Te fundit
Kerry: Kosova, partner i rëndësishëm në luftën kundër terrorizmit
7 Tetor 2014, 17:07Rajoni
TEMA
Ministri i Punëve të Jashtme i Kosovës, Enver Hoxhaj, ka marrë një letër nga Sekretari amerikan i Shtetit i SHBA-ve, John F. Kerry, në të cilën Sekretari Kerry e falenderon Ministrin Hoxhaj për shprehjen e solidaritetit dhe mbështetjes me rastin e përkujtimit të viktimave të sulmeve terroriste në Shtetet e Bashkuara, më 11 shtator 2001.
Në letër, Sekretari Kerry shpreh mirënjohje për kontributin e Kosovës si një partner i rëndësishëm në luftën kundër terrorizmit.
Sekretari Kerry thekson se “trembëdhjetë vjetori i sulmeve, na përkujton se lufta jonë e përbashkët për t’i dhënë fund terrorizmit mbetet një prioritet i ngutshëm”, dhe se kjo dëshmohet nga kërcënimi shumë real që Shteti Islamik i Irakut dhe Levantit ( ISIL) përbën për të gjithë komunitetin ndërkombëtar.
“Presidenti Obama dhe unë për këtë arsye kemi bërë thirrje për një koalicion global për ta degraduar dhe përfundimisht shkatërruar ISIL-in përmes një strategjie gjithëpërfshirëse dhe të qëndrueshme kundër terrorizmit. Ne e mirëpresim kontributin e Kosovës në këtë përpjekje duke përfshirë arrestimin e luftëtarëve të huaj dhe përkrahësve të tyre dhe luftimin e ekstremizmit të dhunshëm”, shkruan Sekretari Kerry, duke shprehur besimin në vazhdimin e përpjekjeve të përbashkëta për të adresuar sfidat rajonale dhe globale me të cilat përballen bashkërisht dy shtetet tona.
4 komente në “Kerry: Kosova, partner i rëndësishëm në luftën kundër terrorizmit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
kjo ishte per assadin, nje ne xhep
Kosova partner kryesor, por jo kundra ISSIS, POR KRAH PER KRAH ME TA.
@Jasmine, Mr. Karry e di mire se kosovaret 98% jan ne anen e Amerikes oj lope kosi!
I ke perqindjet gabim shoku, faktet flasin ndryshe.
Ti ke vene syze e shikon vetem ato shifra qe do te shikosh.