Jahjaga: Kosova në fazë kritike, krijoni institucionet!

Presidentja e Kosovës Atifete Jahjaga pas takimeve me udhëheqësit e partive politike ka thënë se vendi ka hyrë në një fazë kritike dhe se moskrijimi i institucioneve pengon funksionimin e shtetit.

Zyra e Presidentes ka lëshuar këtë deklaratë pas takimeve.

Presidentja e Republikës së Kosovës, zonja Atifete Jahjaga, ka vazhduar sot takimet me liderët e partive politike parlamentare në kuadër të procesit të lehtësimit të diskutimeve për krijimin e institucioneve të Kosovës.

Presidentja Jahjaga takoi fillimisht kryetarin e LDK-së, zotëri Isa Mustafa, dhe më pastaj edhe kryetarin e PDK-së, zotëri Hashim Thaçi, kryetarin e AAK-së, zotëri Ramush Haradinaj, kryetarin e Lëvizjes Vetëvendosje, zotëri Albin Kurti dhe kryetarin e NISMA-s, zotëri Fatmir Limaj.

Presidentja Jahjaga në takimet e veçanta me liderët politikë theksoi se Kosova ka hyrë në një fazë kritike të saj dhe moskrijimi i shpejtë i institucioneve do ta vështirësojë jetën e qytetarëve dhe do ta pengojë funksionimin e përgjithshëm të shtetit. Ajo tha se është nevojë imediate krijimi i institucioneve të vendit për të përmbushur obligimet që ka shteti fillimisht ndaj qytetarëve dhe obligimet ndërkombëtare që ka marrë.

Presidentja Jahjaga theksoi se shtyrja e zgjidhjes do të vështirësojë funksionimin e institucioneve të vendit si dhe do ta çojë vendin drejt një krize financiare dhe buxhetore.

Ajo kërkoi nga liderët politikë që të tregojnë maturi politike në këto çaste, të veprojnë në përputhje me kuadrin kushtetues si dhe të ofrojnë zgjidhjet që do të çojnë drejt ndërtimit të institucioneve të qëndrueshme dhe avancimit të proceseve demokratike.

Albin Kurti tallet me presidenten: Sot nuk më pyeti si e kam vajzën

17:07 Rajoni

Kerry: Kosova, partner i rëndësishëm në luftën kundër terrorizmit

17:07 Rajoni

Blerës të apartamenteve në Vlorë, 90% shqiptarë të Kosovës e Maqedonisë

15:13 Rajoni

Lufta e “krundeve” e Devollit me Ramën e Metën për 8 milion € në vit nga eksporti në Shqipëri!

14:37 Rajoni

Diplomati rus: Serbia të marrë veriun, Kosova Luginën

10:38 Rajoni

Rexhep Qosja kundërshton arrestimet për terrorizëm në Kosovë: Deklaratat e tyre, njësoj si të Maks Velos

09:53 Rajoni

Asad: Opozita siriane është trajnuar në Kosovë, ka mësuar taktikat partizane të luftës

21:12 Rajoni

14 vjet më vonë - Serbia në pikën zero

19:29 Rajoni

LDK dhe AAK refuzojnë marrëveshje me PDK-në për daljen nga kriza

17:43 Rajoni

Më 1 nëntor Jahjaga viziton Beogradin?

13:02 Rajoni