Tifozët kuqezinj kanë gati një befasi për Platininë në ndeshjen e sotme Francë-Shqipëri

Ndeshja ndërmjet Francës dhe Shqipërisë është miqësore, por për “Tifozat Kuq e Zi” ajo paraqet vlerë të madhe.

Grupi i tifozëve që përkrah kombëtaren shqiptare do të jetë prezent sot në Rennes të Francës, ku luhet ndeshja, ndërsa ka paralajmëruar befasi për kombëtaren shqiptare, por edhe për presidentin e UEFA-s, Michel Platini.

“Tifozat Kuq e Zi” janë të revoltuar lidhur me vendimin e UEFA-s lidhur me ndeshjen e ndërprerë ndërmjet Serbisë e Shqipërisë.

Shqipëria e humbi atë takim me rezultatin zyrtar 3:0 dhe ky vendim i UEFA-s preku ëndrrën e adhuruesve të Shqipërisë për kualifikim në evropianin e vitit 2016 që mbahet në Francë.

Për vendimin tifozët fajësojnë Platinin, që edhe para vendimit kishte lënë të kuptohet se e vlerëson Shqipërinë fajtore.

Prandaj, ndeshja me Francën, përveç për të përkrahur Shqipërinë, tifozëve do t’u shërbejë edhe për të protestuar kundër Platinit, shkruan Koha Ditore.

“Fati deshi që menjëherë pas asaj poshtërsie që ndodhi në Beograd dhe vendimit të diktuar nga Platini, kalendari na vë përballë Francën. Ku ka më mirë sesa t’u tregojmë bashkëqytetarëve të Platinisë se me cilin njeri kanë të bëjnë”, ka thënë të enjten për “Panorama Sport”, Artim Elmazi, përfaqësues i TKZ-së për Zvicrën.

Ai ka treguar se janë bërë të gjitha përgatitjet për të përkrahur kombëtaren, por edhe për t’i bërë befasi Platinit. Ka treguar se tifozët do të mblidhen në Rennes në orën 15:00 dhe do të ndajnë detyrat.

TKZ-ja, më të rëndësishme se ndeshjen e vlerëson mesazhin që do t’ia japë Platinit, por edhe Francës e Evropës.

“Platini na injoroi në Beograd duke mos na lejuar të përkrahim skuadrën tonë. Tani është radha jonë që t’i tregojmë anën tjetër të medaljes. Sigurisht përtej kësaj ne do të mbështesim skuadrën tonë me shpresën se edhe në këtë miqësore ne mund të marrim një rezultat pozitiv”, ka shtuar Elmazi./b.l

Shaqiri: Dua të luaj më shumë, në të kundërt do të largohem nga Bajerni

18:09 Sport

Familjarët e Schumacher shprehen optimistë për gjëndjen e ish-pilotit

16:51 Sport

FOTOT/ Ja si është katandisur “Selman Stërmasi”, kryeqyteti rrezikon të mbetet pa asnjë stadium

16:34 Sport

PSG-ja në ndjekje të Karlos Tevez

15:59 Sport

Pas Godellit, edhe Romela Begaj kampione bote në peshëngritje

12:06 Sport

INTERVISTA/ Igli Tare: Edhe një herë për dhunën dhe mikpritjen serbe

11:34 Sport

Rama kafe në Durrës me ekipin kombëtar të futbollit

11:08 Sport

Ronaldo: Nuk e kam ofenduar Mesin

17:15 Sport

De Biazi dhe Cana: Të shikojmë nga e ardhmja

16:35 Sport

Zvicra ndalon zyrtarisht “shqiponjën” për shqiptarët

16:04 Sport