Te fundit
INSTAT për Turizmin/ Rritet numri i ardhjes së shtetasve të huaj me 24.9%
20 Tetor 2014, 13:22Ekonomia
TEMA
Turizmi gjithvjetor në vendin tonë tashmë është bërë një realitet shifror.
Hyrjet e shtetasve të huaj në Shqipëri, sipas INSTAT-it, në tremujorin e dytë 2014 janë rritur 24,9% krahasuar me të njëjtën periudhë të vitit 2013, ndërsa daljet e shtetasve shqiptarë për të njëjtën periudhë janë rritur 3,6%.
Numri i vizitorëve të huaj që kanë hyrë për pushime dhe vizita ditore në këtë tremujor rezulton 229,632 ndërsa në të njëjtin tremujor të një viti më parë, ky numër është 184,480 vizitorë.
Në tremujorin e dytë 2014, hyrjet e vizitorëve të huaj, sipas mënyrës së udhëtimit në rrugë tokësore, zënë peshën më të madhe me 86,4%, ndërsa hyrjet në rrugë ajrore dhe detare zënë respektivisht 10,7 dhe 3,0%.
Vizitorët e huaj që hyjnë në Shqipëri për qëllime personale në tremujorin e dytë 2014 përbëjnë 98,4%. Këtu përfshihen vizitat për pushime, vizita te të afërm dhe miq, vizita shëndetësore, fetare etj.
Krahasuar me të njëjtën periudhë të 2013-s, numri i vizitorëve për qëllime personale është rritur 25,5%.
Vizitorët nga rajoni i Europës zënë 95.1% të shtetasve të huaj që vizitojnë Shqipërinë, ku numri i vizitorëve nga vendet Europës Jugore është rritur me 25,6% dhe nga vendet e Europës Perëndimore është rritur me 15,4% në këtë tremujor në krahasim me tremujorin e dytë 2013.
Për qëllime të statistikës së turizmit, termi “vizitor” nënkupton një person që udhëton në një vend të ndryshëm nga vendi ku ai banon, për një periudhë më pak se 12 muaj dhe qëllimi kryesor i këtij udhëtimi në vendin e vizituar nuk është ai i një veprimtarie fitimprurëse.
Referuar regjistrave të policisë kufitare, grupi i parë përmblidhet në kategorinë e qëllimeve “personale” dhe janë 802.516 vetë. Nga këta, për pushime kanë ardhur 196.813 persona, për vizita në miq dhe të afërm 9.056 vetë, ndërsa për vizita njëditore janë regjistruar 32.819 persona. Por ka edhe një nënkategori tjetër, ata që udhëtojnë për arsye të trajtimit shëndetësor, që janë 420 persona.
Kurse për arsye fetare kanë udhëtuar 826 persona. Numri më i madh është grupi i personave që kanë udhëtuar drejt Shqipërisë për arsye “të tjera”, që janë 507.849 vetë. Udhëtarë transit të regjistruar arrijnë në 54.733 persona. Në grupin e dytë janë ata që udhëtojnë për biznes, që janë 12.680 persona të regjistruar.
Të dhënat mbi hyrje-daljet e shtetasve shqiptarë dhe të huaj në pikat kufitare sigurohen nga policia kufitare. Në tremujorin e dytë 2014, numri i të huajve është rritur 24,9% krahasuar me të njëjtën periudhë të vitit 2013.
11 komente në “INSTAT për Turizmin/ Rritet numri i ardhjes së shtetasve të huaj me 24.9%”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Shqiperia. Sa me shum Turist me shum forcohet Shteti shqiptar ergo Forcim i Shqiptaris ergo me pak Shqiptar do behen Grek gjithashtu!!!:)
Normalisht rritet numri i shtetasve te huaj, sepse shqiptaret marrin shetesi te vendeve ku jetojne. Kur do te pushojne se nxjerri statistika tip Shvejku politikanet shqiptare???!!!
Foto arkivi keshtu ishte Dhermiu njehere e nje kohe ne vitet 80 ,,, shpresojme QE EDI ti heqi abuzivet
jo spaska ikur saliu nga pushteti!!!!
kjo eshte genjeshter cmenduri tallje me ata qe kane investuar ne turizem!!!!
2014 eshte viti me i keq per turizmin ne te pakten 5 vitet e fundit!!!!!!!!!!!!!!!!
ne kohen e berishes talleshit qe shqiptaret e trojeve etnike rregjistroheshin si turista, po tani po ju shijon perdorimi i tyre per te rregullura statistikat.
Po ne me pashaporte te huaj turist ne konsideroni!!!??
Hahahaha sa do pyesja te njejten gje.
Sipas perkufizimit te termit “Turist” nga OBT po plako turist je se punon andej dhe sjell te ardhura ketej per arsye VFR Visiting Friends and Relatives apo Leisure
Shumë shqiptarë me passaportë të huaj, hyjnë e dalin disa herë në javë në Shqipëri, për punë… Këta, pa tjetër shtojnë “turizmin” në Shqipëri…(???!!!) Sidomos kur jep “të dhëna” INSTAT, që është “mjeshtër” në statistika…
Un jam futur 3 her ne shqiperi me pashaport te huaj, dhe kush kalon ne kakavij ngjysma jan shqiptare me pashaporta greke, po ata sirianet qe vijn per te ikur ne itali qe kapen na policia dhe ata si turista si shtetas te huaj rregjistrohen.
Te me falni . Genjeshter me te madhe nuk kam degjuar.Kete vit kishte me pak turiste se sa para 10 vjeteve. Ju kujtoje se kam ne dore edhe gazetat e fundit te muajit Korrik. Ja çfare shkruajne gazetat per te djelen e fundit te Korrikut ne plazhin e Durresit:Ne plazhin e Durresit dje qe ishte e djela e fundit e korrikut, ne plazhe kish me shume tregetar Ambulante se pushuse.Fotot e para te disa gazetave jane me femije qe ecenin me GOMAR ne plazhe per te shitur fruta. Prandaj mos ja fusni kot se ky ka qene viti me i mbrapeshte per turiste.