Poroshenko urdhëron forcat të ndalin operacionet/ NATO miraton krijimin e një force të ndërhyrjes së shpejtë

Presidenti i Ukrainës, Petro Poroshenko, urdhëroi forcat e tij të armatosura të ndalin operacionet ushtarake kundër separatistëve pro-rusë në lindje të vendit.

Në një deklaratë të publikuar në faqen e tij elektronike, zoti Poroshenko tha se urdhëroi ndërprerjen e zjarrit duke filluar nga ora 6 pasdite sipas kohës lokale.

Njoftimi vjen pasi përfaqësues të Ukrainës, separatistëve, Rusisë dhe OSBE-së, që u takuan sot në Minsk të Bjellorusisë nënshkruan prokotollin e armëpushimit.

Agjencia e lajmeve të Ukrainës Interfax citoi burime pranë bisedimeve të kenë thënë se armëpushimi përmban 14 pika që mbulojnë të gjitha aspektet e kontrollit, shkëmbimit të të burgosurve dhe çështje të tjera.

Marrëveshja e armëpushimit erdhi ndërkohë që u njoftua për luftime të ashpra në lindje të Ukrainës. Dëshmitarët thane sot se dëgjuan shpërthime dhe të shtëna armësh në qytetin strategjik të Mariupolit ku luftimet vazhdojnë që nga dita e djeshme. Ka patur gjithashtu luftime të ashpra përreth aeroportit të Donetskut.

Ndërkohë në ditën e dytë të takimit të tyre, udhëheqësit e NATO-s miratuan krijimin e një force të ndërhyrjes së shpejtë, e aftë të reagojë me shpejtësi ndaj kërcënimeve që mund t’u vijnë vendeve anëtare të aleancës kudo në botë.

Ndërsa ministrat e mbrojtjes të 28 vendeve të aleancës u mblodhën për takimin e tyre në Uells, kryeministri britanik David Cameron parashtroi nevojën për krijimin e një force të ndërhyrjes së shpejtë në një botë me rreziqe të shtuara.

“Sot ndeshemi me rreziqe të reja dhe të ndryshme. Në Lindje, Rusia po prish rregullat e lojës, me aneksimin e Krimesë dhe me dërgimin e trupave në shtetin sovran të Ukrainës. Në Jug, një hark rreziqesh shtrihen nga Afrika e Veriut në Lindjen e Mesme. Mbrëmë, ne diskutuam për rreziqet që paraqet Shteti Islamik në Irak dhe Siri. Mesazhi ynë është i qartë: ne jemi të bashkuar në dënimin e këtyre akteve barbare. Terroristët duhet ta kenë të qartë se kërcënimet e tyre do të na bëjnë më të vendosur për të mbrojtur vlerat tona dhe për t’i mposhtuar ata”.

Zoti Cameron bëri thirrje për krijimin e një force shumëkombëshe, të aftë për t’u dislokuar kudo në botë me shpejtësi, brenda dy deri pesë ditësh.

Nga ana e tij Sekretari i Përgjithshëm i NATO-s, Anders Fogh Rasmussen u tha gazetarëve se aleanca ka rënë dakort për planin e gadishmërisë që do të forcojë mbrojtjen e përbashkët të NATO-s.

“Në këto kohë të turbullta, NATO duhet të jetë e përgatitur për të kryer një sërë misionesh dhe të mbrojë vendet aleate nga një gamë e gjerë kërcënimesh. Ne kemi marrë masa të menjëhershme për të forcuar mbrojtjen”.

Zoti Rasmussen vuri në dukje se NATO e ka tashmë një forcë shumëkombëshe reagimi, dhe ajo për të cilën u ra dakort sot, shtoi ai, është rritja e gadishmërisë së kësaj force, për të qënë e aftë të dislokohet me shpejtësi.

Sekretari i Përgjithshëm i NATO-s shtoi se vendet anëtare të aleancës ranë dakort të mbajnë një prani të vazhdueshme në tokë, në det dhe në ajër, në rajonet lindore të aleancës.

Tjetër goditje! SHBA konfirmon se ka vrarë liderin e grupimit islamik Al- Shabab

18:43 Bota

SHBA-Britani: Koalicion për shkatërrimin e shtetit islamik

17:20 Bota

Samiti/NATO masa për mbrojtjen kolektive

16:28 Bota

SHBA bombaron dhe vret ndihmësin e kalifit të ISIS, thotë NBC

19:03 Bota

Kriza në Ukrainë/ Franca nuk do i dërgojë anijet ushtarake Rusisë

18:33 Bota

Ukraina korrigjon deklaratën: Kemi rënë dakord me Rusinë për nisjen e një procesi armëpushimi

12:27 Bota

Militantët islamikë në Afganistan: Mund të bashkohemi me Shtetin Islamik

18:17 Bota

Momentet kryesore të tensionit NATO-Rusi që nga mbarimi i Luftës së Ftohtë

18:02 Bota

“Lufta e madhe sapo ka nisur” (kurse Putin thotë se e merr Kievin për dy javë)

14:05 Bota 1 koment

"Larja e mëkateve" ndaj hebrenjëve Sefardikë, Spanjës i kushton 30 ml euro

11:58 Bota