Te fundit
Zëdhënësja e Mogherinit në qendër të polemikave, pasi është e martuar me një lobues të Gazprom-it
8 Nëntor 2014, 21:23Bota
TEMA
Zëdhënësja kryesore e shefes së re të politikës së jashtme të Bashkimit Evropian, Frederica Mogherini, është e martuar me partnerin e një kompanie për marrëdhënie publike në Bruksel, e cila lobon për gjigantin rus të gazit, Gazprom.
Zëdhënësja Catherine Ray është martuar me Thomas Barros-Tastets në Francë, më 19 tetor të vitit 2013. Barros-Tastets është partner në kompaninë G+, dega në Bruksel.
Biografia e tij online thotë se ai “ndihmon për të koordinuar pjesën evropiane të një konsorciumi të gjerë botëror, i cili këshillon një kompani të madhe ndërkombëtare të energjisë për komunikim dhe çështje publike”.
Edhe pse emri i “kompanisë së madhe ndërkombëtare të energjisë” nuk përmendet, Barros-Tastets përmendet shpesh në media si “këshilltar i Gazprom-it për çështjet publike evropiane”.
Në një njoftim nga gushti i vitit 2013 për emërimin e tij si partner në G+, thuhet se ai është “këshilltar në Gazprom për marrëveshjet me autoritetet evropiane të konkurrencës”.
Barros-Tastets është parë në shoqërinë e ministrit rus të Energjisë, Aleksandr Novak, më 29 tetor në Bruksel. Novak ka qenë atje për negociatat e gazit me zyrtarë të Bashkimit Evropian dhe Ukrainës.
Zëdhënësi i Komisionit Evropian, Margaritis Schinas, i cili ka marrë pjesë në procesin e verifikimit të zonjës Ray në pozitën e saj, i ka thënë Radios Evropa e Lirë në një përgjigje të shkruar se Ray e ka informuar BE-në për aktivitetet profesionale të bashkëshortit të saj, përfshirë edhe punën e tij në Gazprom.
“Ray ka ndjekur procedurën e etikës siç kërkohet nga Komisioni Evropian”, ka thënë Schinas.
Ai ka shtuar se Mogherini “ka qenë e përfshirë” në procesin e zgjedhjes së Rayt, porse nuk e ka emëruar atë.
Schinas ka thënë se Ray është e ngarkuar që të flasë për Afrikën, Amerikën Latine dhe vendet e Gjirit. Zëdhënësja tjetër, Maja Kocijançiq, flet për Mogherinin në lidhje me çështjet evropiane, përfshirë Rusinë.
“Ndaj, ne nuk besojmë se ka konflikt të mundshëm të interesit”, ka thënë Schinas.Ray i ka refuzuar kërkesat për të komentuar këtë çështje.
Ish-ministrja e Jashtme e Italisë, Frederica Mogherini, ka qenë një zgjedhje e diskutueshme për të zëvendësuar Catherine Ashtonin në postin e shefes së politikës së jashtme të BE-së. Kritikët e kanë parë atë si të papërvojë në politikë dhe të butë ndaj presidentit rus, Vladimir Putin.
“Kam qenë veçanërisht i shqetësuar me atë që duket të jetë dobësia e saj me Putinin. Ajo duket se e pëlqen Putinin dhe nuk e sheh botën nga perspektiva e vendeve të Bashkimit Evropian. Ajo i sheh gjërat nga këndvështrimi rus”, thotë Eduard Lucas, redaktor në gazetën “The Economist”.
Lucas dhe vëzhguesit e tjerë të BE-së kanë thënë se posti i politikës së jashtme duhet t’i jepej dikujt nga Evropa Qendrore, si Radek Sikorski, kryetari i Parlamentit të Polonisë, i cili në atë kohë ka qenë ministër i Jashtëm i këtij vendi.
Mogherini, 41 vjeçare, është një politikane relativisht e papërvojë, e cila është emëruar Ministre e Jashtme e Italisë në muajin shkurt, nga kryeministri Matteo Renzi. Vetëm pak muaj më vonë, Renzi ka lobuar fuqishëm dhe me sukses në BE që ajo ta zëvendësojë Ashtonin.
Renzi ka qenë i vetmi kryetar i një qeverie evropiane, i cili ka argumentuar kundër forcimit të sanksioneve ndaj Rusisë, për shkak të rolit të saj në Ukrainë, në samitin e BE-së në Bruksel, në muajin tetor.
Catherine Ray punon në fushën e komunikimit në Bashkimin Evropian që nga viti 2000./REL
5 komente në “Zëdhënësja e Mogherinit në qendër të polemikave, pasi është e martuar me një lobues të Gazprom-it”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mogherini njihet mire ne Itali si ” dashamirse ndaj Putanes se Kurvlinit “.
Gazpromi i eshte bere si gogol zyrtareve Evropiane.Kush ka lidhje me kompanite ruse po quhet i rrezikshem.
Keta hipokritet vijne e na japin leksione Kunder korrupsionit dhe nepotizmit.
Ncncncncncnc……………
Hahahaha! Zedhenesja e Mogherinit eshte martuar me nje person me “biografi te keqe”!!!! Cfare hipokrizie??!! Mos duhet te largojme nga pushteti edhe kancelaren Merkel qe tre vjet me pare, me 8 nentor 2011 ne Lubnin te Gjermanise, se bashku me Dimitri Medvedev firmosen marveshjen Gasprom- Nord Steam??!! Po per dhjetra e dhjetra firma te medhe europiane dhe mbi te gjitha gjermane e italiane qe financojne ne Rusi cfare duhet te themi, lobues te Putin?! Po per mijra milioner e miljardier ruse qe kane blere e po blejne pasuri te patundshme ne kryeqytetet, rivierat bregdetare dhe ne ishuj te shumte te Europes, mos duhet ti cilesojme si pushtues?!
Politika europiane vazhdon te ngelet e trullosur, e pafuqishme, por mbi te gjitha e trembur. Nuk eshte vetem politika e Putin per nje Rusi te madhe e te fuqishme qe po i tremb europianet. Kriza e rende qe goditi Perendimin qe nga viti 2008 i demtoj vendet europiane jo vetem ekonomikisht, por edhe politikisht. Partite e ekstremit te djathte ne Europe pesuan nje rritje te madhe dhe bashke me to edhe racizmi dhe ksenofobia. Problemi eshte se simpatizantet me te medhenj te politikes Putin, te miqesise e bashkepunimit me te nuk jane me partite komuniste europiane, tradicionalisht parti si-motra te bolshevikeve te BS-se, por partite e ekstremit te djathte. Pikerisht keto forca politike si FN e Marine Le Pen ne France, Lega Nord e Matteo Salvinit ne Itali, etj dhe deri ne qeveri si ajo ungareze e kryeministrit Viktor Orban cilesojne politiken liberale europiane si te deshtuar dhe kerkojne hapur nje rikthim te politikes hitlero-stalino-putuniste ne Europe duke cilesuar Putin si nje udheheqes te “botes se re”, ashtu si dikur Hitlerin!!!
Qe ne bote ka filluar Lufta e Ftohte, kjo nuk ka me dyshim, por pyetja eshte se a po shkojme ne nje Lufte III Boterore me pasoja me katastrofike se dy te parat? Kjo nuk do te vonoje ta kuptojme!