Panariti: Nuk do të lejohen monopolet në industrinë e miellit

Nuk do të ketë më monopole në industrinë e miellit.

Kjo u bë publike nga ministri i Bujqësisë Edmond Panariti në një deklaratë për mediat, ku gjithashtu theksoi se në bashkëpunim me institucionet e tjera po punohet për të përcaktuar të gjitha llojet e brumrave përsa i takon cilësisë jo vetëm për produktet që importohen nga Kosova, por edhe nga ato nga vende të tjera, përfshi këtu edhe vendet e BE.

Panariti bëri të ditur se po punohet për hartimin e një pakete integrale, e cila do të përcaktojë qartë dhe kategorizojë kriteret për brumrat dhe përdorimin e tyre.

Në këtë kuadër, ministri i Bujqësisë theksoi se se ndarja e llojit të brumrave do të bëhet sipas cilësisë dhe proteinave.

“Kjo ishte e nevojshme për arsyen e vetme, pasi ne caktuam një standard prej 12.5 për qind. Ndërtuam barrierën e parë dhe me urdhrin e dytë disiplinuam përcaktimin në bazë të proteinave. Kishte indicie se nga prodhues të bukës nuk përdorej miell i cilësisë së lartë dhe kjo na vuri në lëvizje.  

Analiza e proteinave është një analizë standarde, e bërë sipas një metode unike. i kam kërkuar AKU që të kemi një metodë unike për të përcaktuar proteinat. Të një rëndësie të veçantë janë dhe përcaktimi i elementeve të tjera.

Në BE ka lloje të ndryshme mielli që nuk përdoren detyrimisht për prodhimin e bukës, por për produkte të tjera”, tha Panariti.

Ministri i Bujqësisë u shpreh se bizneset duhet të operojnë sipas standardeve.

“Nuk ka asnjë tërheqje pozicioni nga ana ime, standardi i bukës do ketë atë që meriton. Ne do të lejojmë që mielli me përqindje të ulët cilësie mos të përdoret për përdorim buke, por do shkojë tek destinacioni i duhur.

Ne patëm një diskutim të hapur dhe konstruktiv, të bazuar në aktet dhe ligjet e BE. Duam që çdo gjë të rregullohet dhe në marrëdhënie me të tretët. Nuk duam të krijojmë situata monopol. Duam që mielli të shkojë në destinacion.

Shqipëria nuk importon vetëm miell nga Kosova, pasi merr dhe nga vendet e tjetra. Është kthyer në mit sikur ne duam të ‘sulmojmë’ çështjet tregtare me Kosovën, por për ccdo produkt që është brenda standardeve nuk do të ketë asnjë pengesë”, tha Panariti /gj.k/

Vjedhja e energjisë/ Rama: 5 ditë kohë për kë s’do të dënohet me burg

10:54 Ekonomia

Seleksionohen kandidatet për Bankën e Shqipërisë

20:04 Ekonomia

Haxhinasto: Gjermania ka investuar rreth 900 milionë euro në fusha të ndryshme në Shqipëri

18:55 Ekonomia

Industria e përpunimit të miellit mbyll aktivitetin: Na shkatërroi vendimi i Ministrisë së Bujqësisë

18:41 Ekonomia

Veliaj: Ekonomia e suksesshme bazohet në një popullsi të arsimuar në shumë fusha

15:13 Ekonomia

Ahmetaj: Mbështetje partneritetit publik-privat

14:57 Ekonomia

Shqipëria, 108 milionë euro importe nga Serbia

10:38 Ekonomia

INSTAT për Turizmin/ Rritet numri i ardhjes së shtetasve të huaj me 24.9%

13:22 Ekonomia

Rritja e çmimit të cigareve, debate mes Braçes dhe Canit

13:14 Ekonomia

Lëndët djegëse/ Cani: Të hiqen lehtësitë për biokarburantet

11:33 Ekonomia