Procedura e re e zhdoganimit, malli nuk rri më në doganë por shkon direkt në magazinat e kompanisë

Për herë të parë Dogana shqiptare nisi aplikimin e procedurës së thjeshtuar të deklarimit, në kuadër të krijimit të lehtësirave për biznesin.

Procedura e re i siguron biznesit lehtësi operacionale, shpejtësi dhe përfitim monetar.

Në ambientet e një kompanie në Tiranë u bë sot aplikimi i parë i kësaj procedure, ku ishte i pranishëm kryeministri Edi Rama, ministri i Financave Cani, ministri Ahmetaj dhe drejtorja e Përgjithshme e Doganave, Elisa Spiropali.

Kjo e fundit u shpreh se synimi i administratës doganore është t’i krijojë lehtësira biznesit.

“Mbi të gjitha rrit transparencën, ul burokracinë, sepse eliminon kontaktin fizik mes biznesit dhe punonjësve të doganës, duke e bërë procesin elektronik, duke e bërë transparent dhe duke shkurtuar edhe kostot për të gjithë.

Sa më shumë biznese respektojnë ligjin, janë të ndershme, nuk kanë detyrime ndaj doganave dhe tatimeve ta përfitojnë këtë status që na e mundëson edhe Kodi i ri Doganor që ka kaluar në parlament, por edhe përmirësimi i infrastrukturës IT dhe përmirësimi procedural që ne kemi bërë në doganë, për ta bërë të mundur.

Synimi ynë është lufta ndaj korrupsionit, rritja e transparencës dhe lehtësimit i biznesit. Kanë mundësi aplikimi të gjitha kompanitë, së pari, për t’u bërë pjesë e procedurave të thjeshtuara dhe pastaj për të marrë statusin e operatorit ekonomik të autorizuar. Bizneset që do aplikojnë do kalojnë në këtë filtër, por ne kemi llogaritur që mbi 150 biznese që operojnë jo vetëm në Tiranë, por edhe biznese rajonalë do mund ta marrim atë dhe do mund të kryhet procedura deri në shkurt të vitit vjen.

Pra, deri në shkurt të viti 2015, ne do kemi përmbyllur fazën e jo vetëm aplikimit, por edhe të përzgjedhjes së kompanive,” – u shpreh Spiropali.

Në këtë demonstrim është parë nga afër sesi kryhet e gjithë procedura e zhdoganimit të mallit, i cili pas futjes në pikën kufitare tashmë nuk shkon më në ambientet e doganës, por drejt e në magazinat e kompanisë.

Nga ky moment, personi i autorizuar i kompanisë përpilon deklaratën doganore, të cilën më parë e bënte një agjenci doganore dhe e dërgon atë elektronikisht në doganë, duke deklaruar mallin e mbërritur, me të gjitha elementët e tij. Më parë, kjo procedurë e kryer me aplikimin e ri vetëm në pak minuta, kërkonte pothuajse 1 ditë në doganë./j.h

Cani propozon ligjin e ri, reduktohen kompetencat e parlamentit për marrjen e borxheve

17:18 Ekonomia

Rama-biznesmenëve: Investoni në bujqësi, mos i bëni lekët llaç e tulla

14:52 Ekonomia

Marrja e borxheve nga Qeveria, shmanget vendimmarrja e Kuvendit/Cani: Synojmë daljen drejt tregjeve të huaja

12:41 Ekonomia

Faturat e energjisë/ Këshilli Mbikqyrës i OSHEE miraton mekanizmin lehtësues për borxhet e prapambetura

13:03 Ekonomia

Rruga Tiranë-Elbasan, "Ekonomia" miraton ndryshimet në marrëveshjen

12:17 Ekonomia

Çmimi i energjisë, ERE vendos më 5 dhjetor

12:12 Ekonomia

Këshilli Mbikqyrës i BSH/ "Ekonomia" miraton propozimin për heqjen e kushtit të shtetësisë

11:32 Ekonomia

Fluturojnë çmimet e energjisë elektrike të importit

10:51 Ekonomia

Ministria e Energjisë: Ndryshimi i çmimit të blerjes së energjisë nga HEC-et private mbron konsumatorët

14:04 Ekonomia

Doganat kontroll 1250 pikave të karburantit, 130 prej tyre me shkelje

15:50 Ekonomia