Sondazhi/ 66.5 % e shqiptarëve pro ndryshimit të Kushtetutës, 59.78 % kërkojnë zgjedhjen e Presidentit nga populli

Presidenti i Republikës duhet të zgjidhet drejtpërdrejtë nga populli, shprehen 59.78% e të anketuarve, në studimin e publikuar nga Forndacioni Shoqëria e Hapur për Shqipërinë (SOROS) në bashkëpunim me qendrën A.L.T.R.I, me temë: “Reforma Kushtetuese nga Prespektiva Akademike dhe Civile”.

Drejtori Ekzekutiv i Soros, Andi Dobrushi u shpreh se Kushtetuta është si një makinë, që sado përfekte të jetë, sërish ka nevojë për mirëmbajtje e ndërhyrje.

“Qëllimi ynë është të krijojmë një koalicion me aktorë nga bota akademike dhe organizata të shoqërisë civile për të vjelë perspektivat e këtyre aktorëve, lidhur me reformën kushtetuese sot, por dhe në vazhdim. Ne duam, shtoi Dobrushi, që këtë koalicion dhe këto informacione t’i përdorim për të forcuar institucionet e shtetit të së drejtës. Për ne është thelbësore që Reforma Kushtetuese të marrë jetë me pëlqimin e të gjithë aktorëve”, theksoi Dobrushi.

Ai njoftoi se projekti ka nisur në muajin Maj dhe do të përfundojë pas tre viteve, ndërsa anketimi në fjalë është realizuar gjatë periudhës Prill-Dhjetor 2014.

Ndër konkluzionet kryesore të anketimit ishte se shumica e dërrmuese e të pyeturve vlerësojnë si shumë të rëndësishëm rregullimin e pavarësisë dhe përgjegjshmërisë së pushtetit gjyqësor, forcimin e kritereve lidhur me emërimet në Gjykatën e Lartë dhe Kushtetuese, forcimi i pozitës Kushtetuese të Presidentit të Republikës.

Lidhur me këtë, Aurela Anastasi tha se gjatë anketimit është vënë re një përplasje mes idesë se, Kreu i Shtetit duhet të zgjidhet përmes votimit popullor apo në formën akutale nga Kuvendi. Sipas Anastasit, akademikët vlerësuan si shumë të rëndësishme forcimin e Kushtetutës dhe bashkëpunimin e palëve për zgjedhjen e Presidentit, si një figurë mbi palët dhe që pasqyron unitetin e popullit.

Po ashtu nga konkluzionet e studimit mësohet se të anketuarit vlerësojnë se ndryshimet duhet të bëhen mbi bazën e një diskutimi gjithëpërfshirës, mes pozitës dhe opozitës, ekspertëve të fushës, por dhe akorëve të institucioneve akademike, si dhe shoqërisë civile. Në rastin e ndërmarrjes së ndryshimeve në Kushtetutë, ato duhet të sjellin përmirësimet e problematikave të hasura ndër vite.

Rezultatet e Anketimit:

– 66.52% e të anketuarve janë plotësisht dakord se Kushtetuta e Republikës së Shqipërisë ka nevojë për ndërhyrje. 58.17% e të anketuarve mendojnë se Kushtetuta nuk duhet të rikthehet në variantitn që ajo ishte në vitin 2008, kur falë një bashkëpunimi mazhorancë-opozitë, Kushtetuta pësoi disa ndryshime, duke filluar që nga mënyra e zgjedhjes së Presidentit.

Reforma Kushtetuese sipas të anketuarve duhet të bazohet në tre shtylla, Rregullimin e Pavarsisë dhe përgjegjshmërisë së pushtetit gjyqësor (41.7% të anketuarve). Emërimin e gjyqtarëve të Gjykatës së Lartë dhe asaj kushtetuese (32.76% e të anektuarve), si dhe të ndrsyhojë pozita kushtetuese e Presidentit të Republikës (30.7%).

