Rruga Tiranë-Elbasan, "Ekonomia" miraton ndryshimet në marrëveshjen

Komisioni parlamentar i Ekonomisë dhe Financave miraton ratifikimin e letër-marrëveshjes ndryshuese të marrëveshjes Istisn’a, ndërmjet Qeverisë shqiptare dhe Bankës Islamike për Zhvillim (IDB) për projektin e rrugës Tiranë-Elbasan.

Drejtore e Njësisë së Menaxhimit të Projektit Tiranë-Elbasan, Majlinda Gjonaj tha se projektligji synon ndryshimin e një aneksi të marrëveshjes së huasë për ndërtimin e rrugës Tiranë-Elbasan.

Në letrën amenduese të marrëveshjes bëhet fjalë për amendimin e njërit prej anekseve që lidhet me komponentët financiarë të saj.

“Ka pasur një shtim të donatorit që ka qenë OPEK, së bashku me IDB-në dhe Abu Dabin, ndërsa ndryshimi i komponentëve financiarë vjen pas tenderimit të objekteve”, sqaroi Gjonaj.

Gjonaj shpjegoi se ai është i kompozuar në tre kontrata: dy janë segmentë rrugorë dhe i treti është tuneli.

“Mbas tenderimit vlerat e projektit kanë rezultuar të ndryshme nga ato që ishin parashikuar nga ato në fazën e përgatitjes së marrëveshjes.

Për këtë arsye është bërë letër-amendimi me miratimin e Bankës Islamike, ndërkohë është marrë miratimi edhe nga Këshilli i Ministrave për të bërë ndryshimin i aneksit të marrëveshjes”, sqaroi drejtoresha e projektit, Gjonaj.

Duke u ndalur në zbatimin e projektit, Gjonaj tha se segmenti i parë i rrugës ishte vënë në funksionim ende pa përfunduar. Ndërsa shpjegoi se synohet që shumë shpejt të përfundojë ky segment.

Kryetari i Komisionit të Ekonomisë Erjon Braçe i theksoi se ka patur abuzime të konfirmuara në rrugën Durrës-Kukës.

Në kuadër të uljes së vlerës totale të projektit, nga financimi prej 100 milionë dollarësh që mendohej të sigurohej nga fondi i Abu Dhabit për zhvillim, u akordua vetëm vlera prej 50 milionë dollarësh.

Kontributi i qeverisë dhe kreditorëve të tjerë të mundshëm, që ishte parashikuar në vlerën prej 84.3 milionë dollarësh, nevojitet të rregullohet, duke reflektuar kredinë e akorduar nga fondi i OPEC-ut prej 20.4 milionë dollarë dhe kontributi i qeverisë, prej 7 milionë dollarësh. /gj.k/

Çmimi i energjisë, ERE vendos më 5 dhjetor

12:12 Ekonomia

Këshilli Mbikqyrës i BSH/ "Ekonomia" miraton propozimin për heqjen e kushtit të shtetësisë

11:32 Ekonomia

Fluturojnë çmimet e energjisë elektrike të importit

10:51 Ekonomia

Ministria e Energjisë: Ndryshimi i çmimit të blerjes së energjisë nga HEC-et private mbron konsumatorët

14:04 Ekonomia

Doganat kontroll 1250 pikave të karburantit, 130 prej tyre me shkelje

15:50 Ekonomia

INSTAT: Eksportet e mallrave në tetor, 22 miliardë lekë

13:23 Ekonomia

Pr/ligji për procedurat tatimore/ Cani: Lehtësi për biznesin. 2% e të ardhurave për investime e shpërblime

12:46 Ekonomia

Hyn në fuqi udhëzimi i Ministrisë së Financave/ Kontroll OJF-ve për pastrim parash dhe financim të terrorizmit

17:03 Ekonomia

Rama: Rritje çmimesh? Më rezulton se në një vit janë ulur çmimet e ushqimeve, ilaçeve dhe karburanteve

16:14 Ekonomia

Rritja e investimeve/ Gjiknuri: Duhet disiplinë financiare. Haxhinasto: Të promovojmë imazhin e vendit

13:04 Ekonomia