Florian Raunig: Duhet të ndryshojmë mentalitetin që e pranon dhunën ndaj grave dhe fëmijëve

Kryetari i Prezencës së OSBE-së, Ambasadori Florian Raunig, në bashkëpunim me bashkinë e Elbasanit dhe me Policinë e Shtetit kanë çelur siparin e fushatës kundër dhunës në familje.

Gjatë fjalës së tij Raunig tha se duhet të dryshojmë mentalitetin që e pranon dhunën ndaj grave dhe fëmijëve.

“Kjo fushatë është një zgjerim i punës ndërgjegjësuese që kemi bërë gjatë muajve të fundit me studentë nga e gjithë Shqipëria. Ajo përfshin nxënës dhe punonjës policie, si dhe parlamentarë, organizata jofitimprurëse, punonjës socialë dhe të fushës së shëndetësisë, në një sërë veprimtarish që synojnë të rrisin ndërgjegjësimin e qytetarëve rreth dhunës në familje – çfarë është dhuna, kush mund të ndihmojë dhe çfarë duhet bërë nëse ata apo një i njohur apo e njohur e tyre bien viktimë e dhunës.
Gratë janë viktimat kryesore, por jo të vetmet. Edhe fëmijët dhe burrat mund të jenë objekte të dhunës në familje” , ka thënë Raunig.

Raunig bëri me dije se sipas sondazhit të INSTAT-it të zhvilluar në vitin 2013, afërsisht 60% e grave shqiptare të pyetura në këtë sondazh kanë qenë në një moment të jetës së tyre viktimë e dhunës në familjedhe vetëm 8% e këtyre grave kishin kërkuar ndihmë.

Sipas përfaqësuesit të OSBE , synimi i kësaj nisme është që të parandalohet dhuna në familje dhe të rritet numri i grave që njoftojnë për rastet kur dhunohen.

“Shqipëria e ka një kuadër ligjor për të asistuar viktimat, për t’i mbrojtur ato, duke i ndihmuar në të njëjtën kohë që të rindërtojnë nga e para jetët e tyre. Ekzistojnë një sërë strukturash dhe autoritetesh që mund t’i ndihmojnë ata që preken nga dhuna në familje. Disa prej tyre si Ministria e Mirëqenies Sociale dhe Rinisë, Ministria e Punëve të Brendshme dhe Policia e Shtetit, janë këtu me ne sot. Ashtu si Prezenca e OSBE-së, ato janë të gjitha të angazhuara për ta parandaluar dhe për t’i dhënë fund dhunës në familje. Megjithatë, është e rëndësishme të theksohet fakti se dhuna në familje nuk mund të adresohet vetëm përmes mjeteve ligjore” , ka përfunduar fjalën e tij Raunig.

Arrestohet 41 vjecari, tentoi të trafikonte 15 kg kanabis drejt Italisë

12:07 Kronika

Arrestohet 25 vjeçari, tentoi të korruptonte një efektiv policie

10:28 Kronika

Siguria rrugore, ndryshon Kodi Rrugor/ Personat që kanë varësi nga alkooli nuk do pajisen me patentë

12:55 Kronika

Bilanci/ Policia: Në 1 vit ulëm numrin e vrasjeve e aksidentet, rezultate spektakolare kundër drogës

10:27 Kronika

AKKP padit 9 persona në Vlorë për tjetërsim pronash/ Dokumentat ishin “firmosur” edhe të dielën

19:04 Kronika

ILDKP: Masa administrative dhe kallëzim penal për tete zyrtarë

16:01 Kronika

Media greke: Lazarati i nxori Derviçanit inatin e Serbisë, 45 minuta terror minoritetit

16:56 Kronika

Aksidentohen 5 minorenë, 14-vjeçari humb drejtimin e mjetit

14:24 Kronika

Prokuroria con për gjykim dosjen ndaj gjeneralit Syrja Gjoka

13:39 Kronika

Arrestohen 2 vëllezër për vjedhje të objekteve të kultit

11:13 Kronika