Te fundit
Ministria e Jashtme: Serbia të ndalë aktet kriminale kundër shqiptarëve që jetojnë atje
17 Tetor 2014, 14:16Politika
TEMA
Ministria e Jashtme e Shqipërisë ka reaguar përmes një deklarate mbi aktet e dhunës të ndërmarra ndaj bizneseve shqiptare në disa rajone në Serbi.
“MPJ me shqetësim dhe indinjatë dënon sulmet e shumta që janë ndërmarrë këto ditë pas ndeshjes Serbi-Shqipëri kundër jetës, pronës dhe sipërmarrjes së shqiptarëve që jetojnë në Serbi.
Aktet vandale kundër shqiptareve në Sombor, Stara Pazova, Novi Sad dhe rajone të tjera janë vazhdim dhe shprehje e një fushate të qëllimshme antishqiptare.
MPJ i drejtohet autoriteteve zyrtare të Serbisë që të marrin masa të menjëhershme për ndalimin e akteve të tilla kriminale kundër shqiptarëve në Serbi dhe garantimin e qetësisë dhe sigurisë së jetës, sipërmarrjes dhe pronave të tyre. Vënia para përgjegjësisë e autorëve të akteve të tilla të dënueshme është kërkesë e gatishmërisë dhe vullnetit real për bashkëpunim mes dy shteteve.
Akte të tilla dhe përshkallëzimi i mëtejshëm i situatës i shërbejnë vetëm nxitjes së urrejtjes dhe vështirësojnë kthimin në normalitet të situatës”, theksohet në deklaratë.
4 komente në “Ministria e Jashtme: Serbia të ndalë aktet kriminale kundër shqiptarëve që jetojnë atje”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Aktet e dhunës ndaj shqiptarëve në Sërbi, u morrën vesh nga media sërbe dhe u dënuan nga Qeveria Sërbe…! Po për aktet e dhunës në Dervician, ku ishte media dhe Qeveria Shqiptare…???!!!
Pse nuk shkon te besh nje consert bamiresie ne Dervican! Sa te shohin bycen tende do qetesohen njerezit atje.
Si eshte puna e Derviçanit,ç’ka ndodhur ?
Ne dervican do tu heqim alkolin nga lokalet qe te moa behen tape edhe tu mesojne shqip shqiptareve atje qe e kane harruar.