Nishani letër Kuvendit: Fondet e Presidencës janë pakësuar me 3.4 %, mund të dështojnë aktivitetet

Presidenti Bujar Nishani përmes një letre drejtuar Kryetarit të Kuvendit Ilir Meta, si dhe kryetarëve të grupeve parlamentare, shpreh shqetësimin në lidhje me pr/buxhetin e 2015 për Institucionin e Presidencës, i cili do të jetë 3.4 % më pak se ai i vitit 2014.

“Për vitin 2014, Institucionit të Presidentit të Republikës, megjithëse me ulje të theksuar krahasuar me dhjetë vitet e fundit, iu akorduan 183.2 milion lekë në total, ndërkohë që për vitin 2015 janë parashikuar 177 milion lekë,  me një diferencë negative prej rreth 3.4 % më pak. 

Po kështu për zërin shpenzime të tjera operative në buxhetin e vitit 2015 është parashikuar ulje e këtij zëri me 8.5% më pak”, thekson Nishani në letrën e tij.

Në vijim ai sqaron se “përgjatë vitit 2014 janë kryer dhe shpenzime të paparashikuara, siç ishte rasti i vizitës së Papa Françeskut në vendin tonë, ku kemi kërkuar në Ministrinë e Financës fonde shtesë për shpenzime të kryera dhe të faturuara, për të cilat jemi akoma në pritje”.

“Siç jeni në dijeni, për vetë natyrën specifike të Institucionit, për përmbushjen e funksioneve kushtetuese të Presidentit të Republikës si në veprimtarinë brenda vendit, ashtu edhe në arenën ndërkombëtare, dalin vazhdimisht aktivitete shumë të rëndësishme për t’u kryer.

Kështu, në kuadër të Presidencës Shqiptare të SEECP, në përmbyllje të Presidencës, në mes të vitit 2015, do të organizohet Samiti i Kryetarëve të Shteteve të këtij organizmi ku roli i Institucionit të Presidentit të Republikës në këtë organizim është primar, por që buxheti i planifikuar nuk e mundëson organizimin serioz shtetëror.

Gjithashtu, viti 2015 përkon me 25-vjetorin e rënies së komunizmit në vendin tonë, ku Institucioni i Presidentit të Republikës ka të parashikuar organizimin e ceremonive me pjesëmarrjen e personaliteteve të shquara ndërkombëtare dhe buxheti i alokuar për këtë vit nuk e bën të mundur realizimin e të tilla aktiviteteve.

Në pamundësi për t’u dëgjuar, edhe pse zyrtarisht kemi kërkuar të dëgjohemi nga Komisioni i cili mbulon veprimtarinë e institucioneve të pavarura, jam i detyruar t’ju paraqes disa problematika që implikojnë veprimtarinë e Institucionit të Presidentit të Republikës përgjatë vitit 2015, ndërkohë që projektbuxheti i vitit 2015 po diskutohet në seancë plenare.

Duke shpresuar në pranimin e shqetësimeve të sipërpërmendura, dhe reflektimin përkatës, kërkojmë të vendoset buxheti i Institucionit të Presidentit të Republikës në parametrat e funksionimit normal të këtij Institucioni dhe të përmbushjes së misionit kushtetues të Kreut të Shtetit Shqiptar”, thekson Nishani në letrën drejtuar Kryetarit të Kuvendit dhe kryetarëve të Grupeve Parlamentare të PS, PD e LSI. /gj.k/

Hamdi Haklaj: Si e kam njohur Berishën dhe vëllain e tij komunist në Tropojë (Pjesa e parë)

18:32 Politika

Rama distancohet nga portretet e Enverit dhe opozitarët: Të dy palët janë e shkuara e këtij vendi

17:48 Politika

Spekulimet/ Dr. Flori ishte në depresion për shkak të problemeve shëndetësore të të birit të sapolindur?

16:59 Politika

Berisha: Protesta e 22 nëntorit, përgjigja qytetare për shtetin policor të Ramës/ Buxheti parashikon mbylljen e shkollave dhe hapjen e burgjeve

15:36 Politika

Ruci: Pr/buxheti reflekton objektivat e programit të Qeverisë

15:26 Politika

Majko: Nuk do shëndoshet familja po të lënë duhanin. Falje kamatvonesave të energjisë. Rama: Nuk do bëjmë asnjë lëshim

15:09 Politika

Portretet e Enver Hoxhës/ Arvizu: Fyerje për shqiptarët

13:49 Politika

Sokol Olldashi shpallet "Qytetar Nderi" i Durrësit

13:26 Politika

Buxheti i 2015-s/ Rama: Synojmë rritjen ekonomike pa masa shtrënguese.Ulen ose zerohen 15 taksa

12:59 Politika

Veteranët me portretet e Hoxhës/ Policia ndërhyn t’i heqin, përgjigjen: “Tiranën e çliroi Enveri”

12:48 Politika