De Biazi dhe Cana: Të shikojmë nga e ardhmja

Dy miqësoret e radhës kundër Francës dhe Italisë do t’i shërbejnë kombëtares kuqezi për të fituar sa më shumë eksperiencë.

Grupi i miksuar mes të rinjve dhe veteranëve kërkon konfirmim edhe në nivele të tilla, prandaj trajneri Xhani De BiaZi kërkon që skuadra të luajë e bashkuar për të fituar sa më shumë në këto dy sfida.

“Duhet të fitojmë sa më shumë eksperiencë pasi luajmë ndaj dy skuadrave të forta. Kur luan ndaj ekipeve të këtij niveli ka shumë rëndësi paraqitja. Do të kërkojmë të mos pësojmë gola dhe të shfaqemi në fushë siç kemi bërë ndeshjet e fundit. Kam disa mungesa të rëndësishme si Xhaka e Kaçe prandaj nuk kam marrë një vendim për formacionin”, tha ai.

Çështja Meha nuk krijon aspak konfuzion në radhët e kombëtares, sepse De Biazi e ka të qartë situatën e mesfushorit të Paderborn, i cili nuk është grumbulluar për këto dy përballje:

“Kur kanë kaluar 11 ndeshje nga kampionati gjerman, Meha nuk ka luajtur në 5 të parat, ndërsa në të gjashtën u aktivizua vetëm 12 minuta.

Kur e grumbullova për Danimarkën dhe Serbinë e kuptova që nuk ishte në kondicionin e duhur fizik.

Tani po luan në vazhdimësi dhe ka shënuar një gol por nuk besoj se është në gjendje të mirë me vetëm 150 minuta aktivizim.

Meqë këto janë dy miqësore mendova për të mirën e klubit, lojtarit dhe kombëtares, por dikush te Paderborn është ankuar. Gjithsesi ky është problemi i tyre”. 

Tekniku italian i kombëtares shqiptare e pranon se dy miqësoret e radhës duhet të ndihmojnë grupin të jetë më i konsoliduar, por në asnjë mënyrë djemtë e tij nuk duhet t’i konsiderojnë si sfida të parëndësishme:

“Në këto dy sfida nuk do të shkojmë për shëtitje. Ne do të kërkojmë të mos humbasim, madje po të na jepet mundësia do të kërkojmë edhe fitore”.

I të njëjtin mendim është edhe kapiteni Lorik Cana, i cili thekson se ndeshjet me kombëtaren nuk i konsideron asnjëherë si miqësore.

Ai zbulon edhe një detaj interesant të vitit 2006 edhe pse 3 vjet më parë kishte zgjedhur të përfaqësonte Shqipërinë:

“Të përfaqësoj Shqipërinë në Francë është një gjë e veçantë për mua. Në vitin 2006 Raymond Domenech më tha që nëse do të luaja për Francën, do të kisha shkuar në Botëror, por unë nuk jam penduar për zgjedhjen që kam bërë”.

Si kapiten në fushën e lojës, Cana drejton djemtë kuqezi, por karriera e tij një ditë do të përfundojë dhe ai shikon një kandidat në veçanti si pasardhësin e tij më të mundshëm:

“Do të luaj sa të kem mundësi fizikisht. Besoj se pas meje shiritin e kapitenit do ta marrë Mërgim Mavraj pasi ai është një lider në fushën e lojës”.

Në vijim, kapiteni sqaron momentet e vendimit për të mos dalë sërish në stadiumin e Beogradit pas dhunës së ushtruar në fushë:

“Bashkë me menaxherin dhe presidentin e FSHF vendosëm që ndeshja të mos vazhdonte për ne. Ajo që ka shkruar arbitri në raport është kontradiktore pasi ata na pyetën nëse ishim në gjendje të vazhdonim”.

Zvicra ndalon zyrtarisht “shqiponjën” për shqiptarët

16:04 Sport

Daniel Godelli shpallet kampion bote në peshëngritje

15:18 Sport

Januzaj kërkohet nga Moyes tek Real Sociedati

18:42 Sport

Ibrahimoviç: Pas futbollit është një jetë, që mbetet më e rëndësishme

16:53 Sport

Cana: Franca e Italia, teste të mira për kombëtaren

16:27 Sport

Serbi-Shqipëri, Apeli mblidhet më 2 dhjetor

15:40 Sport

Mediat italiane: Rezart Taçi kërkon Parmën

15:23 Sport

Kristiano Ronaldo fiton edhe dy trofe

17:20 Sport

Heinkes: Bajerni nuk ka rivalë këtë sezon

17:06 Sport

Ragip Xhaka e konfirmon: Milani interesohet për Taulant Xhakën

16:50 Sport