Arben Malaj: Plotësimi i Këshillit do kishte shmangur përplasjen president-qeveri për guvernatorin

Ish-ministri i financave , Arben Malaj, thotë Banka e Shqipërisë gjendet në këtë situatë sepse si para, ashtu edhe pas skandalit të vjedhjes së 713 milionë lekëve në thesarin e shtetit, Këshilli Mbikqyrës është i paplotësuar.

“ Nëse do të kishte diçka urgjente, duhej zgjidhur e para Inspektori i Përgjithshëm, që është atribut i Parlamentit, për të përmirësuar mbikqyrjen e Bankës. Aq më tepër kur u tregua se kishte probleme. Ka kohë, kanë kaluar katër muaj që nuk zëvendësohet.

E dyta, në nëntë anëtarë të Bankës, sot mungojnë katër. Duhet të ishin plotësuar. Ka vonesa nga të gjitha institucionet. Në formimin e Këshillit Mbikqyrës 5 anëtarë i ka Parlamenti, 2 prej tyre mungojnë.

3 anëtarë i ka qeveria, 1 prej tyre mungon. 1 anëtar e ka Këshilli Mbikqyrës i Bankës pas dorëheqjes së Civicit, asnjë prej tyre si ka plotësuar”, thotë ai për “Ora News.

Sipas Malaj, nëse sot Këshilli do të ishte plotësuar, atëherë do të plotësohej edhe kërkesa e mazhorancës, që emri i guvernatorit të dilte pikërisht nga ky Këshill dhe presidenti nuk do të duhej të mendonte një kandidaturë tjetër:

“Ndërtimi i institucioneve minimizon edhe krizat politike.

Aktualisht presidenti ka nxjerrë një dekret, mazhoranca ka qëndrimin e saj ndaj dekretit të presidentit.

Nëse do të ishin të nëntë anëtarët e Këshillit Mbikqyrës do të ishte më e qartë dhe më e lehtë edhe për presidentin që atributin kushtetues që ka që ai e propozon, jo e emëron, do ta kishte zgjedhur nga 9 anëtarët e Këshillit Mbikqyrës”.

Ish-kreu i Financave nuk i mohoi ambiciet e tij për një vend në Këshillin Mbikqyrës, por jo për postin e guvernatorit.

“ Edhe kur presidenti bëri thirrje kush është ambicioz për guvernator të aplikojë, nuk aplikova, sepse nuk e kisha atë ambicie”./b.l

Kreu i INSTAT-it: Mjaft më me dyshime mbi INSTAT-in, ne do t'ju japim prova mbi seriozitetin e profesionalizmin tonë

21:28 Ekonomia

Gjermeni inspekton projektet: Kruja do të kthehet në destinacion turistik

18:32 Ekonomia

Operacioni kundër vjedhjes së energjisë rriti me 47% arkëtimet

15:24 Ekonomia

Rritet numri i bizneseve debitore, detyrimi shkon mbi 800 milion dollarë

16:12 Ekonomia

Operacioni kundër vjedhësve të energjisë/ Gjiknuri: Humbjet u ulën me 15 %

13:04 Ekonomia

KESH shlyen 11 milionë USD borxhe ndaj prodhuesve të energjisë

12:43 Ekonomia

Tokat e zëna nga ndërtimet pa leje/Miratohet kompensimi financiar për pronarët

00:06 Ekonomia

Legalizimet, Qeveria miraton tarifat e shërbimit/8 mijë lekë për cdo kat ndërtimi

23:51 Ekonomia

Lame: 300 mijë ndërtime presin të legalizohen

18:22 Ekonomia

INSTAT: 78 844 të punësuar më shumë se 2013

17:30 Ekonomia