Te fundit
Myler: Futbolli? Thikë me dy presa
2 Shtator 2014, 15:05Sport
TEMA
Sulmuesi i Bajern Mynih, Tomas Myler mendon se futbolli është si një “thikë me dy presa”, ku një performancë e dobët apo një dëmtim mund të të kushtojë karrierën.
Lojtari i përfaqësueses gjermane gjatë viteve të fundit ka qenë një futbollist kyç te bavarezët si dhe te Kombëtarja e pancerave, teksa me paraqitjet e tij ka ndihmuar këto dy skuadra të fitojnë jashtëzakonisht shumë, raporton Sport News.
Por, edhe pse momentalisht është një lider në ekipet ku ai luan, Myler ka frikë se në vetëm pak çaste gjithçka mund të kthehet në një fund horror:
“Bota e futbollit i ngjan shumë një thike me dy presa.
Vetëm ata që shfaqin gjatë gjithë kohës rendimentin e tyre maksimal mund të mbijetojnë.
Nëse ti pëson një dëmtim në mometin që rikthehesh gjen në skuadër një tjetër lojtar që ta ka marrë vendin”.
Në vijim të intervistës, Myler theksoi se nuk është e lehtë të vazhdosh të luash në nivel të lartë dhe të qëndrosh i motivuar, nëse gjatë viteve të fundit ke arritur të fitosh shumë trofe, si në nivel klubeshm ashtu edhe në atë të kombëtareve:
“Vetëkënaqësia është një rrezik i madh në futboll.
Kur ke fituar gjithçka, ngelen shumë pak ndeshje si me Bajernin, ashtu edhe me Gjermaninë, gjatë të cilave t’i mund të jesh i motivuar për të dhënë më të mirën tënde.
Tifozët gjatë gjithë kohës dëshirojnë fitore dhe fitore bindëse madje, por për një skuadër që në vitet e fundit ka triumfuar në shumë kompeticione, kjo është diçka shumë e vështirë për t’u arritur.
Gjithsesi, dëshira ime është të vazhdoj të bëj mirë për Bajernin dhe Gjermaninë, pasi dua ta mbyll karrierën time në nivel të lartë”.
Lini një Përgjigje
Më të lexuarat
24 oret e fundit
Javen e fundit
Blog Tema