Lidhur me procedurën që duhet ndjekur për ndryshimet kushtetuese, 39.14% e të anketuarve vlerësojnë se procedura më e përshtatshme është ajo e “votimit në Kuvend me shumic në prej 2/3 të anëtarëve të tij për hedhjen amendamenteve për referendum”. 56.9% e të anketuare mendojnë se gjatë diskutimeve duhet të përfshihen edhe aktorë të tjerë të rëndësishëm institucional, akademik, isntitucioanlist dhe ekspert të fushës. Nëse mazhoranca ka shumicë absolute në kuvend, atëherë 35.52% e të anketuarve theksojnë se pjesëmarrja e opozitës në ndryshimet kushtetuese është shumë e rëndësishme. Por, sipas studimit ka dhe një rrymë tjetër, ku 53.14% e të anektuarve nënvizojnë se për të ndërmarrë ndrsyhime kushtetuese mund të ngrihet një komision i posaçëm kuvendor me pjesëmarrjen e barabartë të forcave politike”.Përsa i takon mardhënieve me publikun, anketuarit i besojnë më shumë organizatave ndërkombëtare (25.40%), ose aktorëe të shoqërisë civile (24.96%), ndërsa kuvendi dhe Institucione të tjera shtetërore janë më pak të vlerësuara.

Lidhur me zgjedhjen e Presidentit, 68.04% e të anektuarve vlerësojnë se duhet forcuar roli i presidentit si një figurë e paanshme politikisht dhe garant i kushtetutës, ndërsa 18.22% mendojnë se duhet të ndryshuar kjo formulë. Për mënyrën e zgjedhjes së Presidentit, 59.78% mendojnë se Kreu i Shtetit duhet të zgjidhet përmes një referendumi popullor, ndërsa 15.53% theklsojnë se nga Kuvendi zgjedhja e Presidentit dhe kjo me bashkëpunim të plotë mes palëve.

Sipas 73.6% të anektuarve duhet të forcohet roli Kuvendit, si mbikqyrës i Qeverisë, ndërsa ofrojnë si zgjidhje bikameralizimin (41.74%) të anketuarve. Bikameralizimi është ndarja e kuvendit në dy dhoma.

Sa i takon emërimit të drejtuesve në organet Kushtetuese, 67.95% mendojnë se duhet ndryshuar mënyra aktuale e zgjedhjes se gjyqtarëve të gjykatës së larët dhe kushtetuese. Po ashtu 65.44% vlerësojnë se duhet ndryshuar formula aktuale e zgjedhjes se prokurorit të përgjithshëm.

Metodologjia e përzgjedhur:

Për realizimin e studimit, qendra A.L.T.R.I bashkëpunoi me 9 fakultete të Drejtësisë në vend (publike dhe private), si dhe 125 organizata të shoqërisë civile në Tiranë, Durrës, Korçë e Vlorë. U intervistuan 1 114 përfaqësues nga bota akademike dhe shoqëria civile: 112 pedagogë, 842 studentë dhe 160 përfaqësues të shoqërisë civile. /gj.k/

Fehmi Abdiu: Ja si ndryshohet Kushtetuta

13:35 Politika

Ristani akuza Ramës: Përgjegjës për gjendjen e sigurisë dhe rendit në vend

13:34 Politika

Meta sfidon Bashën: Konkurro dhe fitoje Tiranën, kush po të pengon?

13:13 Politika

Hapja e dosjeve, Braho akuza Berishës: Deformoi sistemin

12:34 Politika

Reforma Territoriale, miratohet amendamenti "Tavo"/ Fino e Peza kundër

12:28 Politika

Ligjet miratojnë ndryshimet në Kodin Penal/ Dy deri në 8 vjet burg kush ndërton pa leje

12:19 Politika

INTERVISTA/ Pandeli Majko: Po, jemi përfshirë në operacionet e CIA-s

11:59 Politika

Ambasadori gjerman: Hapja e dosjeve proces i vështirë, por me përfitime të jashtëzakonshme

11:27 Politika

Hapja e dosjeve/ Veliaj: Proces i vonuar, do ndjekim modelin gjerman

11:21 Politika

Basha i ankohet zyrtarit të DASH: Dyshja Rama-Meta po instalon oligarkinë

11:13 Politika