Te fundit
3 operacione antidrogë/ Në Kakavije kapen 10.4 kg heroinë, ndalohet trafikanti grek
17 Tetor 2014, 09:13Kronika
TEMA
Policia Kufitare zbulon 2 tentativa të trafikimit të marijuanës, ndërsa në Vlorë është goditur një grup i trafikimit të marijuanës.
Në Kakavije, shërbimet policore gjatë kontrollit të mjeteve në vijën e dytë në dalje për në Greqi, në një mjet tip Benz fuoristradë me targa XNP 7021, që drejtohej nga shtetasi grek Charilaos Kontekakis 48-vjeç nga Kreta, zbuluan drogë dhe armë.
Në pjesën mbështjellëse të sediljeve të pasme, u gjetën 8 pako me Heroinë me peshë 10.4 kg, 13 pako me marijuanë me peshë 6.8 kg si edhe një armë automatik dhe 17 fishekë.
Drejtuesi i mjetit është shoqëruar në policinë e Gjirokastrës dhe po merret në pyetje për të zbuluar fijet e trafikut ndërkombëtar të drogës.
Në portin e Durrësit është kapur në tjetër mjet me 20 pako lëndë narkotike. Një prej personave të ndaluar është Artur Nano, 50 vjeç.
Në Vlorë u kap një tjetër sasi droge. 30 thasë me marijuanë u sekuestruan në kuadër të operacionit “Treblova”.
Lënda narkotike e kapur ka një peshë prej 111 kilogramë.
Policia e Vlorës bëri të mundur identifikimin e 4 poseduesve të lëndës narkotike, dhe kapjen e njërit prej tyre, Bedri Llanaj, 50 vjeç.
1 komente në “3 operacione antidrogë/ Në Kakavije kapen 10.4 kg heroinë, ndalohet trafikanti grek”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kunati i tourkofagos me siguri….(!!!)