De Biazi: Objektivi ynë, të shkojmë në Euro 2016

16:50 Sport